[Goanet]ADIM ani ATAM - MANDO!

[domnic fernandes]

Adlea tempar, Devachem naum ani jurament gorje vinnem konnuch geinaslo, punn 
mog kornaram modekat �jurament� hem utor zaitench vapur zatalem.  Khorim mog 
kornaram, dubau utpon zata tednam, eka-mekacho mog dakounk ani eka-mekak 
khatri diunk �jurament� hem utor vapurtalint hea porim.  Zorui eok mog 
kornar aplea moguiak dusrea laguim uloita tem pollet zalear, to/tem taka 
dubautalo/dubautalem ani cheddo/cheddum vinchar kortoch to/tem osso/oxem 
zabab ditalo/ditalem:  �Aum juramentan sangtam ki aum tuzoch mog kortam ani 
sareporim tuzoch/tujinch zaun rautolom/rautelim.  Khorench, juramentan, tea 
cheddeak/cheddvak ani maka koslich soirigoth nam.  Tum maka soth mandtai 
nhoi mojea moga�?  Toxench, bhailea ganvanim nokrek voitannam, tim mog 
kornaram eka-mekak ghott venguen dhovrun jurament ditalint eka-meka thaim 
visvasi ravonk.  Punn, atam zosso kall tosso boball.  Novea kalla barabor 
amcheo porneo sonvoim hevui moddon gheleat.  Aiz-kal jurament ghevop ani 
bhas divop itlem sovai zalam ki amkanch khobor assonam dissak kitle pauttim 
ami jurar zataum an bhas ditaum ti - zaum amche nokrecher, dhondeacher vo 
amchea sadea, dispottea jivitan.  Zoxe ami zannaum, aiz-kalchea soumsarant 
duddvank vhodd takot assa ani hakach lagon ami sompeponnim talnnent podtaum, 
ani osleam talnneank lagon nhoich mog kornaram punn kitlech ghorabe passun 
bhosm zaleat.  Aiz-kalchim mog kornaram khoro mog visron duddvank bhultat 
ani kitle pautt ami polletaum duddvankar melltoch,  gorib ani khorea moguiak 
tim vissortat.  Tor aikom-iea osleam korneanim bhorlolo eok Mando zo eka 
cheddvache ulas bhair ghalta.  To zaun assa osso:

JURAMENT

Kalliz hem tukach re bhettoilem
Mog utor kallzacher nettoilem
Don kallzam bandpachem dor tunttoilem
Innocent kallzak hea fottoilem
        Vachun tujeo donui chitti
        Kallzak hea duk bogli motti
        Jurament diun fottoilem maka praier Kongotti
        Vachun tujeo donui chitti
        Kallzak hea duk bogli motti
        Jurament diun fottoilem maka praier Kongotti
Paloili vath mojea jivitachi
Sun korunk mai tuji zaina raji
Gulf-an vortam mhunno sangatin zatoch tuji
Punn axea kallzan bhitor urli moji
        Jurament dilo dogainim
        Aiz aum eklinch roddtam dukanim
        Moga tuka pisso kelo Gulf-antlea duddvanim
        Jurament dilo dogainim
        Aiz aum eklinch roddtam dukanim
        Moga tuka pisso kelo Gulf-antlea duddvanim
Goeam eun kazar tum zatolo
Bailek gheun Congotti tum vetolo
Jurar zaleaum tea khursaxim tum pautolo
Tednam tuka ugddass mozo ietolo
        Churchure moje kelenam
        Koslench avem suk deklenam
        Chittir boroilam tem maka Ponje dokear kiteak sanglenam
        Churchure moje kelenam
        Koslench avem suk deklenam
        Chittir boroilam tem maka Ponje dokear kiteak sanglenam
Moi-mogan,
Domnic Fernandes
Anjuna/Dhahran, KSA
_________________________________________________________________
Help STOP SPAM with the new MSN 8 and get 2 months FREE*  
http://join.msn.com/?page=features/junkmail

##########################################################################
# Send submissions for Goanet to [EMAIL PROTECTED]                       #   
# PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/              #  
# Please keep your discussion/tone polite, to reflect respect to others  #
##########################################################################