Esselamu Alejkum ue Rahmetullah
Hyni ne kete link dhe nenshkaruni kete peticion... http://www.petitiononline.com/tereza/petition.html Për largimin e figurës (fotografisë) së Gonxhe Bojaxhiut ("Nënë" Terezës) nga Zyra e MSKRS-së, si dhe nga Insitucionet Shtetërore e Publike të Vendit tonë Të nderuar përfaqësues të institucioneve të Kosovës, I nderuar President z.Pacolli, I nderuar Kryeministër z.Thaçi, I nderuar Kryetar i Kuvendit, z. Krasniqi, Si qytetarë të shtetit të Kosovës, të gjithë ne që jetojmë sot, kemi kontribuar në ndërtimin e shtetit që kemi. Kush më shumë e kush më pak, e rëndësishme është që sot e kemi shtetin të fituar me shumë mund. Ndaj që si një shtet i vogël që është, Kosova nuk mund të paramendohet si një vend i tendencave meritokratike sipas kuteve të dikujt, pasi që tendencat dhe veprimat e tilla, lënë palë të pakënaqura. Megjitkëtë, eksiston tek të gjithë një pajtueshmëri që nuk mund kontestohet : më meritorët për ditën e sotit, janë dëshmorët - ata që sakrifikuan jetën e tyre që vendi ynë të jetë në liri. Kontributi i të gjithë të tjerëve është i matshëm, siç janë të matshme dhe të dukshme sheshazi, tendencat për imponimin e figurave kulturore e religjioze, pa kurrfarë nismash të debatit publik. Komuniteti musliman në Kosovë, si komunitet shumicë, është konkretisht i brengosur mbi shkallën fillimisht latente, por kohëve të fundit të përmasave të mëdha, të tendencave dhe metodave të një dominimi kulturor, të ritit katolik në vend, si relikë e trashëguar nga e kaluara e garniturave më të hershme pushtetare, që ishin akcelereuse të një dominimi të tillë. Vazhda e tolerimit të tendencave dhe metodave të tilla, po sfidon laicitetin edhe të qeverisë së re. Nuk është se tendencat dhe metodat e tilla, nuk janë vërejtur nga ne edhe më herët, sikurse në rrafshin ligjërues/mësimor, kulturor, medial, e politik, por për hirë të arsyeshmërisë dhe mosshkaktimit të reaksioneve publike, i kemi kaluar me heshtje. Hapi i ndërrmarur nga ministri Memli Krasniqi për largimin e fotografisë së Nënë Terezës nga zyret e MSKRS-së, si dhe detyrimi për ta rikthyer prap, pas reaksioneve të shumta katolike e filokatolike, ishin dëshmi e sfidimit serioz të laicitetit institucional/shtetëror nga katolicizimi kulturor dhe tendencat e tij dominuese në rritje. Sidomos adresimi i një peticioni nga ana e disa “intelektualëve” ku nga kryeministri kërkohej shkarkimi i minstrit Krasniqi, duke u thirrur ndër të tjera edhe në bindjen e tij fetare si arsye për largim, na bëri që ta thyejmë heshtjen. Duke e ditur se Kushtetuta e Kosovës, në Nenin 8, Pika 1, e definon Kosovën si shtet laik dhe neutral në çështje të besimeve fetare, ateherë nuk shohim arsye të shkeljes së Kushtetutës, nëpërmjet përdorimit publik e institucional të një figure krejtësisht fetare, pa ndërlidhmëri me shtetin e Kosovës, dhe sidomos jemi kundër imponimit publik të një figure që deklarativisht thoshte se “i përkasë Krishtit” si figure kombëtare, pasi që një imponim i tillë, përpos që dhunon laicitetin institucional, përbën poashtu një imponim religjioz e kulturor nacional-katolicist, në një shoqëri me shumicë muslimane. Nuk jemi aspakt kundër fesë katolike, por kundër përdorimit politik e kulturor dhe imponimit të figurave katolike. Nisur nga këto premisa fundamentale, Juve si institucione të Kosovës u’a adresojmë këtë : PETICION Për largimin e figurës (fotografisë) së Gonxhe Bojaxhiut (Nënë Terezës) nga Zyra e MSKRS-së, si dhe nga Insitucionet Shtetërore e Publike të Vendit – bazuar në arsyet që u dhanë më lartë. Nënshkrues të peticionit janë qytetarë nga shumica e komunave të Kosovës. Shrepsojmë që kërkesa jonë të mirret parasysh dhe të diskutohet. Në të kundërtën jemi të shtyrë drejt protestave publike. -------------------------------------------------------------------- Behar Beqiri Sllatinë e Epërme / VITI 044/407-258; 049/175-379 www.kosovahosting.com [email protected] ___________________________________________________ www.BESIMTARI.com ____________________________________________ Forumi i të Rinjve Muslimanë në Kosovëështë organizatë joqeveritare e regjistruar ne Ministrinë e Shërbimeve Publiketë Qeverisë së Kosovës dhe ka për qëllim afrimimin dhe ruajtjen e vlerave dhekulturës se traditës Islame në Republikën e Kosovës. Është eregjistruar në Ministrinë e Shërbimeve Publike me date: 08.06.2008 me numërregjistri: 5111875-8 -- Ju merrni këtë mesazh sepse jeni të anëtarësuar në grupin "Fjala e Bukur" në Google Groups. Për të dërguar në këtë grup, dërgo email në [email protected] Për t'u ç'anëtarësuar nga ky grup, dërgo email në [email protected] Për më shumë mundësi, vizito këtë grup në http://groups.google.com/group/fjalaebukur
