Myftiu i Kosovës Naim Tërnava u prit nga lideri i Libisë Muamer el Gadafi
http://www.koha.net/index.php?cid=1,22,24138
Publikuar: , më 06 qershor 2010
Tripoli, 6 qershor - Myftiu i Republikës së Kosovës, Naim Ternava, në krye të
një delegacioni të gjerë kosovar, u prit sot në rezidencën e tij nga lideri i
Libisë, Muammer el Gadafi, njofton shërbimi për informim i Bashkësisë Islame të
Kosovës. Në atë pritje ishin edhe liderët fetarë të rajonit.
Myftiu i Republikës së Kosovës me rastin e përshëndetjes së liderit libian
përcolli përshëndetjet e ngrohta të popullit të Kosovës, duke i dhënë një
pasqyre të historikut kosovar, vuajtjeve tona në të kaluarën, shkatërrimin e
trashëgimisë fetare e kulturore në Kosovë nga barbaria serbe, nevojën e
bashkëpunimit mes bashkësive fetare të rajonit, në avancimin e vlerave dhe
ruajtjen e krenarisë dhe identitetit islam në rajon, si dhe angazhimit të
ruajtjes së paqes e tolerancës tradicionale fetare ne ato vende. Myftiu i bëri
me dije liderit libian se Xhamia e parë në Kosovë u ndërtua më 1389 pas Betejës
së Kosovës dhe tash Kosova ka mbi 700 xhami.
Në fund të fjalës, Myftiu i Kosovës i dhuroi liderit Libian një punim dore me
hartë të Kosovës të punuar nga xehet e çmuara të Trepçës dhe një monografi te
xhamive dhe objekteve fetare islame të shkatërruara nga agresioni serb gjatë
luftës së vitit 98|99.
Përveç anëtarëve të delegacionit nga BIRK, në delegacion ishin edhe z.Shemsi
Ajvazi, bija e tij znj. Nexhla Ajvazi, e cila i tha Gadafit se është e lindur
në Tripoli, dhe i dha një dhuratë modeste liderit libian, dhe Muamer Ibrahimi i
cili për nder që bart emrin e njëjtë me liderin Libian përshëndeti atë dhe i
tha se disa të rinj nga Kosova bartin këtë emër.
Lideri libian u ndie shumë i kënaqur që ka ndodhi ky takim me delegacionin e
Kosovës, duke thënë se "Zemrat tona na çaheshin nga dhembja për ju, kur ju
kalonit nëpër vuajtjet, masakrimet dhe dëbimet masive nga trojet tuaja nga
kriminelët." - tha Muamer el Gadafi. Tani më ajo kohë ka kaluar dhe ju duhet të
këmbëngulni që të jetoni të lirë dhe me dinjitet në vatrat tuaja. Jeni
evropianë autoktonë dhe çdo ditë kontribuoni në përparimin e vendit tuaj.
Në fund të bisedës Gadafi tha se "dera jonë është e hapur për vizita dhe
bashkëpunim të mëtutjeshëm sa herë që ju dëshironi" Takimi u realizua në një
nga rezidencat e tij të improvizuara, në oborrin e shtëpisë së tij, me ç'rast
delegacionet bëjnë prezantimin e aktiviteteve te tyre.
Komentet(5)
* hasani (para 11 oreve)
Qat pranim te pavarsis nuk ja permene jo? Hajt shmosh najher tjeter se sen ska
as prej teje edhe ati :)
--
Ju merrni këtë mesazh sepse jeni të anëtarësuar në grupin "Fjala e Bukur" në
Google Groups.
Për të dërguar në këtë grup, dërgo email në [email protected]
Për t'u ç'anëtarësuar nga ky grup, dërgo email në
[email protected]
Për më shumë mundësi, vizito këtë grup në
http://groups.google.com/group/fjalaebukur
