##########################################################################
# If Goanet stops reaching you, contact [EMAIL PROTECTED] #
# Want to check the archives? http://www.goanet.org/pipermail/goanet/ #
# Please keep your discussion/tone polite, to reflect respect to others #
##########################################################################
'Aah Ghale Lhag Jha'
TI: Kitem ailam atamche pillgicher? Ailelea potramcher
atmghatacheo khobro.
TO: Aiz konnem jiv dilo?
TI: Eka cheddvan, pornne Mandovi pular thavn nodint
jiv divnk uddi marleli, ponn tika ponel ghevn nistem
martelea eka nusteakaran vattailem khoim.
TO Atmghat korpachem kharan dilam?
TI: Na. Porrie ganvchem, 24vis vorsanchem cheddum.
Sochivaloient (Secretariat) �Lower Divisional Clerk�
hea uddear nokri korta.
TO: Asteli kosli na tor kosli mogachi bhangodd, zoxem
porim tuji xezarn Viola, mhojea moga khatir natkam
kortalem
TI: Viola chukun baim poddlelem. Tum sozmochi tujea
moga khatir mhonn.
TO: Hangasor ie (zonnelachi vochun) ani polle ti baim.
Adim ti ugtti asleli ani atam sorbhovntim fatranni
bandlea. Tuji ixttin soddam porim baimcher ailem. Hanv
zonnelaxim ravun taka polletalom. Kollxeak razu ghatlo
ponn baint dhenvounchea vellar kitloch vell tem sokoil
polleat ravlelem. Kiteak?
TI: Khorem mhollear aiz meren khori goxtt tuka
sangleli na. Tache avoin tea disa sokall fuddench taka
boball kelolo. Tujo mog soddun Dubaikara lagim khazar
za, na tor ghora bhair ghaltam mhonn tinnem dhomki
dileli. Tem tujem chintint baint kollxo dhenvoitana
tujo rupkar udkar khelltalo dislo khoim. Tench nokom
tea vellar taka kitem zalem tem. Apxinch tacho paim
mukhar sorlo, ani�..
TO: Tem buddtalem. Taka baintlem voir kaddtokoh hanv
nokom zalom kitem korchem tem. Tem soiranna bhair
aslem. To dis Goenchea Saibachea Festacho. Mhonntoch
vaddeantlo sogott lok , mhoji avoi soit pick-up korun
Pornnem Goeam ghelelim. Taka ubharun amchea ghora
haddlem. Dezembracho mhoino to. Tem thoddent
kullkulltalem . Tache ole (wet) kopdde kaddle ponn
bhitorli mustaki kaddtona mat, tachea angar chedor
ghatlelem.
TI: Tea vellar tem soiranna bhair aslem. Tum kitem
kortalo vo na kortalo ti taka thoddi khobor?
TO: Tache hat-paim thondd zalele. Koslich
boreaponnachi khunna tem di naslem. Makha �Aah Ghale
Lhag Jha� filmachi iad aili. Ek scene ti. Kashmiran,
borfachea porvotar kolejintlim vidhearti voir thavn
sokoil ice-skating khell khelltalim. Sharmila Tagore
ani Shashi Khapoor tea filmantlim mukhi notim aslim.
Sharmila chukun borfantlea eka konddan poddtta ani tea
borfachea udkachea thondden tem ek mellelem modem
koxe zata. Shashi Khapoor tacho jiv vattovpacho iont
khorta. Jiv vattovtolo zalear Sharmilache kuddik kosli
tori ubb zai asta. Shashik kollejintlea professor
Ghulzarachi iad ieta. Oslea akanttachea (emergency)
vellar koslo upai ghevnk zai tem, bhes borem
professoran xikoilelem tacho ugddas kotun ani dusro
upai na zavn to Sharmilache kopdde kaddtta ani apunui
vingllo zata ani aple kuddichi ubb taka di-it ravtta.
TI: Ani tuvem Viola sovem toxench kelelem kitem re?
TO: Tuka sot sangtam. Tum soddanch mhonntalem nhi
�touching is sin.� Ti birant pois khorun hanvem-i
kopdde kaddle ani cheddoran bhitor sorun taka mhoje
ubek ghott dorlem.
TI: Oh my God! Ani kitem kelelem?
TO: Khup vellan taka zap aili, ponn tem bhan-vin
(unconscious) aslem. Tachi avoi amchea ghora islean
ietali ti polleli. Tika konnem kolit kelem Devak
khobor. Vegim-vegim mhoje angar kopdde choddoile.
Tinnem, aple dhuvek ghombir isthitir aslelem pollevn
mhoje thaim pronsnacher porns korun mollob pasun
sokoil haddlelem.
TI: Ponn ek ugddas kortam. �Aah Ghale Lhag Jha� filman
Sharmilak mornantlea ghansantlem vattovpak Shashi
Khapooran soglle upai kelele te nirfoll zatokoch,
xevottak Sharmila thaim kuddicho bhog (intercourse)
ghetlolo, mhonnonuch tem vanchlem, na tor tem morun
vetam aslem. Oxem tea filman dakhoilolem
TO: Ha�amm! Hoi.!!Hem hanv tea vellar koso visorlom?
TI: Mhonnchem?
TO: Shashi Khapoora xarkelo glucose dose divnk?
TI: Ham?
Lino B. Dourado
NOTE: Heroine of yesteryears Sharmila Tagore was
appointed chairperson of the Central Board of Film
Certification (CBFC) on Wednesday (13th Oct. 2004)
=====
http://www.goa-world.net/poems
http://www.goa-world.net/poems/lino
_______________________________
Do you Yahoo!?
Declare Yourself - Register online to vote today!
http://vote.yahoo.com
