Goanet next meets in Goa: January 7, 4 pm (meeting point: Kala Academy canteen).
Goanet founder Herman Carneiro will be there. See you there!
------------------------------
ADLEAN CHALU..........
Bailechea Ragak Pateum Naka. ( Part II )
�Babush, mhojea bhava, tujea kunheadan familichem nak
katorlem� Isabelacho bhav Daniel, bhitor sortanch aple
ghovacheo chukleo sangunk suru keleo. Bhoinichim utram
aikon Daniel guspagondollak sampodlo. Dott�terer bosun
fugar zavn roddtele vhoddle bhoinink aple donui
hathanim ukol�li ani kodelir bosoili.
�Mana, hem soglem kitem?� Ghoranleo vostu hanga thoim
ximpoddleleo pollevn Danielan vichar mandlo.
�Babush (chouga bhoinim fatlo ektoch bhav dekhunuch
sogllim apurbahen Babush mhonntalim) tujea kunheadan
eka Marthatela mhonntat te ostere thaim kuddiche
sombond zhoddun tika avoiponacho bhes dila� Isabellan,
taka thoddech utrani purai fonaveli gozal sangun
kadli.
�Marthatela!?� Isabellachea tonddak pollevn Daniel
udgarlo.
�Hoi. Tum ollkhotai?� Isabellan vicharlem.
�Oh my God. It�s all my fault� Danielan tokler hat
marun fuddem uloilo. �Hangasor chukicho somoz zala.
Atam iad aili mhaka. Sogllem sangtam, ponn poilem
sang big brother khoimsor asa?�
�Ho poi� Isabellan darak bott dhakoun mhotlem.
Daniel darachim vochun zap keli. �Big brother, upkar
korun killi kaddun bhair ie. Goir somoz zala to
suttavo kortam�.
Samuelan sovkas dar ugoddlem. Thoddo vell adim
bhirankull vadoll upraslelem tem thonddaer ailem mhonn
Isabellachea mukhamolluch sangtalem. Ponn ragachea
vadollan hanga thoim ximpoddleleo vostu mat toxeoch
asleo.
Hat zhoddun Danielan mhotlem. �I am sorry big brother.
Oxem ghoddunk hi mhoji chuk. Korem mhollear hanvem
tumkam gomounk zai aslem, ponn visorlom. Bosat, gozal
oxi asa�.�
�Vow!!! Uncle Daniel you are great. Thanks for your
beautiful Christmas gift.� Salantle sofacheruch bosun
asleli Danielachi bachi Michelle box-an aslolo gift
ustun ani Danielak dhinvasun thoimsorlem koddsorlem.
�Big brother�, Danienal aple gozalik porot survat
dili, �tujem nanv ani mhoje sangatak bankint nokri
kortele ixttachem nanv ekuch �Samuel�.To,
Marthatelachea mogan asa ani thoddea disani tim
lognacho sonskar zhoddtelim. Tem cheddum Ponjent
Pharmacist mhonn kam� korta. Kamank vetana, bosint
tanchi ollokh zali, ixttagot zhoddli ani mog zalo��
�Ani tancho mog xime bhair pavlo� Danielachem sompum
nastana bhoin ulloili.
�Ghelea sumanant mhoje ixtt Samuelak Poona proxikxonn
(training) ghevpak dhaddlolo. Tannem Marthatelak
kednach aplo ghorcho telefon divnk na, ani kamar astam
tim choddui telefonnacho vapor korinant, kiteak,
sodanch sanjer kamachim suntlea uprant dogaim ekuch
bosint poinn (traveling) kortalim dekhun. Khal
Marthatela, mhoje kocherint (offisant) ail�lem ani
apli poristithi mhaka ugddapi keli tedna, Samuel Poona
sakun aiz ghora pavtta oxem sangun, tika, Samuelacho
ghorcho fon divnchea boldek ghoddie hanvem ghoddboddan
tumcho fon dilo asot. Zal�le poristithiche bhirantin
tinnem big brother-acho tallo ollkhunk na astolo�.
