� Xantichea Parveakui Daukulam Astat (Poilo Bhag) MERLYN: Selwyn, kitem somzota tuji mama? Mhojea daddy-n ghorant duddvamchim zhaddam roileant mhonnon?
SELWYN: Fonar boball kiteak? Kitem zalam tem sarkem sovkas sang. Gorje bhair� tapum naka. Faleam thavn tum mhoji ghorkarn�n ani mhoji mama tuji sasu zatli. MERLYN: Zori tor hanv tujea upkaran naslelim zalear, jerul tumchea ghora ievn tuje mamank sangtelim aslim tujea thaim kazar zaina mhonn. Dudhsagar piknikek ghel�le kodden hanv buddun mortalim tea vellar, tuvem makha salvar korun, dusrem sonvsari novem jivit dilam. Hech upkarak lagun hanv tujem gulam zalam ani nhoim tujea mama-chem SELWYN: Sang tori itkem ragan ani mottean uloupak karan kitem? MERLYN: Motteo-motteo vostu/vepar tujea mama-papan doth-denneank maglelea pormonnem mhojea mummy-daddy-n tumkam adinch pattoun dileat. Urlelem samon ghevn aiz amcho lok tumchea ghora ailolo. Mezar sogllem dennem ghalun zatokoch tuji mama soglleam hujir vonjotali khoim anik bara bangarachim pavnnam zai aslim mhonn. Sumar tin lakhachem bhangaracheo vostu mhojea daddy-n mhaka dileat. Tujea maman keddnai tori sopnant passun itlem bhangar tichea angar choddoilam? SELWYN: Polle Merlyn. Hi doth-dennem tum mhonntai nhoi, ti mhaka kainch khobor na. Fokt hanv zannam tum mhojea jivitachi doulot mhonn. Tujea thaim girest gunn asat dekhun hanvem tujo mog kela ani nhoim tum ek vhodd girest bapaichi dhuv mhonnon. MERLYN: Hem tujea mama-papak sangchem. Jea disa tim kazarachem ulovnem korunk ailelim tedna tannim bazarant 'shopping list' ghevn vhetat te toren amchea ghora ailelim. Kosleo-kosleo vostu denneank zai teo adim-fuddench boroun haddlelem. Mhojea mummy-daddyn, tujea ghorcheani maglelem titlench dilam astanai bi, tujea mamachi kosli �caposdade� zali vhoddlea tonddan sangunk anik bara bangarachim panvnnam zai mhonn? Ani tenvuim zalear borlelea loka samkara? SELWYN: Mhojea mama-papan kitem maglem ani tumi kitem dilem tem mhaka poddunk na. Thodea vella adim, tuka hanvem sanglam tuje bore gunn mhoji doulot mhonn. Ghorant� kitem choll�lam ani chollta ti bilkull mhaka khobor asona kiteak, sokallcho utthun hanv mhoje nokrek vetam. Bambolim Goenche Voiziki Kollejint junior doctor koso vavurtam. Dor disa tambonastana kitlech duenticho ilaz korcho poddtta. Kamacho mekhlo zavn, sanjer bosin ghora pavtta mhollear jiv sarko toktta. MERLYN: Hech khatir mhojo daddy, tuka Santro motor-gaddi� ghevn ditlo nhoi? Zanvuim bosin ghora ieta mhollear tokttolo ani dhuvechi khobor ghenvchea adinch nidhunk vhetlo mum? Mhonntoch, tum sangta tea porim ghorant kitem chollta hi tuka kainch khobor na tor? SELWYN: Hench tuka kedoi passun sangunk sodtam ponn tum..... MERLYN: Aik bore toren. Tumchea kuznant novo freeze, cooking range, micro-oven, bathroom-ant washing machine heo purai vostu mhojea daddy-n dileat.... SELWYN: Ponn mhoji mama sango ho sogllo vepar.... MERLYN: Modench uloinaka. Tuji mama, tuka sangta asteli zoxem tumchea xezareank-soireank sanglam tea bhaxen, Ponnje, Dom Bosco moidanar Shopping Festival zal�lo tedna discount-ar vepar ghetla, oxem nhoi? SELWYN: Hoi. Mama �kitem tori sangtali...... � MERLYN: Tumchea ghorant