Ek Pavtt Imtto, Soddanch Imtto CAMIL: Hello�hello ..Konn? Cecil?
CECIL: Oi. Konn zai aslo? CAMIL: Hi Cecil. Hanv Camil, London thavn uloitam. CECIL: Konn Camil? Ollkhunk na tuka. CAMIL: Hey Cecil. Poilech pavtt tujem �Red Rose� vorun tum �line� martele cheddvak diunk sangil�lo tujo ixtt Camil. CECIL: Ohoooo. Kitlea vorsani tujo tallo aikotam. Tum Delhi astalo nhoi? Kedna London pavllo? CAMIL: Zalim thoddi vorsam. Cecil tum kazar zaloi re ani konna thaim? CECIL: Teach cheddva thaim �Red Rose�. CAMIL: Kitlo xud�dh mog tumcho, ani tosoch tujo mog fulam thaim. Xevottak �Flower Shop� ghatlench tuvem. Haka mhonnttat niz mog. Tuvem ho dhonddo suru kela mhonn mhaka poiruch khobor meulea. Mhojim porbim. CECIL: Dev borem korum. Tujem fianc�e koxem asa re. Kazar zaloi? CAMIL: Oi. Ponn nhoi tichea thaim. London pavttokoch matso trasant poddlom Hangasorlim gori katichim cheddvam amche �brown� katik pixim zatat. CECIL: Mhonntokoch tea �innocent� cheddvak soddlem? Iskolachea banka velo mog visorlo? Kollegiche panvdde choddtana tujea moga khatir aple avoi-bapaicho tannem mar khailolo. Atth atth dis kalloki khuddant taka bondh korun tanne bukheche vollvole sonsle.Tumi London pavttokoch khoimcho devchar tumcher bosta? CAMIL: British cheddvachi ixttagot xhime bhair pavlli ani hanv trasant poddlom. You know what I mean. CECIL: Tea �innocent� cheddvachem kitem? Tujea korthubanchi taka khobor asa? CAMIL: Tem mhoji khobor aikon tin pavtti doriant jiv divpak gel�lem. Udkak bhieun portun voir ailem khoim. CECIL: Hanv bhes borem ollkhotam taka. Ekdom kallzidar cheddum tem. Tujea moga khatir kitlem sonslem tannem. Udkak bhieun nhoi ponn aplo nirmoll atmo devcharachea hatant poddtolo oxem chinttun tannem aplo jiv dilo na astolo. CAMIL: Tuka sangpachem ani ho fon korpache karan mhonllear tachem kazar asa. Mhojea ghorcheani hi khobor dilea. Taka ek fulancho turo pattounk zai. CECIL: Zanv Saiba! Tachem kazar mhonnon tuka mhojo ugddas ailo. Polle tuje upkaran hanv �Red Rose�-acho mog jiklolom. Tum poilech pavtt mhoje shop-a velean fulancho turo (flowers bouquet) ditai mhonntokoch mhoje votten mhoji fulam funkott . Truck borun zalear truck borun ditam. Tacho pot�to di ani kazar khoimsor? CAMIL: Agonda, Canaconna. Mhaka zai ho fulam turo resper (nuptial) zalea uprant dilolo. Novrechem nanv Basil Torcado. CECIL: Zoxem hanven tuka sanglam. Mhoji fulam funkott. Dusrem mhonllear tim fulam sarkea vellar pavtti korpak �transport charges� lagtta. Hachi chiptti (fee) tuven farik korchi poddteli. Kiteak hea vaurant dusre monis samil asat. CAMIL: Tum sarkoch �business minded� zalo mure . Oxem kor, tum zanai mhojo pai podder aslo . Saikollicher panttlo ghalun pao vantt�talo. Tuje lagim saikoll nant? CECIL: Goeam adhunink (modern) zalam. Bharatachea voilea panvddear Goem urta Vachunk nai tuvem �Goa Best State Award� gaula to? Amchi gotti (speed) vhaddlea. Atam podder pasun saikoll kon�xak marun scooter-in pao vantt�tat. CAMIL: Hangach Goemkaranchem chuktta! Polle, tuven sanglam tuji fulam funkott. Borem asa. Saikoll ghevn ani saikollicher tujea �Flower Shop�-achem dhaktexea �board�-ar nanv ghalun Ponnje thavn Agonda pavtta mhonllear hozaracho hozar lok tujo funkot �mobile� jahiriti (advertisement) vachtolo. Kitlech gavn tum pasar zatai. Lokak gomtelem konnachea shop-ar thavn fulam vetat tim. Tum mottoran vo scooter-in vechi, saikolli velean funkott jahiriti zata ti zavnchina. Kiteak motor zoom korun vegan dhavntta. On-Goenkar Goeant oputt borleat. Ponas rupia tankam chav-panienk dilear hem kam sovai bhitor zata. Koxo laglo mhojo monabhau (idea)? CECIL: Kollegichea canteen-an soddanch tuje poixea hanv farik khortalom. Goeant astana tum ek imtto aslo. Atam London pavlo ponn tujim imtteaponna mat gel�lim nant ham? Ugddasan amchi khobor www.goa-world.net/expression Londonchea Goenkarank sang, ponn tujea osle imtteank mat sangum naka re baba. Lino B. Dourado (Utodd'dekar Q8) ===== http://www.goa-world.net/poems http://www.goa-world.net/poems/lino __________________________________ Do you Yahoo!? Yahoo! Calendar - Free online calendar with sync to Outlook(TM). http://calendar.yahoo.com ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
