Ek niall kovita rupan
'Xantichea Parveakui Daukulam Astat'
Ontoskornachi chavi sandlea?
Ollxig rebddant poddchea adim kadd soddun
Nid'dukaichi zhor funtlea?
Zhotnai ge! Boro sobav vochot vahun.
Kombeak panttle ponddak lipoilo
Dis uzvaddcho aslo to udelo
Udok nastana chullir buddkulo dovorlo
Nalileant funktana ujeacho agtto angar boslo.
Sunknni rukhar bosun gitam gaitana
Sobit pod* aikun xezari sontostalo
Eklo dhados tor dusro mellsanichem vik vonktana
Savlli ditolea rukhak dusman katrunk chintalo
Jivitachea chicklant loutele zonvarak
Nitoll baimchem udok nanoun faido na
Oxir nodren polletolo dolle aslelea kudd�deak
Jigjigtolem bangar, lokond mhonnpak lozui disona.
Dukh laglolo sorop sudd* getach
Thoddeank khavpache ani dakhoupache dant veglle astat
Nodichim sogllim tonddam somdirak melltach
Ugddas dor! Xantichea parveakui daukulam astat.
Lino B. Dourado
(Utodd�dekar-Q8) Pod = tune
Sudd = revenge
=====
http://www.goa-world.net/poems
http://www.goa-world.net/poems/lino
__________________________________
Do you Yahoo!?
Yahoo! Calendar - Free online calendar with sync to Outlook(TM).
http://calendar.yahoo.com
##########################################################################
# Send submissions for Goanet to [EMAIL PROTECTED] #
# PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/ #
# Please keep your discussion/tone polite, to reflect respect to others #
##########################################################################