kitem chollta tachi tuka zanvi asa? Na!! Tum kamacho tokun ieta ani mhojea thaim kednai fonar uloilo vo na uloilolo, jevlo ani nidhlo. Hem tujem sodamchem 'routine' zalam. Zannaim? Kuznantlo porno vepar kaddun tuje dusre bhoinink ji Agonda, Terence Cabral hachea lagim kazar zalea, tika dileat. Novem sofa set, TV, digital VCD/DVD, stereo home theater set mhojea daddy-n haddtoch tumcheo porneo vostu kaddun Canacona-chea Milagres Fernandes hache thaim kazar kel�le vhoddle bhoinink dileat. Pornem dinning table ani koddelam Candolimchea Xavier Fernandes hache thaim kazar zal�le bhoinichea hodd�dear vorun marleat. Nidhpache kuddinle bed, cupboard, dressing table kaddun Quepemcho zanvoi Micky Faleirak nidhunk dileat. Ani tuka Santro motor-gaddi ghevn dita mhonn aikona fuddem tujea papachi porni Lambreta scooter asli ti tumchea poskem Remartizachea ghovak Ligorio Karwarkar haka dilea khoim. SELWYN: Tum sangtam tem sarkem asa. Mhonnchem, amchea ghorant noveo vostu dixttat, ponn mama sango teo vostu shopping festival-ak vinkteo ghetleat mhonn. � MERLYN: Tuji mama bhouch fotting. Tumche ghorant novo vepar asa tanchim billam ani 'warranty cards' mhojea lagim asat. �Dowry harassment IPC 498/A section lavn tuje mamank ani tumkam soglleank nitiche kaidea fuddean ubim korunk zatat. Ponn dantui ani ontthui mhojech..... SELWYN: Mhoje mama votin hanv tuje thaim mafi magtam. MERLYN: Mhojea daddy thaim ghoddtta mhonn dilam. Ani zori tor konnui ek gorib cheddum zal�lem zalear tuji mama tea gorib avoi-bapaichem rogot pillun pieta asteli asli. Tujea ghorcheani maglele vostum bhair nogot duddu-i bi maglele te divn mhojea daddy-n �ek famad 'journalist' Xri Peter Antao hachea putak vinktto ghetla. Faleam resper zavn hanv tumchea ghorant bhitor sortelim. Mhonntoch, tujea mama-nk somzai. Tichi jib mhojea fuddem lamb zait tor tichea tonddant hatuch ghalun jib umttavn bhair kaddtelim. Ugddas dor, *Xantichea Parveakui Daukulam Astat.* Mama khoim asa tuji? SELWYN: Nannient udok navunk gelea. MERLYN: Khat borich limpar korunk sang tika. Tiche thaim gorjechem kitem ulounk zai aslem. SELWYN: Makha vicharlear zaina? MERLYN: Vicharpachem mhollear tujeo kuddicheo soglleo vostu sarkeo asat? SELWYN: Ho anik koslo vichar tujo? Tuvem tor mhaka xembor-dha pavtti pollela MERLYN: Bhailen pollela. Bhitorlean nhoi? SELWYN: Mhonnchem? MERLYN: Kazarachea poile ratikoden mhaka mogacho 'pressure' choddlo ani jea vellar dotor babachem injection poddunk zai tedna �sui� bori chollona zalear mhoje bognar zatle nhoi? Hech khatir tujea mama thaim vicharunk kori, tiche ekleach morgad putachem �syringe� sarkem novem asa vo mhoje daddy-k sangun tenvuim vinkttem haddchem poddtelem kai? SELWYN: Kitem***???Kitem mhotlem?? Helloooo....... CHOLTA (To be continued) �Lino B. Dourado �Vach Kovita:*Xantichea Parveakui Daukulam Astat* � www.goanet.org/pipermail/goanet2003-June/002283.html ===== http://www.goa-world.net/poems http://www.goa-world.net/poems/lino __________________________________ Do you Yahoo!? Yahoo! Finance: Get your refund fast by filing online. http://taxes.yahoo.com/filing.html ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
