Ghov Strikar Ghelo Zalear�!! ROBERT: Aiz ghorant udok kiteak na?
PERPET: Sokall thavn nollantlean udok ienam ROBERT: Mhonntoch, sonvsar kobar zalo? Baincher vochun udok bhorunk zainaslem? PERPET: Razvan udok kaddchem mhollear hatak foll ievop. Kollso handir marpachi sonvoim na. Paiche ghora, udkache baink, 'pump' ghatlolo asa. Amkam kednach bainchem udok kaddpachem poddunkuch na. ROBERT: Hoi? Kazar zavnche adim tuka khobor nasli amchea ghorak baim na ani asa tivui bi panchayatin vaddeantlea panch ghorank bandlea mhonn? PERPET: Ponas metr odik cholun, udok hadd mhonntai tum? ROBERT: Na tor kitem? Tujo pai udkacho 'tanker' daddun ditlo? PERPET: Hanv sangunk sodtalim, ami paichea ghora iea mhonn ROBERT: Kana sokoll ekuch marun avaz kaddtolom ani mai-paichem ghor visorta toxem kortolom. Dor hatant kollso ani goroz purtem ghorak udok bhor. Robert ani Perpet kazar zalear fokt tin mhoinnem zalele. Kazar zavn poilech pavtti Perpertan, baincher vochun ghorak udok borlem. Eke vatten tem khuxi zalem, he toren aple ghorkarachi xeva keli, zalear, dusre vatten hatank polloit-polloit roddkulem zatalem. Sonvoim naslelean, razvan bainchem udok kaddun tache modhur hatachim tallttam tambddi zalelim. Dogaim eka-meka thaim boroch vell uloilinant. Poisulea nodren polleat astat ponn ekui zap tonddantleant bhair kaddinant. Dogaim bhuken tollmolltat ponn bhitorlim bavnna bolltech kodden guspolun uril�lean, jevnnachi bhuk passun visorleant. Ponn, nhidunk vetana mat ekuch bed-ar gheleant. PERPET: I am sorry�.!! �. Hanvem sorry mhonntlam nhoi? ROBERT: Borem, borem. Nhid atam PERPET: Mhojea hatachim tallttam polleleant tuvem? ROBERT: Hanv kitem noxib parki dista tuka? PERPET: Tambddim zaleant ani hulpottat koxim ROBERT: Puro-puro. Eka rupiachea kamank bara rupianche nokre korinakai. PERPET: Tujem tondd dusre vatten korun kiteak nhidlai? ROBERT: Tuka tondd korchea adim sonvsarak tondd korchem asa hanvem. Chintalom, bhurgim zalim mhonntoch sokallchea toren udok na zalear bhurgeanche bognar zatle mhonn. PERPET: Dusre khepek tuka rag ieta toxem korchina. Khuxi zaloi? Atam tori mhojea vatten tondd korun nhid nhoi? ROBERT: Makha zai tedna kortolom. Mhojer, tuji hukumxai naka. PERPET: Makha bhuk laglea. Ruch ieta tednach jevonn ruchik lagta nhoi? Sodam bhaxen 'hamlet' korinai? ROBERT: Koxench zavnchem na. PERPET: Itko ragar? Please dear please. Zalam tem visor nhoim? ROBERT: Sokall thavn nollant udok na, karan zanai? Amkam nollanleant udok Opa sakun ieta. Opacho prokalp (project) chalu zala te meren tem aiz passun Goenchea sorkarachea oskotaek lagun saddea mon�xak favo to udkacho lab melona. Ail�lea disak khoi na tor khoi konn tori chuktta, ani Goenche porjeche udkache noll shuke dhanvttat. Aiz, thoimsorle pump-operator toxech dusre kamdar strikar geleat. PERPET: Tor kitem zalem?. 'Hamlet' korpak strikar geleat tanchi goroz kosli? ROBERT: Hench bhailanchem unnem ginean. 'Hamlet' kelea uprant kailicho kailato mhello zatlo, tedna dhuupak khoimchem udok vapudchem? Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? New Yahoo! Photos - easier uploading and sharing. http://photos.yahoo.com/ ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
