*Të jesh ose të jesh* Hamdi Nuhiju
Njerëzit mendojnë se u zhduka nga paragjykimet. I dehur nga kolapsi i rregullave të rregullësisë endem në rrugët e qelqta të dashurisë. Strehim më të saktë, më të mirë e më të bukur se në dashuri nuk ka. Bile edhe jeta zbukurohet nga lulet e verdha të vjeshtës në lindjen e re. Ëndërr. Po, e tillë është secila fjalë e cila ka ëmbëlsinë e kahmotshme të botës së pafundme. Në të mblidhen të gjithë, madje edhe ata që nuk mendojnë aspak mbi të. Egoja rritë e nxitë largimin e ndjenjave nga ndjenjat, ndërsa shpirti fillon të pikturoj mbi natyrë. Poeti tha:” Ose duku ashtu si je, ose bëhu ashtu si dukesh..” Zaten sikur të mendosh ndryshe do të ndryshkesh, vyshkesh e përkeqësohesh. Paramendo sikur të nisesh në një rrugë e cila të rikthen mbi vete të gjitha zhurmimet e skajshme të mentalitetit rozë. Sikur edhe dashuria të dilte në njërin krah, dhe mendimi, fryma e erosi të stimulonte tingujt e brendësisë, ti përsëri do të gjendesh përballë botës. Kujtuan se unë vjedha idenë e botës së tejdukshme. Ndoshta dukja mu bë zemër e ndarë në shtatë pjesë. Për çdo qiell ka një pjesë. Vezullimi i tyre arrinë deri tek shkëlqimi i engjujve. Nuk e preferoj ta mendoj djallin. Përderisa ai nuk më le rehat në asnjë çastë. Arrita që të pastrohem nga moduset e panevojshme. Dhe përsëri rrugën po e vazhdoj i vetëm si në fillim. Ata u larguan e ikën nga unë. Njëjtë si nxënësi i Zekerijaut a.s. Me shpirtin e sufiut e zemrën e një meskini vazhdoj rrugën me të gjitha sprovat. Ata nuk më ndalin, por më forcojnë që ti qëndroj përballë secilës tradhti. I egër, i vrazhdë, i panevojshëm! Bile bile edhe i papjekur. Çkamos dëgjuan veshët e mi. Gjithçka pranuan ndjenjat e mia. I çuditur nga ky rrëfim me veten, ëndërrova e ëndërrova. Më në fund gjysëm i zhveshur, e me hallet e mia iu riktheva profesionit të vjetër-fjalëve. Pa to nuk mund të jetoj. Ju dhurova pak sot lexuesve të mi. Por me kohë do të stabilizohen mendimet e mia. Rrugëtimi i meditimit ndalon mu këtu! Uphhhhh, çfarë e pavërtete. Meditimi nuk ndalet, por vazhdon. Të jesh ose të jesh është rruga e mesit. Ne jemi popull i mesit. -- Ju merrni këtë mesazh sepse jeni të anëtarësuar në grupin "Fjala e Bukur" në Google Groups. Për të dërguar në këtë grup, dërgo email në [email protected] Për t'u ç'anëtarësuar nga ky grup, dërgo email në [email protected] Për më shumë mundësi, vizito këtë grup në http://groups.google.com/group/fjalaebukur To unsubscribe, reply using "remove me" as the subject.
