V.Ixtt-achea Upkaran 24vi Abril 2004 Vote For Shri Ani Shrimati Lokxai Ani Dhormatit Raj
Amcho Bharot ek rong-birongi des, zantunt vegllea-vegllea bhasancho, Sonskrutaiancho, Dhormancho, Zatincho lok jieta. Xekddeam pottim, hea desacho lok maie-mogan ani xantin jieun aileat. Ekamekachea sukha-dukhant vantto gheun veglleponnant ekchar (unity in diversity) tannim dakholl kelo. Oslem Bharotachem chitr ollkhun, jen�na Bharot desak suttka mell�li, ten�na Bharotachea fuddareamni ek Ghottnna (Constitution) ghoddun haddli. He ghottnnent, sogllea bharoti nagrikank tanche odhikar ani hok�k spoxtt kele ani vegllea-vegllea lokank ap-aple bhaxen jieunk sompeponn dilem. Dusrem, Bharotachem raj mhollear Lokxai (Democracy). Apleak zai toslo sorkar nivddun kaddunk lokxaient lokak odhikar asa. Lokxaient, rajkarbhar choloiteleamni lokxaieche nem� samballunk zai. Bezababdarponnan ani zulumxaien odhikar choloiteleak lokxaient zago na ani osleak tache sodrevelo denvounk lokak hok�k asa. Tisrem, Bharot ek dhormatit (Secular) raxttr. Hea raxttrant jietolea vegllea-vegllea dhormachea lokank ap- aplo dhorm jieunk ani porgottunk sompeponn disun ieta. Sabar dhormanche lok zaitoch kall ekvottan ani sovostkaien choltat ani ho zaun asa ek dhormik daizacho obhiman. Bharotachem dhormatit soimb ani dhormatit totvam samballunk dor eka raxttrik pokxan pott�tiddken vavurchi nibel goroz. Rajkoronnak mon�xamni ap-apleach dhormachea mon�xanchi seva korop ani dusrea dhormanchea mon�xam sovem pokxpat korop (discrimination) tem hea dhormatit rajeant sobona. Tem raxttrik ghottnnecher add vochun guneanvkari zata. Halinchea vorsamni amchea Bharotant dhormant poromporavadi (fundamentalist) ani dhormvadi (fanatics) vaddleat ani chodda promannan Bharotio Janta Pokx sorkar sodrer ailoleak te odikuch vaddleat oso arop kel�lo asa. Hea aropant zaitench sot asa. Tor, aiz poromporavadi ani dhormvadi pongodd zoxe Raxttrio Svoimsevak Songh (RSS), Bajrang Dal, Vixv Hindu Parishad (VHP) BJP sorkaracho palov gheun ani tache khustar aplim svarthi chintnam ani manddnneo sadounk tozvit kortat ani zor�ran vavurtat. Oslea pongddak lagun aiz amchea desant dhorma modem uchambollai ani goir-somoz vaddla ani vegllea-vegllea dhormachea mon�xam modem ixttagotiche sombond dil zaleat. Hea sondorbhant amchea Goem Dhormprantant halinch zal�le Gonvllik Porixoden aplo husko porgottla. Porixodecho dakhlo 26�(Ponn halinchea kallant.... bodol dista) ho husko disun ieta. Toxench dakhlo 27 asa tantunt ho husko dista (�Oso Goeant xekdde..... zaun asa �). Voilea dakhleamni distolo husko os�sol zaun asa. Dhormachea nanvan aiz kaim Hindu poromporavadi amchea desant ani Goeant olpsonkhecher (minorities) ot�teachar kortana distat. Olpsonkhecho lok choloitelea sonsthancho labh ghetat, tanchea iskolamni, Kolejimni aple bhurgea-ballank xikxonn ditat tanchea hospitalamni ilaz ghetat, adi. ani olpsonkhechem boreponn melloun tancheruch bodmas zaun, tancheruch hol�lo kortat. Oxem halinchea disamni kristanv toxench musolman bhav-bhoinnancher hindu dhormvadeamni dhormachea nanvan ot�teachar kel�le asat ani je meren atancho sorkar tankam pattimbo dita te meren te ot�teachar chaluch urtele. Amchea Goenchea dhormik ani rajkornnik mollar ami nodor marum-ia. 1991che lokgontte pormonnem Goenche porje modem 64.68 ttoke Hindu, 29.86 ttoke Kristanv ani sumar 5.25 ttoke musolman asat. �Tum omkea dhormacho, hanv tumkea dhormacho �- oslo bhed- bhav korinastana hea tinui dhormacho lok ekuch somudai zal�le porim itlim vorsam ixttagotin jieun aila. Ekamekachea suvalleamni toxench dhormik, somajik, kuttumbik ani sonskrutik somorombhamni tannim vantto ghetla ani ghet asat. Amchea Goeant sogllea lokam modem aslolo dhormik sumell (religious harmony) polleun, raxttrik toxench pordexi lok amchi toknnai korta. Ponn halinchea vorsamni ani odik korun BJP sorkar Goencho rajkarbar cholounk laglelean, amche modem futt ghalun aplim svarthi chintnam fuddem vhorunk kaim dhormvadi utpon�n zal�le asat ani amchea fuddareachem tankam besanv ani fattboll asa. Tea bhair Goencho Mukhel Montri Xri Monohar Parikar RSS-acho ek niz vangddi ani alaxiro divpi. Tacheach fuddariponna khal choltolo sorkar olpsonkhe sovem pokxapat adarta ani aplo dhormvadit vichar-dhara (ideology) pormonnem cholteleank sorkari nokreo ani unchle zage favo korta. RSS-acho dhorm palltteleank Pulis Khateant zage diun olpsonkhecher oneai kortat. Dhormachea nanvan, dusrea dhormachea mon�xanchim dhormik bhavnnam dukhoun sod�deacho BJP-cho zodd sorkar raj choloita. Ani zorui tor BJP bhoumotamni nivddun ieun, dusrea pokxancho adar nastana sorkar cholounk laglo zalear, olpsonkhechea lokak amchea desant ani Goeant anik fuddar aschona. Thodde dis pattim Parrikar Mukhel Montrean, Goem rajeant 30 ttoke motdarancho ankddo olpsonkhecho astana-i BJP sorkar Vidhan Sobhecheo Vechunnuko jikhun ailo oxem eke zomatint sanglem. Khorem mhollear, BJP-ik zor Goeant ievpak ani raj choloupak sond mell�li zalear ti fokot lokak hea sorkaracher visvas aslo mhonn nhoi, ponn Kongres ani MGP-chea patkank lagun. Hea thoddea kallachea rajkarbharan BJP-chem khorem dhormavadi chitr disun ailam. Goeanch kristanvank ani musolmanak te piddapidd divpak lagleat. BJP-chem soimbuch zaun asa dhormvadachem. Hea pokxacho liplolo agenda zaun asa dhormvad. Hea dhormvadachem pixem gheun xekddeam pottim ekvottan jieun ailolea vegllea-vegllea dhormachea mon�xam modem futt ghalun, BJP apli vikhalli Hindutva kariavoll xarti pavounk sopneta.Na tor Narendra Modichea fuddariponna khal choltelea Gujarat BJP sorkaran musolman bhav-bhoinnancher krurtaien akromonn kelem hacho ugddas haddat. Orisant Graham Staines ani tachea dog lhan putank tanche jipint nhidun astana jivech hulpaun marle hacho ugddas korat. Tea bhair, motthvaxi bhoinnancher ot�teachar ani bolatkar adarun hanga-thoimsor kristanvank dhumallo dil�lo asa, hachoi ugddas vechona. Halinch amcheach Goeant Bispachea ghorachea angnnant vochon kaim Songh Parivarachea mon�xamni thoimsor aslolo kantoilolo fator Shivlinga-acho mhonn boball korun gondholl kelo. Hi ghoddnni monant taj�jich asa. Him sogllim BJP-in ani tachea zodd palvan choltelea dhormvad pongddamni kel�lim nattkam polletoch monant oso vichar ieta: Hea Pokxak novean sorkar cholounk dilo zalear olpsonkhechem kitem zatelem? Bharot tor lokxaiechem ani dhormatit raxttr. Ponn lokxaiechim follam ani dhormatit totvam hangasor kitlim legun disun ietat? Kendrant Vajpayee ek nivoll ani kortubi fuddari ani soddvonndar mhonn BJP-chea mon�xamni sanglear puro ? Tachea nanvan adartat tea kallea kortubancher konn mez-map gheta? Sodeak Lok Sobhechi venchnnuk umbrear pavlea. Bharotachea her rajeacho lok Goem rajeant kitem zata tacher poilem lokx ghaltat kiteak Goem mhollear ek adorx raj oxem tanchea monant gel�lem asa. Oxem astam, Goenchea veg-vegllea dhormachea lokancho ekvott samballtele ani lokxaiechim ani dhormatitponnachim totvam rakhtele monis nivddun Lok Sobhent pavonk dor eka Goenchea motdaracho povitr ani moladik hok�k. Dekhun tujem mot ghalta ten�na, dhormvad choloitolo nhoi, ponn dhormatit Bharot ani Goem bandhtelea mon�xak zababdaren mot ghal ani sonsodent pavoi. Fr. Thomas Lobo ===== http://www.goa-world.net/poems http://www.goa-world.net/poems/lino __________________________________ Do you Yahoo!? Yahoo! Photos: High-quality 4x6 digital prints for 25� http://photos.yahoo.com/ph/print_splash ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
