Adim Anjuna ganvan, Janerachea muinean, fokot ek fest astalem, Advogad Saibinimchem fest zaka lok �Boramchem fest� mhunnon pachartalet, karann hea muinean sogleam Anjunchea borink boram zatat.
Maka ekdom khoxi bhogli vachun Janerache 12 tarkechea dispottea �Goacom Daily News Clippings�-acher ki porchea dissa, Anjunchea dongrar, Milagrinchea Khursachi porob somorpili mhunnon. Adim hea khursak �Dongrailo Khuris� mhunntalet.
Ordo xekddo adim, hea khursak zobor konn man dinaslet. Mojea burgeaponnar ami hea khursak kaim pautt bhett kortaleaum jednam ami dongrar voitaleaum churnam ani kannttam toddunk ani khaunk. Abril-Maiachea muinean, ganvan than barik nodor marlear kednaim hea khursa voir ek munis boslolo distalo ani to anik konn nhoi aslo bogor Bhattintlo kazkar, LADDKO, zo tacher boson, apleam dolleamchea durbin-acho upeog korun, polletalo zorui konn burgue dongrar choddon etat zalear apnnem rendak keleleam kazinche kazu chorunk. Khorench tea khursachea zagear ubo raulear akkea Anjuna-chi varea voili dixtt (aerial view) mellta ani tossoch lambdig Arabian somdir-ui disti poddta asson tachea pottar patmari ani botti.
Dusrem, lok hea khursak bhett kortalo, jednam paus poddonk vell lagtalo. Zoxem amchea vachpeank ugddas astolo, adim choddxim xetam dumpek vomptalet ani oxem korunk Maiache 15 tarker passun paus poddonkuch zai aslo. Paus poddonk vell laglear, soglo Gaumvaddintlo lok ekttaim zatalo asson tantun Igroz vaddeantlo tossoch Sam Sebastiao vaddeantlo lok, ani zonn eklo aplea mathear ek voznadik fator dovrun, baguivont gaiannam gavit ani ters rezar korit Anjuncho dongor choddtalint. Hem pursaum Sam Joaochea kopelachea angnneant than suru zatalem ani tantun zonn ekleachim burguiim bi bhag guetalint. Lok Sant Antonik-ui ulo martalint oxem gaiann gavun: Sant Anton manchea bettan, paus ghal saiba amchea xetan; Sant Anton boddvo, paus ghal ga toddvo, adi. Oxem rezar korit ani gaiannam gavit lok dongrailea khursaxim zomo zatalint ani nettan paus eupak prarthnam kortalint, ani khorench dongor denvon lok sokol pauchea adinch paus zoddonk suru zatalo. Oi, hi ek milagr asli. He porim uprant zaiteoch milagri zaunk lagleot ani xekim hea dongrailea khursak �MILAGRINCHO KHURIS� (MIRACULOUS CROSS) naum dilem ani oxem boroun dongrachea mullant eok toktto ubo kelolo assa. Adim hea khursaxim vochonk paim vatt passun sarki nasli punn atam dongrachea mullant than panvdde bandleat jeant bolaiqen aslelean sompeponnim te panvdde choddon, Kalvar Porvot choddta oxem niallun, Milagrinchea Khursak bhett korunk zata.
Tumi Anjuna ganvank bhett kortat tednam hea Milagrinchea Khursak bhett korunk visronakat. Thir bhavartan magnnem kelear, milagr ghoddon tuvem maglelem mellonk xekta!
Tor vachpeanim, adim amchea Goeant zaitench zatalem ani milagrii bi ghoddtaleot, karann lokacho bhavart ekdom ghott aslo ani teach passot Deu tanchim prathnam rokddinch aikotalo ani maglelem ditalo. Atam bhavart unno zait guela ani lok Deva laguim magche boldek Taka proxnn ghaltat ani To assa vo nam gai mhunnon duspott ubi kortat. Hakach lagon atamchea kallar Maiachea muinean paus poddpacho to Julhai-an poddta ani tovui bi itlo gosgoxeanim ki buddti eun soglem buddoun uddoita.
Adim Devache sumurti pormonnem choltalet ani athmo assa mhunnon soth mandtalet. Atam �scientific methods� sodunk boumtat athmo assa mhunnon dakoll korunk. Tor tumkam dista munxeakullan oxem dakoll korunk zatelem oxem?
Moi-mogan, Domnic Fernandes Anjuna/Dhahran, KSA
_________________________________________________________________
Help STOP SPAM with the new MSN 8 and get 2 months FREE* http://join.msn.com/?page=features/junkmail
##########################################################################
# Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/ # # Please keep your discussion/tone polite, to reflect respect to others #
##########################################################################
