[Goanet]ADIM ani ATAM - MANDO/DULPOD!

[domnic fernandes]

Adim amche dadle nokrek Bombaim voitalet.  Ghorantle bhair sortannam tancho 
avoi-bapui tankam aplea axirvada sangata thoddi bhud-ui ditalint, zoxe porim 
tim tankam sangtalint:  �Tujea jivacho boro poramos kor re mojea puta; 
jevonn vogtar jeu re bangara; hotelachi khan khainakai re puta; vollki 
bhailean kiteim dilear gheunakai re mojea puta; rat zaumchea adim tujea 
thikannar portun heo mojea bangara; konneim kiteim mhuttlear tankam portun 
diumnakai re puta � eka kanan aik ani dusrea kanan bhair ghal ani oguich 
pattim pollenastannam cholonk lag; ani visronastannam dispotto Devacho 
ugddas kor - ters rozar kor re puta, tednanch Dev tujer aplem bessaum 
ghaltolo.

Bomboi vochpi kazari dadlo zaun aslear, tachi ghorkarn taka kainch 
sangonasli khori punn tiche sogle ubau ticher nodor marlearuch gomtalet, ani 
tim novinch kazari zalear dukamcheo paumddeo jeo tichea poleamcher 
vaumtaleot tancher porgott zatalem tichem duk jem ti askar ani suskar soddun 
gupit chiddun dhorunk tozvit kortali punn tiche te dukanim bhorlele tambdde 
rogot dolle sangon ditalet ki te umalle anik damun dovrunk zainant mhunnon.  
Zorui ghorkarn kainch mhunno nasli torui punn jednam ti aplea ghorkarachea 
dolleanim nodor ghalun polletali tednam dakoll zatalem ki ti oxem mhunnonk 
sodta mhunnon �Aum tuzo supurn mog kortam; aum sodankal tuka visvaxi 
rautelim; tunch zaun assa mozo fuddaracho surngar; tum maka sodamkal zai; 
tujea portun enneamchi vatt aum dolleanim tel ghalun polloit astelim, adi�.  
Ghorkar Bombaim guelea uprant tacho ugddas korun dis ani ratr ti sopnam 
sopnetali ani hea sokol boroilolo mando kantar korun aple dis sartali:

POTI YEH

Mozo poti Bomboi guela
Tacho usko maka zala
Mozo poti Bomboi guela
Tacho usko maka zala
Ani nimanne rati sopear boson
Beiju maka dila
Ani nimanne rati sopear boson
Beiju maka dila
        Poti yeh, poti yeh
        Tujea gopan maka ghe
        Poti yeh, poti yeh
        Tujea gopan maka ghe
Khattik viludachim uxim
Eksurim boumtam zaun pixim
Khattik viludachim uxim
Eksurim boumtam zaun pixim
Ani kazarak voros zaumchea adim poti
Zaleaum ami doxim
Ani kazarak voros zaumchea adim poti
Zaleaum ami doxim
        Poti yeh, poti yeh
        Tujea gopan maka ghe
        Poti yeh, poti yeh
        Tujea gopan maka ghe
Poti atik dhorun voddi
Sogli ratu chimtte kaddi
Poti atik dhorun voddi
Sogli ratu chimtte kaddi
Ani thambonastannam khobro sangtaloi
Goddi, goddi, goddi
Ani thambonastannam khobro sangtaloi
Goddi, goddi, goddi
        Poti yeh, poti yeh
        Tujea gopan maka ghe
        Poti yeh, poti yeh
        Tujea gopan maka ghe
Khattir eksurim aum loutam
Sopnan tujexim re pautam
Khattir eksurim aum loutam
Sopnan tujexim re pautam
Ani tum mhunnon sozmon, uxeak veng marun
Gopan mojea guetam
Ani tum mhunnon sozmon, uxeak veng marun
Gopan mojea guetam
        Poti yeh, poti yeh
        Tujea gopan maka ghe
        Poti yeh, poti yeh
        Tujea gopan maka ghe
Atam choddxe amche Goemkar Gulf-ant nokrek voitat ani aplea kuttombakui 
aplea sangata vortat.  Ani zancheo ghorkarni Goeam assat tankam eksurponn 
mhuttlelem tor kolloch nam karann tanche ghorkar dispottiim tankam phone 
kortat ou e-mail daddun aplo mog porgott kortat/pattoitat.

Moi-mogan,
Domnic Fernandes
Anjuna/Dhahran, KSA
_________________________________________________________________
Tired of spam? Get advanced junk mail protection with MSN 8. 
http://join.msn.com/?page=features/junkmail

##########################################################################
# Send submissions for Goanet to [EMAIL PROTECTED]                       #   
# PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/              #  
# Please keep your discussion/tone polite, to reflect respect to others  #
##########################################################################