Almanchea NanvanGhelea almanchea Aitarak Novembrache 2rer LAPIT-ache ganvche padri vigaran, sokallchea dusrea misak, oxe toren sermanv sanglo: �Ratim, almanchea navan amche ganvche sarpanch, Vassuram Gopinath Gaumkar hanche durgantle kaim fulamche vaz ani zhaddancho vibadd kela mhonn katrechi khobor mevlea. Oslim mosteaponnan aichea sudorlelea sonvsarant sobonant. Melelim alma sonvsarant porot ienant. Bore Kristanv oslim kama korinant. Oxem korun amchea melloleank ami okman kortanv. Konnui to vo tem zanv, sarpanch Vassurama-gher vochun chuk magchi ani luksan zalam tem borun dinvchem.� Mis soplem. LAPIT-ak kedna kai mis soplelem zai aslem. Hem kam� konnem ani kiteak lagun kelam ti soddpus korchi asli. Poilo, to sarpanch Vassurama-chea ghora gelo. Thoim taka fulamche vaz ani dusrim fulamchim zhaddam paindint udoileant mhonn ghomlem. LAPIT-an scooter chalu keli ani vatter taka sarpanchalo xezari Vishnu, saikolin votna dislo. Tache uzvea hatak bandage bandleli asli. Tachi khobor ghetli. Kal khoim tachi saikol fatra voir choddli ani saikoli soit zomnir aptolo. Sarpanch Vassuram-chea durgant kitem ghoddlem, ti khobor taka bilkul nasli. Don tin kodden LAPIT-an zhaddu marlo ponn konnuch noko aslo ratim sarpanch Vassurama-chea durgant jivim almam khoim sakun ailim tim. Ladru nanvancho ek monis gavant ravpi. Sarkoch bebddo mhollear zata. Konnaicheim nak sokoilem irlexem subeij zait tor rokhddoch Ladruchea nanvan chavoitat oxem mhonnon. �Aiz kitem re, Ladru bhaxen zala?� Hakach lagun Ladru ganvant bouch famad zal�lo. Ladru kamank huxear. Koslei kamank hat ghalpi, ponn poilem �resao� pottant dhenvunk zai aslem. LAPIT-an donparchea vellar taka dorlo. �Resao� dilem ani padri vigaran misak sangleli ghozal Ladru-che tonddantlean oxi bhair sorli. Vishnu Fugro, sarpanch Vassuram-acho xezari. Poir fattim, Vishnu goirkaidean (illegal) dhukanna bandpak kori tedna Panchayat-in tokrar khorun tacho goirkaideacho vaur bond kelo. Hoch rag dovrun ani almanchem nib ghevn Vishnun, Ladru-k ani Biku-k mukhar kaddun tegui almache ratrik sarpanch Vassuramachea durgan gele. Tanche nov fulam vaz ani kitlinch fulamchim zhaddam thoddun paindin vorun uddoilim. Zhaddam katortam-katortam Ladrun popaiche zhaddak, popaieo pikleleo polleleo. Teo soglleo popai kaddcheo ani popai zhadd khatrun thoddchem, oxem tegui hixeob kortana tannim bhitor ghorant konn uloitat tem aikolem ani tanche kan avaz ietle vatten full�le Novembrache 1ler Sonvara ratrik, deputy sarpanch Gabru Timote Fernandino hache dhuvecho ekvis-vo (21st) zolm disacho soromb aslo ani thoim sarpanch Vassuram ani tachi ghorkarn Vimal hajir zavn thoddea vella adim ghorant bhitor sorlelim. Sarpanch Vassuram-an whisky borich xekoileli ani to sarko alegri zal�lo. Tannem, aple kopdde kaddle ani khatir boslo. Vimal, ghovak fatt korun aple kopdde angavele mekhle kortali. Vassuramank ek sonvoim asa. Nidunk vechea adim taka kosleim tori fruit kavpak zai aslem. Durgant piklelea popaieanchi iad aili ani tannnem Vimalak mhonnllem. �Bhair durgant popaio pikleat, teo konnank kavpak dovorleat?� Vimal fatt korun asli ti Vassurama islean gunvlli tedna tichem ugtem hodd�ddem Vassuramchea nodrek gelem. Tika chavounk tannem mhonnlem �Popai-eo boreoch pikleat teo�. Vimal tor dusreank challoun ghalpak Vassurama vorn borench fuddem aslem. Tinnem aple ghovak bebddea Ladruchea nanvan chavoupak kelem. �Kitem Ladru? Popai pikleat? Polleta kiteak tor........." Fuddleam anik kaim aikonastana tegui Vishnu, Biku, Ladru durga velean gapa-gapa korun udkhi marit ani bonkak paim tenkoit dhanvunk lagle. Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? Protect your identity with Yahoo! Mail AddressGuard http://antispam.yahoo.com/whatsnewfree ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
