http://www.anosaterra.org/nova/35133/o-estado-reprende-a-xunta-polo-paron-do-idi-.html
CEN DESPEDIMENTOS NA NOVA XUNTA
O Estado reprende á Xunta polo parón do I+D+I
M. V . Cesga, Mancomun e Rede de Dinamización. Estes son algúns dos
centros da innovación pública nos que a nova Xunta do PP está a despedir
traballadores, en primeiro lugar aos que tentaron crear comités de
empresa, segundo denuncia a CIG. Despedimentos que están a deter o I+D+I
no país, como lle espetou publicamente o director do centro estatal de
desenvolvemento tecnolóxico ao conselleiro de Economía nun recente acto
público.
------------------------------------
No seu discurso de investidura, Alberte Nuñez Feixóo prometeu, entre
outras grandes declaracións de principios, non tirar por terra os
avances dos seus predecesores. Promesa que non se está a cumprir, polo
menos no I+D+I e nas novas tecnoloxías.
Cambio de coordinador do CIS Galicia
Máis de cen traballadores de programas da Xunta de novas tecnoloxías e
innovación están a recibir estes días carta de despedimento ou avisos de
extinción de contratos segundo fontes sindicais. Son asalariados do
Centro de Supercomputación de Galicia, a Fundación para a Calidade do
Fomento Industrial e da Sociedade da Información, o Observatorio Galego
da Sociedade da Información, o programa IMAN e a Rede de Dinamización da
SI, entre outros.
Tamén podería haber despedimentos no CIS Galicia, despois de que a
Consellaría de Innovación e Industria cesase esta semana o coordinador
deste centro ferrolá, Xosé Somoza. Fontes da Consellería de Innovación
aseguran que non foi un despedimento, senón unha baixa voluntaria por
marchar ao rematar unha comisión de servizos que tiña este experto na
Universidade de León.
Maurici Lucena sácalle as cores a Xavier Guerra
En todo caso o alto número de despedimentos están a causar unha
diminución na actividade do I+D+I galego segundo os traballadores. De
feito, mesmo o Estado reprendeu publicamente a Xunta por este motivo.
Así, o director do Centro para el Desarrollo Tecnológico e Industrial,
díxolle publicamente ao conselleiro de Industria que o desde o Goberno
Central se vía con moita preocupación o descenso tan considerábel da
actividade en I+D+i que estaba sufrindo Galiza nos últimos meses.
Maurici Lucena, do Ministerio de Ciencia e Innovación, lanzoulle a
Xavier Guerra esta recriminación en público, diante de máis de 350
representantes do sistema galego de I+D+i, nunhas xornadas sobre
innovación o 16 de setembro.
A CIG denuncia 'represión sindical' tras seren despedidos os que quería
montar comités de empresass
Con todo, a nova Xunta do PP proseguiu coas notificacións de
despedimentos. Segundo denuncia o secretario nacional da CIG autonómica,
Manuel Gallardo Canitrot, os primeiros en caer foron traballadores que
se tiñan dado o paso adiante de montar comités de empresa na Fundación
para a Calidade do Fomento Industrial e da Sociedade da Información.
Por iso Gallardo acusa a administración de ?represión sindical? e
lémbralle a Guerra que a ?administración non ten cor política?. O
sindicalista denuncia que os despedimentos fanse mentres o Goberno
presume de que vai crear unha nova axencia público de I+D.
Na súa opinión, os traballadores despedidos deberan conservar o seu
posto de traballo até a creación da axencia e logo poder concursar a
unha praza neste ente.
A Xunta fica sen especialistas en I+D
Gallardo alerta de que os despedimentos prexudican o rendemento do I+D
público galego porque ?non temos constancia que haxa persoal propio da
Administración para facer este traballo?. ?Rematouse o I+D na Xunta ou
quen o vai facer??, pregúntase o sindicalista.
O representante da CIG insiste en que varios dos despedimentos foron de
xeito improcedente e son ?represariados sindicais e políticos porque a
CIG promoveu eleccións nesas fundacións?.
--
---
Saúde.
......................................................................
Alexandre Prieto. Vigo-Galiza.
CiberIrmandade da Fala: Por Galiza e a sua lingua propia, colabora
http://www.ciberirmandade.org
A defensa da lingua da Galiza, tamén na rede
......................................................................
