Ek Tiatr Polloupa Sarko DOLLY: Mhojea morgad, mhojea bhuxea, mhojea kallzacho gonddo utth mure. Sokallim sathank laglelim utthavpak. Atam nov horam vazlim. Tuka lagan, mogan utthavpache proint korun sompleat. Jitle pavtti tuka bhurgea porim lagmori kortam titlech pavtti tuje donui hat zhangddam modem bhitor rigoun kongro zavn porot nidhtta. Baldeantlem udok tujer rokhoichea adim tum utthai vo nam?
POLLY: Rav, rav�rav DOLLY: Mogan sanglear tujea kannar dorona. Xiddkavnni ditokoch koso utthloi? POLLY: Aiz mhojo Sonvar. Mhoji rojea. Ek dis tori mhaka borem rest ghevnk di nhoi? DOLLY: Hoi? Ani hanv sumanantle sathui dis ghorantlem ani bhurgeanchem kam� kortam tem? Kednai tori tumi dadleani chitlam bailank ek dis suseig vo sut�ti divchi mhonn? POLLY: Rojea divn tum kortelem kitem? DOLLY: Tuka, tuje ixtt asat mure? Mhaka konnunch nant? Mhakai ixttinim asat nhoi? Mhoji avoi ajun jivi asa. Mhaka bhoin, bhav asa��. POLLY: Okay-okay. Borem bai. Sokall fuddem tujea tonddak lagop mhonnchem mhojea golleak faxi ghevop. Sang mhaka aiz hanvem tujea katir korchem kitem? DOLLY: Sogllech kamank tuka ugddass korcho poddtta, ponn tuka koroz ieta tedna mat darar marpak sagunk naka. Aik, fuddlea aitarak amche ganvchea bhurgeancho krism (conformation) asa. Ponnje thavn Arsebisp-Patriark Raul Gonsalves ani tachea barabor kitlech dusre padri ani bhavarti ietele. POLLY: Tor kitem zalem? Bisp Saib amgher ienvcho na nhoi? To igorjent ietlo. DOLLY: Zannam hanv. Ponn amchem ghor igorjek tekhun asa. Ganvantlim donxim voir bhurgim krism ghetat. Mhonntoch, tancho padrin-madrin ani soirim mhollear kitloch gavn-bhailo lok igorjent pavtolo. Amche ghorar tanchi nodor poddtteli. Tantlo lok goddie tuje ixtt asot. Amchem ghor bhailen mhellem pollevn te kitem chintele? POLLY: Korench, jea mon�xean tuka mhojea golleak bandlam tea mon�xeak soddanch borem magtam. Tujem chintop soroll fuddem asta. Ek tuka ott (kondisanv) ghalttam. Atam zata titlo tuka adhar kortam, ponn sanjer mat kluban vochunk zai DOLLY: Okay baba. Nosto toiar kortam tea mhonnosor tujem tondd ba duvun anglim ghalun toiar zav. Bhurgim iskolak thavn ievnchea adim sogllem kam� sompounk zai NOSTO KELEA UPRANT POLLY: Dolly, hanv nisnnicher choddttam. Polle, tum fokot nisnnink ghott dor. Hanga thoim pollouchi ani mhaka dhop�p korun sokoll pavoichi DOLLY: Bienaka re. Hanv tukach polloit ravtelim. Darling, tuvem mottvem kalsanv ghatlam tem borench sodoll vo loose asa mure. POLLY: Kam� kortana oslinch kalsavam ghalunk zai DOLLY: Kitem korta re tum? Mavlleachem ghontter-ghor thoddlam ani mavllik kiteak soddun dilea? Ti porot mhellsanicho goirum korteli mure. Tika marchi asli. POLLY: Tuvem Jose Rod-acho poila���.. DOLLY: Deva bhogos! Kitem uloita re tum? Tum astana lokachea vostumcher mhoji nodor����� POLLY: Hanv sangttam tem purai aik. Moddench uloinaka. Jose Rod-acho �Mavlli�, tiatr pollelo kai mhonn vichar kortam DOLLY: Ham!! Hoi, hoi. Mhaka dislem���. POLLY: Tuka sogllem dixtta. Tacho, to �Mavlli� tiatr ekdom hit gelolo. Hanvem aikolam tea pormonnem Jose Rod ghorant mavlli pollelear tika kednach marina. To aplim nhesnam passun mavlle chitram aslelim ghaltta khoim. Mavlli ekdom bhov faideachem kam� korta. Zollar, mus tichea raterint guspun natak zatat ani tanchi vaddai unni korta. DOLLY: Darling, tuvem Jose Rod-acho �Nisonn� tiatr pollela? POLLY: Hoi. Hanvem to tiatr Moddganv Gomant Vidya Niketan holant polelolo. Jose Rod voir ravun vevosthit ritin ek nibor dialogue ditalo ti aikupak ani taka polloupak vichitruch distalem. DOLLY: Atam tacho ek novo tiatr bhair sorla �TOPIO� (chameleon) POLLY: Kitem? Hanvem tem nanvuch aikunk na. Ago, nison hallta. Ghott dor DOLLY: Bienaka re. Hanvem �TOPIO� polloila. POLLY: Tache donui tiatr �Mavlli� ani �Nisonn� amchem kazar zavnchea adim machier aileat. Tea uprant zal�le tiatr ami sangatan polleleat. Ani ho �Topio� kedna bhair sorlo tor? DOLLY: Bhair sorlear zaito vell zalo. Keddov tuka vicharlelem tujem mottvem kalsanv sodoll asa. Soddeak tum voir nisnir ubo asa ani hanv sokoll. TOPIO tiatranlo villain nigut nodrek dixtta re mhojea ghova. Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? Free Pop-Up Blocker - Get it now http://companion.yahoo.com/ ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
