*Lënda:* PETICION PËR RRËNIMIN DHE RINDËRTIMIN E XHAMISË "HASAN EMIN" (Xhamia e vogël përball objektit të vjetër të Komunës) *Për:* KRYETARIN DHE ASAMBLENË E KOMUNËS SË PRISHTINËS *Nga:* QYTETARËT E PRISHTINËS *Përmes:* KËSHILLIT ORGANIZATIV TË INICIATIVËS PËR RINDËRTIMIN E XHAMISË
*Bismil-lahir-Rahmanir-Rahim* *Në Emër të All-llahut, Bëmirësit, Mëshiruesit.* ** *Hamdi, falenderimi dhe adhurimi i takon vetëm All-llahut të Madhëruar, All-llahun e Mëshirshëm e falenderojmë dhe prej Tij falje dhe ndihmë kërkojmë.* *Paqja dhe mëshira e All-llahut të Plotëfuqishëm qoftë mbi më të mirën krijesë që ka krijuar, më të dashurin e All-llahut dhe muslimanëve, të Dërguarin e Fundit që ishte mëshirë për të gjitha botërat, Muhammedin s.a.w.s.; mbi familjen e tij të pastër, mbi shokët e tij besnik, dhe mbi të gjithë ata që e pasojnë dhe thërrasin në rrugën e tyre.* Të nderuar qytetarë të Pishtinës! Ne, Imami i Xhamisë "Hasan Emin" së bashku me disa qytatarë të Prishtinës dhe xhematlinjtë e xhamisë, duke pasur parasysh nevojën enorme për hapësirat e kryerjes së obligimeve fetare të besimtarëve musliman, kemi pasur si ide të kahëmotshme rrënimin dhe rindërtimin e Xhamisë sonë "Hasan Emin". Kjo ide ka qenë e bazuar në faktin që Xhamia në fjalë është katandisur në një gjendje të mjerueshme e cila nuk i plotëson as kushtet minimale për kryerjen e ritualeve fetare. Madje kjo Xhami nuk posedon as ndonjë vlerë historike apo arkeologjike. Mbi të gjitha, si pasojë e disa çarjeve në muret dhe bazat e saj, kjo Xhami është e rrezikuar nga rrënimi i vetvetishëm, e në veçanti minareja e saj, gjë e cila e bën të pasigurtë qëndrimin e besimtarëve brenda saj dhe kryerjen e obligimeve në gjendje të qetë psikike. Lidhur me këtë çështje, ne kemi marrur edhe pëlqimin nga "Enti i Monumenteve" për rrënimin dhe rindërtimin e një xhamie moderne me standarde të larta të sigurisë. Bazuar në faktet që u përmendën më sipër; Ligjin për Vetqeverisje Lokale Nr. 03/L-040, Neni 69 mbi të drejtën për peticion; si dhe Nenin 25 dhe Nenin 26 të Statutit të Komunës së Prishtinës mbi organizimin e peticioneve, Këshilli Organizativ për realizimin e këtij projekti jetik, ka marrur iniciativë për organizimin e një peticioni, që ka si qëllim përfundimtar rrënimin dhe rindërtimin e xhamisë, i cili do t'i dërgohet organeve komunale të Prishtinës, të cilët me Ligj janë të obliguar ta shqyrtojnë kërkesën tonë. Andaj, lusim të gjithë qytetarët e Prishtinës, por edhe të Kosovës që të na përkrahin në iniciativën tonë për realizimin e këtij projekti që përveç arsyeve të cekura më sipër, do ta zbukurojë atë pjesë të qytetit. Lidhur me këtë, e tërë ajo që kërkohet nga ju qytetarë të dashur, është përkrahja juaj duke nënshkruar këtë peticion. Ky peticion organizohet edhe në formën e shkruar në kopje fizike, por edhe në formën elektronike, pra përmes internetit. Të gjithë ata që dëshirojnë ta përkrahin këtë projekt, luten që në e-mail adresën [email protected] të dërgojnë të dhënat e tyre personale së bashku me subjektin e këtij peticioni si në vijim: *Subjekti: PETICION PËR RRËNIMIN DHE RINDËRTIMIN E XHAMISË "HASAN EMIN" NË PRISHTINË* *1. Emri dhe Mbiemri:* *2. Data e lindjes:* *3. Qyteti:* *4. Numri i ID (Numri i dokumentit identifikues):* ** *Vërejtje: *Me një e-mail mund të dërgoni të dhënat edhe të anëtarëve të tjerë të familjes apo shoqërisë të cilët pajtohen të nënshkruajnë këtë peticon. Njëkohësisht i lusim të gjithë qytetarët që të jenë të ndërgjegjshëm dhe asesi mos të nënshkruajnë dy herë, qoftë në formën e shkruar apo elektronike. Përveç kësaj, ju lusim që të gjithë të kontriboni në mbledhjen e sa më shumë nënshkrimeve për këtë peticion duke e informuar familjën e ngushtë dhe shoqërinë e gjërë duke ua dërguar të gjithë atyre që i keni në listën e kontakteve, duke e bërë copy-paste tekstin me ngjyrë të kaltër Mos të harrojmë që i Dërguari i All-llahut, Muhammedi s.a.w.s. ka thënë: *"Ai që ndërton një Xhami në tokë, All-llahu do t'ia ndërtojë një pallat në Xhannet (Parajsë"* ** *"Ai që bëhet shkaktarë për një punë të mirë, e ka shpërblimin e të gjithë atyre që e bëjnë atë punë (duke mos ju munguar këtyre të fundit)"* ** *Si dhe Fjalën e All-llahut në Kur'anin Fisnik:* ** *"A ka dikush që i jep All-llahut një hua (punë të mirë për të cilën All-llahu nuk ka nevojë), e që All-llahu t'ia shumëfishojë atij (shpërblimin për të)" * ** *Dhe duaja/lutja jonë e fundit është: Paqja qoftë mbi të gjithë të Dërguarit (Profetët), ndërsa falendërimi më i lartë i takon vetëm All-llahut të Madhërishëm!* -- Ju merrni këtë mesazh sepse jeni të anëtarësuar në grupin "Fjala e Bukur" në Google Groups. Për të dërguar në këtë grup, dërgo email në [email protected] Për t'u ç'anëtarësuar nga ky grup, dërgo email në [email protected] Për më shumë mundësi, vizito këtë grup në http://groups.google.com/group/fjalaebukur
