TUZO HATH
Ek mistir aplea bhurgeank sangta
Chitraunk ek vost oxi
Je vostunk lagun sodanch tumi
Hea sounsarant khup dinvaxi
Lysha chitraita kombi kombe
Ninotchka chitraita limbe ambe
Kheyser chitraita laitti khambe
Jorel chitraita pausa tembe
Aldenan chitrailim lhan vhod gharam
Doreenan chitrailim doria lharam
Dylanan chitrailim lhan lhan poram
Ashloyan chitrailim bailim teram
Sogleanchea tonddar hansoch hanso
Pun babddo Delroy voghich koso?
Kiteak Delroy bosla oso?
Mistirik zalo dubau tacho
Mistir Delroyak aplea fuddean apoita
Chitrailelo paper to mistirik dakoita
Polleun ek hath chitrailolo mistir ojeapta
Ho hath konacho - mistir vinchar korta
Vincharta portun ho hath konacho?
Bhurgeancho zabab to hath xetkareacho
Kon mhunttat to hath Devacho
Konnank mellonk nam somzut hacho
Roddkulea tallean Delroy mhuntta
Ho tuzo hath guruji zo bori vatt dakoita
Mojea athak dorun tum maka burounk xinkoita
Moje toklevelean voddun tum moji opurbai korta
Kallokantlean maka uzvaddan addtta
Bhoim bhirant moji kuxin kaddtta
Aum tuka dinvastam guruji
Aiz tuka lagun mojem ghinean
borea margan vaddtta.
Utram aikun lhan bhurgeachim
Mistirachea dolleanim bhorlim dukham
Utram tachim chodd molachim
Sor zai nezo motiam mannkam
Best regards,
Cypriano Fernandes
(Riyadh, KSA)
##########################################################################
# Send submissions for Goanet to [EMAIL PROTECTED] #
# PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/ #
# Please keep your discussion/tone polite, to reflect respect to others #
##########################################################################
