Goanet meets in Goa: December 27, 12 noon and January 7, 4 pm (meeting point: Kala Academy canteen). See you there! ------------------------------
Dear Goanetters,
Upon receiving the message, I noticed that one of the verses of the song was somehow missed out. Kindly, therefore, discard yesterday's message with the same subject and treat this one as complete. Thanks.
Merry Christmas and best wishes in the New Year!
Moi-mogan, Domnic Fernandes Anjuna/Dhahran, KSA
Adim, Dezembracho muino suru zatanch lok Natalamchi toeari korunk lagtalo. Poilim, zonn eklo aplea ghorak ani durgak chuno kaddpache toeari kortalo. Hea kamank khubeamcheo bazleleo ximpieo eka matiechea banddan ghalun tacho chuno toear kortalint ani tea chunean ghorak ani durgak kamdaram lagchean pixalan koiear kaddtalint. Oxem asson, Natalamcho kall laguim pauta muttlear vochot thuimsor nodor marlear zonn ekleachem ghor ani durig dovea rongan zogzogtalint ani hem pollounk ek vichitr distalem.
Ghora-dharachi saf-sufai zalea uprant, dusrem mhuttlear lok kusvar korpache toearek lagtalo. Kusvar ghora korop ek atvich urba haddtali. Adlea tempar, kosloi pitto kortolo zalear to ghorach eka danteacher kortalint. Eka danteak don vhoddleo addkuleo fatri astaleot. Sokoile fatrik mozbut ek loknnamcho tollo astalo jeant voili fator bostali. Voile fatrik eok supurlo burak astalo zantun eok okonnd manicho kuddko bosoitalint zaka dhorun dogui bailo tem voilem dantem gaiannam gavun ani fokanddam korun boumddait rautalint. Voilea danteak modekat suat astali zatuntlean doupachi vost zoxe porim bazlele mug ghaltalint ani te don-tin pautt konnddlea uprant zai aslolo barik pitto melltalo. Ho pitto kanddunk boroch thokos poddtalo. Hea kamant sogott sezaream ekttaim zatalint; amchim Konknnim sezaream passun hantun vantto guetalint. Neureamcho pitto toear zatoch, urlelea dusrea kamank hath ghaltalint zoxe porim bibink, dodol, doce, adi korpak.
Natalank don dis assa mhuttlear neureo, kolkol, adi korun bazpacho veoll laguim pautalo. Hea kamankui sogott sezaream eka-mekaguer vochon aplo adhar ditalint. Kednaim, Natalamcheo adleo don rati zagronimcheo zaun astaleot, karann sogleamcho kusvar koxei toren 24ver sanj passun korun ani bazun toear zaumkuch zai also. Kusvar bazpachem kam kabar zalear uprant, sogott modianichea missak igorje voitalint. Mis kabar zatoch ghora portotannam eka-mekaguer bhitor sortalint ani zonn eklean kelolo kusvar vanttun Khuxealborim Natalamchi porob aumdetalint.
Him soglim kamam zata astannam, vell mellta tea pormonnem, zonn eklo/eklem igorzen vochon kumsar korun aplem ontoskornui saf kortalint. Hea porim ghor-dhara barabor aplo athmeachoi goirum kaddun uddoitalint.
Ho mozo nog boroitanamm maka ugddas eilo eka kantaracho jem amchea Sharon Bai-en gailam. Hem kantar �The Merry X�Mas Polka�-achea �tune�-ar bossoilam. Chol tor hem kantar mhunnon amchea Natalamchi toeari korum-iea ani kusvarui korunk suruvath divum-iea:
NATALAMCHI TOEARI
Natalam laguim paulim, sezaream kamank laglim Maim chol ami kamank lagom-iea Ballok Jezu ieotolo, ghoran bhitor sortolo Tor ghor amchem saf korum-iea Kumsarakui vochon, saf korun ontoskorn Jezuk amchea kallzan ghevum-iea Pattleo amcheo chuki, bogos mhunnon magon Fuddarak bore nicheu korum-iea.
Sarnam-vodde, bibik ani dodol
Cake hathan, neureo, bolinham, dol
Hem korunk kitleoxeoch vostu haddunk zai
Tea bhair narlacho kaddunk zai ros
Vellar ami khuim, khuim daumtelim
Atanch gheun dovrum-iea ek, ek vost
Sezareank adhar divum-iea ani tancho adhar ghevum-iea
Bogunk Natalamcho sontosNatalam laguim paulim, sezaream kamank laglim Maim chol ami kamank lagom-iea Ballok Jezu ieotolo, ghoran bhitor sortolo Tor ghor amchem saf korum-iea Kumsarakui vochon, saf korun ontoskorn Jezuk amchea kallzan ghevum-iea Pattleo amcheo chuki, bogos mhunnon magon Fuddarak bore nicheu korum-iea.
Maim maka ek gotto korunk zai
Zosso aslolo Belea xaran
Tea gottean Deu zolmolo, xian kodkoddtalo
Nastannam favo tim angostram
Punn aum Jezuk boro nessoitelim
To ataim jieta hea kallan
Uzvadd astolo gottean, karann Jezun haddlo
Uzvadd amchea jivitanNatalam laguim paulim, sezaream kamank laglim Maim chol ami kamank lagom-iea Ballok Jezu ieotolo, ghoran bhitor sortolo Tor ghor amchem saf korum-iea Kumsarakui vochon, saf korun ontoskorn Jezuk amchea kallzan ghevum-iea Pattleo amcheo chuki, bogos mhunnon magon Fuddarak bore nicheu korum-iea.
Atam choddso amcho lok kusvar korpache bandgoddek poddonant, karann aiz-kal vell ekdom komi zala ani kusvarui tor atam aito kelolo bazaran vikrek asta, punn tea kusvaran ti umed assonam ji ghora kelelea kusvaran asta, ani khavunkui to kusvar ghorchea kusvarak sor zainam. Tech porim, aiz kal bhou thodde aplea athmeachi sud guetat. Sogli toeari kortat, zoxe porim Natalank novem suit/vistid xinvop, Natalamchea dansak vochpachi ticket kaddop, adi punn kumsarak vochon aplo athmo saf korunk konnnamkuch vell mellonam.
Moi-mogan, Domnic Fernandes Anjuna/Dhahran, KSA
_________________________________________________________________
Add photos to your e-mail with MSN 8. Get 2 months FREE*. http://join.msn.com/?page=features/featuredemail
##########################################################################
# Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/ # # Please keep your discussion/tone polite, to reflect respect to others #
##########################################################################
