"Repeat-Repeat" BAIL Avois mhoje maim!! Kitli vhoddli sotri astana sogllo pavs ghorant ghevn ailo mure. Aiz itko koso bizlo re tum?
GHOV :Age mhoje boddbodde bhaile, bosintlo dhenvtana pavsan survat keli. BAIL:Ani tum sotri fulloinastana bizon ailo? GHOV : Toxem nhoim ge. Amchea dhaktte dhuvechi teacher tech bosint axil�li, tivui dhenvli. Tichea thaim sotri nasli ani lagin kosloch asro (shelter) naxil�lean hanvem tika, tichea ghora meren pavoili. BAIL:Abb�ba! Teacherichem ghor asa dusrea bus stop-ar. Ar-re tum daddlo monis kamank vetana sotri vorta. Hea dis pavsachea asat. Cheddum mon�xan sotri hantant ghenvkuch zai. Thoddim mudd�dom sotri voronant. Pavs ailo tor konnai daddleachea sotrean guspopak �chance� soddtat GHOV :Age tem toslem cheddum nhoi. Igorjeche iskolant barraboruch ami metric pass kelea. Bhes borem ollkotam taka hanv BAIL: Hoi? Sukun ghel�le rukhak kednai-kednai pavsachea udkan novi ankreo fulltat. Poir amche dhuve thaim vichari �daddy� kedna �free� asta kai mhonn. Tinnem �direct� fon korun mhaka vicharunk zai naslem? Tuven mhojea prosnank zap dili nai. Teacher ailea stop-ar kiteak dhenvli? GHOV :Bosint khub gordi axil�lean ulovpak mellunk na. Ti sango apli �freeze� sarki cholona. Ghora ievn matxe pollovpak vinnoilem tinnem. Thonddai unnem dita. Dovorleleo fresh vepar-vostu piddear zatat khoim. Hench sangpak ti ailea stop-ar utorleli. BAIL Fresh vepar piddear zata khoim? Sang tika ticheo vostu �expired� zavnchea adim kazar zav mhonn. Konnacho jiv kavpak azun ankvar asa re tem? Tichea ghora kodden vochun pollovchem naka. Zai zalear 'shop'-ar ghevn ieo mhonn sang. GHOV : Hanv �technician� mhonntokoch, dhukannar na tor ghora kodden vochun pollovchem kamuch nhoi tem mhojem? Tem pormonem duddu sangta hanv. Hanven tika utor dilam fuddlea Aitarak ietlom mhonn. Amche dhuvechi teacher nhoi ti? BAIL: Zanna hanv. Teacherink borim ollkotam. Tankam sonvoim asa sarkem zavnk na zalear �repeat-repeat� mhonnpachem. GHOV :Hanv tichea klassint vochona xikon (lesson) ghevpak. Tichea ghora vetolom fokt �freeze� chololona ti sarki korpak. Dhuvechem vo dusrea bhurgeanchem lisaun sarkem zaina zalear goddie ti sangta asteli �repeat� korcheak BAIL: Thoddim koslem na tor koslei nibank ravtat. Tem ektench ghorant asta. Tichi �freeze� sarki zali mhonntokoch ani khoimsoruch �fuse� usolltolo. Tednai ti tuka apoiteli. Oxem korun hea kam sodanch �repeat� zatelem. Ghorcho �switch� asa to chalu (On) korpak tum sapuch visortolo. Hanv kitem sangtam tem somzolai mu? GHOV :Uloitam-uloitam tujem ulovnnem xime bhair pavlem. Pavsan bizlam hanv. Nannient navunk vetam. Kazuchi fennient irli sakor mar ani uzo lavn dovor. BAIL: Aiz �weekend� nhoi kazu feni ghevpak. GHOV: Zannam hanv. �Tube light� pett�teli zaler �starter� boro asunk zai. Ghorcho �switch� chalu korpak mhaka �weekend�-uch zai, oxem na. Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? SBC Yahoo! DSL - Now only $29.95 per month! http://sbc.yahoo.com ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
