EKVOTT GLOBAL GOANS UNITY Gõykarano zaiat zage, Goem gillunk bhaile vag aileat jive Lhan punn, sobit Goem girasunk darant amchea porki zaleat ube Onat ami zaunchea adim, mogan fuddem vorumia ekvottache bhavtte Bharotachea nokxar, Konknni ami, doxim zaunchem nhoi toplear kantte Amche modem futt ghalunk, bhailea lokache hat zaleat ghott kotte Lhasun tancho nas korun dakoi-ia, Gõykar ami nant mhunn ektte. Gõykara, asai tum Europak, Amerikek, Portugalak, Afrikak vo Gulfak Osmitay, sonskruttay Gõychi porampora vortai tum, tujea sangatak Agostachi vis tarik, Konknni bhas, Bharotan ghetli atthve vollerin bhagak Noman tumkam soglleank, Konknni khatir zuztole niz Gõykarank Sorat fuddem, purvonzamni dovorlolem girest daiz, fulloun haddpak United we stand, divided we fall, oxi ek Inglez bhaxen mhonni asa Niyall kor Gõykara, tujea bhavak sokoll uddounk matui chintinaka Itihas amcho ekvottacho, bhavponnacho, hem keddnach visrumnaka Tum ani hanv ekuch Konknni avoyche put, duspot amche modim naka Yeo Gõykara, Goem bostailam, porten bhagaranchem korunk vavrumia Lino B. Dourado (Utodd'dekar) Mogacheno, Dor vorsa Agostache 20ver Sonvsarbhor Konknni somaz Goa World Day monoitat. Mhoji kovita somest Goykarank bhettoitam. Ekvott ani mog amche sovem vhaddot vochum Lino Lapitt http://aitaracheokaskuleo.blogspot.com/ Lapitt http://aitaracheokaskuleo.blogspot.com/
