YEH ZINDAGI KA SAFAR MILAGRIN: Koslo faido 'wedding march'-ak vantto ghenant zalear? Ami soirim mhonntokoch kazarachea mattvant poilim asunk zai. Wedding march mhonntat to soireank asta. Viddio kemeracher dixtti poddunk zai. Uprant konnui kazarachi viddio kassette polletana tankam vokoll-novreachim poltton mhonn konnunk naka?
MILAGRES: Tech khatir kazarachem mis (nuptial) somplea uprant dhavun-dhavun tum poilim vokol-novreak porbim divpak bobalar aslem. Tuka viddio kameracher zata titlem ailelem zai ani uprant ghorant bosun ti kassete xembor pavtti pollevnchi, oxem nhoi? MILAGRIN: Hanv 'fashion designer'. Mhojea dukhanar xeboreani nove-nove 'design' korun cheddvam-bailanchim nhesna toiar kortam. Ponn mhojo pattern xivnttam to, poilo konnakuch dina. Oslim motti-mottim �fugsanvam� asat tednach xivnttam. Uprant toch 'pattern' dusrean maglo zalear subeij duddu ghevn tankam toiar kortam. Atam somzoloi mhojea ghova? Choll vegim nhesunk lag. Ani ek aik. Viddio 'filming' korpi asat te soglle mhoje ollkhiche. Mhonntokoch 'wedding march'-ak choddan chodd mhojea dresscher focus zata. MILAGRES: Tujea motan 'wedding march' ek 'fashion parade' mhonn somzotai tum? MILAGRIN: Mhojea jivit tujea sangatak koxem suru zalem tor? Amchea eka xezarnniche kazarachi viddio kassetticher tuvem mhaka polelem ani dusreach disa tujim ghorchim amchea dharan ubim zal�lim. MILAGRES: Puro-puro. Tea disak chukun mhojea ixttachea ghora pavlolom ani to, ti viddio kassette polletalo. Khorem mhollear tum nheslolo dress ekdom chokchokit distalo hakach lagun tujea suropaik odik rong ailolo, ani hanv gull zal�lom. MILAGRIN: Atam tum kosso uloiloi? Bori nhesnam mon�xeachi sobitai vaddoita mhonn gomlem nhoim? Ponas vorsachea zanntteleank thoddim nhesnam panch-so vorsacho nenntto kortat nhoim? Ani tum kombo uno asa? MILAGRES: Thoddim dusreanche nhesnachi nokol vo kopi martat ani duddu komoitat. MILAGRIN: Tumi potrakar (journalist) kitem somzotat tem hanv nokom. Kednai tori tumi hoikari (positive) nodren kitem tori boroilam? Porchea 'Adarx Times' protracher, ghel�lea sumanank nattkuleanchi spordha zal�li tatun poilem inam jiklelem nattkuleachi kotha eka Inglix cholchitrachi kopi mhonn arop ghatla. Nokol marun duddu kortat, inam jikttat zalear, tumchea lagim zata tumi-i korat nhoim? Konnem addaileat? Choll choll gorje bhair ulovp subeij zalem. Mhojem tondd sabsubem ugttem korta. Vell zata vegim nhesun kobar kor. MILAGRES: Hanv tuka chollun vorona. Mottorant vortolom. Pondra minutachi vatt Saligao savn Parra Emerald Lawns vosrean pavpak. Tuka chavoitoch tum boddboddta tem aikupak borem dista. Matxem tie-ak ghant mar nhoim? MILAGRIN: Dadlo monis tum, azun tie bandunk iena. Ghomtti voir kor. Ho vell khellpacho nhoi. Hat sokoll kadd. Dakhteacho husko zala re mhaka. Novrea mamachea kazarak poile khepek 'flower girl' zalam nhoim tem? Porachem dress sarkem asa vo na tem pollevnk zai. Hech khatir mhoji takit kortam. Ani tim dogaim garejint mottorachim pavllim zalear mottoracho fuddlo ek tire ponch-ear zavn bosla. Milagresan tokler hat marlo. Milagrin ghoddialicher dolo marun voir molbacher nodor firaili. Milagres tire boldi korpak kotpot ani iont kori ponn durdoivean 'hydraulic jack' cholo naslo. Milagrin-an dolle voir korun astana tannem chondrim pollelo ani monantlea monan oxo xinn kelo.' �Zanai chondr mama, Devan mon�xeak sonvsari jivitachi vatt dilea . Thoddeachea jivitachi 'safari' nitt dovorlea zalear thoddeank voir sokol vechem poddtta. Devak vakhanni, Tannem mhaka boro mogal, visvaxi, nitol monancho, xegunni fuddari dilo, ponn dusrea kamani matxo fattim asa. Kazarachim pondra vorsam lokacheo kednneo ani mangasavam aikolim. Sibinink ani sogttea Santa-Bhogttank mukhar ghalun mhojo kusvo ubzovpak angovllem ani mhojo kusvo Devachea kurpen ugtto zalo ani mhaka vanz (barren) mhonn lok chavoitalo tea lokanchim tonddam bondh kelim. Aiz mhoji dhuv mhojea bhavachea kazarak poileach khepek 'flower girl' koxem nheslam. Hech khatir mhaka vegim bhavachea ghora vochun, dhuvek polloun zai aslem. Kitem kai mhollear mottoracho tire ponch-ear zalo. Tire boldi kortolo mhollear 'jack' chollona khoim. Chondrim mama mottorachea 'jack'-achi gozal sodd, amgeleacho tori sarko chollunk zai aslo nhoi? Soddanch moddlolo mellta ga. Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? Exclusive Video Premiere - Britney Spears http://launch.yahoo.com/promos/britneyspears/ ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
