Sabar boroupam ani supurlim pustokam porian xhapun bhair sorlint hea proxnna voir ani mellot to eka-mekak vichar ghalunk laglet � dogam modlo konn vhodd: �Dadlo vo Ostori? Ani sotha-fottik �Dadlo-Ostori� hem umannem uzotinim attponam tossolem zalem. Khorench, ami zannanv, dhor eka vincharak don vatto assat mhunn, jea vorvim ti uzot ubi zaunk pavta, punn amchem chaltem guinean amkam puro zata parkunk konn vhodd ani konn khalto to, goroz nam vhoddle zannvaechi vo xikpachi. Mhunnoea bhaxek, zor eka ambeachea garfancheam follam bhitor ek uzot pettlear, khuntt vo toddo vhodd gai mhunn vo hantlo konn poilo aila ani konn khalti zaun ti sobai haddta tea khunttak ani follank ani manadik zaunk pavta, tori dissona hivui uzot sompeponnim sompot-xi. Hanga mhaka ek niall ieta, Mahatma Gandhin, ek pavtt ek lekh boroilolo tacho, zantun tannem eke Japanese oparichi khobor keleli, vo dusre bhaxen, dakoun dileli ek supurli-xi kotha eka �Dadlea-Ostorechi� ji zaun assa oxi:

�Ek dis khoim konn eok motto xennoi vatten vetannam polleta eke torne-dhakte ostorek ji eka fonddaxim boson ani hatachea ai�nnean tea fonddak varem ghalit asli ti. Hem tichem atvench kortub polleun to xennoi ojeapta ani gondollak poddta nokllo zaun kitea passot hi ostori tea fonddak varem ghalit assa ti. Ani hem to jednam zanno zaunk sodta, veta tichea fuddean ani tika voddkita, ani sangta apunn konn poi to, ani tiche kodde upkar magta sang mhunn apleak karann tinnem thoim toxem varem ghal�cho. Punn hi ostori taka apli mitti foddinam ani tem moneponn gheta.

Hea khatir, ho xennoi, novean ani novean tika poratit ravta; toripunn, ti koxich apleak aplo kan haloinam mhunn to aple fuddle vattek lagta. Punn irlo fuddem sortoch taka thoim konn eklo mellta zo pois ubo ravon hea xennoi-ak pollet aslo kaim to aple Bai-e laguim vichar vo gozal kori to. Ho vortoulo ek chakor te ostorecho zo uprant tea xennoiak vichar korta, ani to xennoi taka sangta apunn tiche laguim kitem zanno zauncheak magtalo tem. Tednam, ho chakor tea xennoi-ak aple Bai-echi kotha sangunk addaita ani mhunnta, �Ti ji ostori thoim fonddak varem ghalit assa ticho ghorkar ani ti, vortoulint mhuntta aplim dhoniam � Bab ani Bai. Him dogaim zannam kazar zalele meren passun khup-xim eka-mekachea mogan ani moipassan choltalint, tanche modem kainch khatt-khutti nastanam. Punn avchituch ek dis, mhunnta, mhozo Bab vaittan poddta ani mhoji Bai taka te piddentlo boro korumcheak tachem zaitench korta-dhorta punn koxich tachi pidda bori zainam, ani to xekim morna-matiek laguim pavta. Hem polleun mhoje Bai-ek ek vhodd khont vo dukh bhogta. Tea passot, ti taka aplea kallzacho khoro mog ani moipas dakoumchea khatir sozmait rauta oxi: �Aik! Tuka hanv soput ditam, tum bi morxi zalear, hanv Conventan bhitor sortelim mhunn�. Punn Bab tika portipall korta, �Tum maka to suput dium naka kiteak azun tum lhan assai, ani tuje sarkeak tem ek sompem kam nhoi�. Hem aikon Bai taka portun mhunnta, �Hanv zor Conventan vochonam zain, tuka hanv bhas vo suput ditam anink fuddem hanv kazar itlim-xim zaunchinam mhunn�. Hivui tichi bhas vo soput Bab mandun gheinam, punn mhunnta, �Aik! Ho-vui soput tum gheum naka, kiteak tujea sarke ostorek tem ek zobor vhodd kam vortouta. Punn, tum mhaka itlich khatri di, ki ti mhojea fonddaveli mati suko porian apunn kazar zai nastannam rautelim mhunn�. Ani, tunch atam saiba, tujeam dolleanim polletai koxe bhaxen hi ostori (vo, mhoji Bai) aplea ai�nneachem varem ghalun to tacho (mhojea Bab-acho) fondd sukoita ti�.

He voile Japanese opari pormonnem, amchean sozmoet ki eka dadleak bhou sompem mhunn tannem aplem utor dilelem ghott dhorunk punn kottin mhunn eke ostorek. Tor hovui puravo puro zait dakoun diumcheak ki dadleak sompem ani ostorek kott�tin mhunn apnnem dilelem utor pallunk? Ani kitle pavtti ami aikonk nam assot ostoreamnim aple xinn kelele �Dadle mhunn kitle-xe aplem utor samballtat?� Hea vorvim disson ieta ki hi-vui uzot sompeponnim sompum nozo mhunn.

Heach passot, hanvem poilench mhunnlelem assa, ki dhor eke uzotik don vatto assat mhunn. Ani khoreponnim �Dadlo-Ostori� him dogaim vortoulint poilim Devachim rochnnam �Eden�-hantlim, mhunntoch, tanchem vhoddponn vo khalteaponn ek-sarkench, mhunnchem, tim patkan poddum ietat, rai-rannieom vo santam-bhoktam zaum ietat, toxinch manadik bi, adi.

Moi-mogan,
Domnic Fernandes
Anjuna/Dhahran, KSA

_________________________________________________________________
MSN 8 with e-mail virus protection service: 2 months FREE* http://join.msn.com/?page=features/virus



##########################################################################
# Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/ # # Please keep your discussion/tone polite, to reflect respect to others #
##########################################################################

Reply via email to