Ola,

Supoño que a meirande parte de vós estaredes ao tanto disto:
http://trasno.net/trasno:asociacion. Pois ben, obviamente estiven atento a
tódalas valoracións que fostes emitindo aquí con respecto do asunto da
coordenación do proxecto e logo de valoralo coa directiva imos propoñer algo
ao respecto.

Queremos propoñer que sexa a asociación, como persoa xurídica que é, quen se
faga cargo da coordinación do proxecto. Dende a asociación, de cada vez que
fora necesario, proporiamos un coordenador que asuma contractualmente unha
serie de obrigas. Isto sería, que cumpra a función de coordenador, que
respecte o labor doutros voluntarios, que as decisións sexan imparciais e
baseadas na meritocracia e no principio de calidade e excelencia da
tradución; así mesmo que asuma a obriga de abandonar o cargo cando imcumpra
cos seus deberes. E como non podería ser menos, a xente que traballades en
Mozilla sodes os que tedes que dicir que cousas irán nese contrato ou pacto
que asuma o coordenador e obviamente, quen é o coordinador.

Inda que non sabemos exactamente como se xestiona isto dentro da fundación,
pois estamos pendentes de recibir contestación; si sabenos que esta fórmula
é posible. Entendemos que Softcatalá hai un tipo de relación coa fundación
deste estilo.

Como tampouco vexo que haxa unha decisión firme sobre quen debe ser o
coordinador, proporei un candidato para que o meditedes. De novo, os que
traballades en Mozilla sodes os que tedes que decidir. Popoño a Enrique
Estevez (Keko), da OSL da USC. Ten un perfíl técnico, que o cualifica para a
tarefa, e estivo a realizar unha revisión recentemente de Mozilla, e que hai
pouco vos expuxo aquí. No persoal é unha persoa dialogante e bastante
neutral. Sobra dicir que, propoñamos un candidato ou asumamos como
asociación a coordinación, non quita de que os que queirades sigades a
traballar no proxecto e sexades os que marquedes as pautas de traballo. O
noso papel sería meramente burocrático.

Atentamente,

Miguel Branco

Pres. Asociación Proxecto Trasno
------------ próxima parte ------------
Borrouse un anexo en formato HTML...
URL: 
<http://www.mozdev.org/pipermail/galician/attachments/20100312/3389d245/attachment.html>

Responderlle a