Hoxe sae oficialmente o seamonkey 2 e estará dispoñíbel en galego.

Aínda non se anunciou pero xa se poden atopar os ficheiros para descarga
desde os ftp de mozilla:
ftp://ftp.mozilla.org/pub/mozilla.org/seamonkey/releases/2.0/

Ademais, na rolda de google groups de mozilla animan a traducir un texto e
envialo para darlle difusión:
http://groups.google.com/group/mozilla.dev.l10n/browse_thread/thread/c1a92abc73e135b9#

Traducín o texto e vai adxunto neste correo.
Tamén o reenviarei a Mancomún para ver de darlle máis difusión.

Saúdos.
Javier Rial
------------ próxima parte ------------
Borrouse un anexo en formato HTML...
URL: 
<http://www.mozdev.org/pipermail/galician/attachments/20091027/18ad692e/attachment.html>
------------ próxima parte ------------
?O proxecto SeaMonkey de Mozilla anuncia hoxe a publicación da súa nova 
xeración, completamente remodelada, da suite todo-en-un de Internet: SeaMonkey 
2.0, xa está dispoñíbel para descarga gratuíta, e xunta as ideas detrás de 
Netscape Communicator coa moderna plataforma de Firefox 3.5 para crear un dos 
produtos de código aberto máis apetecíbeis para os usuarios avanzados de 
Internet.

A combinación dun navegador de Internet, un cliente de correo e grupos de 
novas, un editor HTML, un cliente de IRC e ferramentas de desenvolvementos web, 
que xa ten estabelecido unha ampla base de usuarios nas súas anteriores 
edicións, foi reconstruída sobre a moderna plataforma Mozilla, incorporando, 
entre outras cousas, unha xestión de complementos de primeira orde. Ademais, 
mellorouse coa lectura de canles (incluíndo un lector de canles RSS e Atom no 
compoñente de correo), unha imaxe moderna, a recuperación de separadores e 
xanelas do navegador despois dun peche inesperado ou reinicio, correo con 
separadores, actualizacións automáticas, buscas intelixentes no historial 
desde a barra de enderezos, un motor de JavaScript máis rápido, 
características de HTML5 (como por exemplo, vídeo e tipografías 
descargábeis) e incluso a posibilidade de instalar o complemento de calendario 
Lightning (o cal publicará unha beta para a súa instalación en SeaMonkey 2.0 
nas próximas semanas).

As notas da versión inclúen unha lista máis detallada das melloras e 
problemas coñecidos desta nova versión, así como os requirimentos e 
instrucións de instalación. ¡Descubre máis información sobre SeaMonkey 2.0 
e o proxecto SeaMonkey en seamonkey-project.org!.

Responderlle a