�Light� veta tedna.........' Eke ratik ghov ani bail bolkanvant boson gozali kortana okosmat �light� vochun kallok zata.
BAIL: Padd poddlem sorkarachem. Bizle montreak (power minister) aptto (bribe) pavlo na astolo. Fokot chorunk bosleat. Porjeak kallokant ghaltat ani apunn uzvaddan porjechea duddvam kustar follgam martat. GHOV: Priya-chi aii... Kallok-kallok mhonnchea svater eka bore ostore baxen ponti vo divo pettoi ani ghorak uzvadd kor ghe. Vaitt mon�xam baxen sorkarak gallio ghalun faido na. Kiteak, sorkari monis sogot bhereleat. Thoddea �crook� monis kallokacho faido ghevn........ BAIL: Are, uloitam-uloitam mhojea kulleank (buttocks) chimtte kaddunk laglo? Bizli gheli mhonntoch ho khell tumcho. Machis (match-box) ani dive haddpak kuznant vochunk zai nhoi? Kallokan modinch apttun zomnir poddlim zalear? GHOV: Bhurgeank nidunk ghaltokoch tanchea roomantli light bond korun, amche khaticher nidunk pavtta tum. Tedna mat khoimsoruch apttona mu? BAIL: Ti gozal dusrich asta nhoi? GHOV: Tum ek home minister (ghorkan) mhonntokoch tujeo vostu �emergency� lagta tedna hatak melltat toxeo asunk zai. BAIL:Puro, puro tujean matxe kuznant vochun machis haddunk zaina? GHOV: Polle mogre... Zata, zaina ho prons hanga iena. Hanv soddanch tujem aikotam mhonn tuka hi sonvoim zalea. Ostoren mhonntat tem huxear asunk zai. Makha polle. Thoddeach vellan Ponnjechi Akhaxvanni �Lagta Tannem Ghalchem Chepem� hea nanvancho lokam-khell vitraiteli. Daktto radio, batterir cholta toslo ghevn hanv bolkanvant boslam. Lokam-khell aikotam-aikotam modench �light� geli tor kaim horkot na.. Mhoji huxarki somzoli mu?? BAIL: Hangasor bizli na mhonntoch Ponnje na asteli. Akhaxvanni koxi cholteli? GHOV: Age, tuka konn somzaitolo? Cheallis chorancho �boss� Ali Baba Ponnje Altinhar ravta. Thoim kednach kallok mhonntat to asona. BAIL: Borem-borem. Tum tujo lokam-khell aik. Hanv chol�lim nidunk. Bhurgeam fuddeant divo petteun dovortam, ani hanv divo palloun nidtelim. Tum kallokan zorot-morot ieo. GHOV: Vetai voch! Ponn ragar zavn vochum naka. 'Good night kiss' divpak visorli tum. Divo pettoi vo na pettoi. Hanv mhojeo sogleo gorjecheo vostu zagear dovortam. Kallokachi bhirant makha asona. Nidumchea roomant mhojo pen-torch dovorlolea zagear asta. Khoimcheai vellar �light� vochum, hanv kallokant sonspotam tedna, tuven dovorlolem machis melltach . Somzoli mu?... Age.. gheli........??? Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? SBC Yahoo! DSL - Now only $29.95 per month! http://sbc.yahoo.com ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