�Hi guys� Kriket khellunk ghel�lo cheddo Mike,
ghorantle mon�xeank zap keli ani mukhar boddboddlo.
�Hi uncle Daniel, koso asai ani mhattari granny�
�Chup� Ozar pavtti tumkam sanglam vhoddilank hea toren
oddkinant mhonn� Bapain dhengso ghaltokoch cheddo
ogoch poddlo.
�Bhurgeancho adhunink sonvsar nhoim? Dansak vechem,
piknikeo korcheo. Atam kitem zalem? Hivui uloipachi ek
adhunik xoili ( modern style) Bapainui bhurgeank xist
(discipline) xikounk zai. Soglle vatten dil dhorunk
favo na ani uprant avoik guneavkari korchem nhoi �
Thoddea vella adim Samuelan uloilolim utram porot
takach sanglim ani donpanchem jevonn toear korunk
Isabell chollot kuznant riglem.
�Mike, ho tujo Christmas gift, digital camera. Boro
korun samball, khup poixea dileat� Danielan,
Natamlanchi bhett aple bacheak (nephew) hatan ditna
mhotlem.
Mike khup khos zavn uncle Danielak dinvaslo ani
bhitorleo iskadiche panvdde choddtana bapai islean
vollun mhonnonk laglo. �Dad, tuji secretary Miss Mona,
hanv ghora ievche vatter doddli ani ti sango sandleli
tender file LVO/5569/03 gavli mhonn. Tum kamank nasun
tika offisant sarkich ubgon ieta khoim. Fon korunk
tinnem poratlam� Palloulelea kollxeancher, porot kitt
pettovpachi sarki gozal aikupak, Isabell thoim nasun
mansugi. Na tor!?
TE RATRI
Samuel, unxear tokli dovrun Sue Henry hanchem Inglix
khadambori (novel) �Death Trap� vachtalo. Isabell
nidhche kuddint bhitor sorun tachea hatantlem pustok
kaddun ghetlem ani tachea bazuk unxear apli-i tokli
tenkoili.
Dogaimni boroch vell monneponn sambavlea uprant
Isabellan tondd ugoddlem �Ragar mhojer?�
�Rag, ho sobd amchea ekvis vorsamchea kazari jivitan
ailoch na, ponn tuvem, tujea ragacher tabo keddnach
dovorlolo na��� Isabellan tachea tonddar hat dovrun
taka fuddem ulovpacho bond kelo. Luhan aplem tondd
tachea islean bhovndaun aple amrut vontt tachea
vonttar gostile. Kitloch vell tim toxich urlim. Dogaim
sogllem visrunk tozvit kortalim ani sontosachea
somdirachea lharancher pevunk survat korchea vellaruch
motte avazan kuddachem dar dhoddodlem.
�Konn thoim?� Isabellan vicharlem
�Mummy, ti sokallchi bail porot vicharta, daddy ghora
asa kai mhonn. Kitem sangum?� Dara bhair dhuven soroll
sanglem ani avoichea zababak vatt pollevn bhair ubem
ravlem.
Isabellachi, tenkxer pavleli bhitorli umed ekach
goddiek jiron geli ani motte dolle korit Samuelak
pollevn aple paim tache dixen ukol�le.
�Oh no. Not again� Samuel tortorunk laglo.
Lino B. Dourado
Poilo Bhag chukla?? Vach:
www.goanet.org/piper/goanet/2003-December/008432.html
=====
http://www.goa-world.net/poems
http://www.goa-world.net/poems/lino
__________________________________
Do you Yahoo!?
Find out what made the Top Yahoo! Searches of 2003
http://search.yahoo.com/top2003
##########################################################################
# Send submissions for Goanet to [EMAIL PROTECTED] #
# PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/ #
# Please keep your discussion/tone polite, to reflect respect to others #
##########################################################################
