World Tour (Sounsarik Bounvdi) - Kovita boroupi: Cajetan Godinho
W O R L D T O U R (Sounsarik Bounvdi) Sobit amchea Goeam Fankivont Colva praer, Poilench taka anvem dekhlem� Mhoji noder tacher, tachi noder mhojer Nodor nodrek meuli, Kalliz kallzak bhetlem� Dogaim ami eka mekak lozlim Kallzamnim amchea, Mogachem aghtem tem pethlem� Kazar ami zalim Honeymoon-ank rockdench anvem taka, World tour-ak vhelem� Poilim ghelim Agra Taj Mahal, poili, Shah Jehanamchi ti mogachi nixhanni� Malaysiant, Kuala Lumpur Vodleo torveo, Petronas Towers, Dekhle khas dolleamnim� Sobit zhage Sydney Harbour anik Opera House, Australiak paulim thodeach disamnim� Asiacho tour somptoch Udhlim ami bounvdi khorunk, Afrikachea desamnim� Khede vhodle monument Pyramids, uxear khola, Bhandleat tea Egyptachea lokhamnim� Kenyachea deshant Safari tour ami kelo, Jinsamvar monzatteo dekhleo tuim hozaramnim� South Africak, Nelson Mandelachea dhesant Sun city kitli sobit, Sangonk zaina tumkam utramnim� Mahatma Gandhik, rail ghaddientlo bhair khadlolo Pietermaritzburg zhago poitoch, Dukham ailim dolleamnim� Canadak, sobit zhor Voir tan vaumti ti, Niagara Falls, Poitoch jiv dhadoxi amcho zalo� Montreal,Toronto Kosli tuimsor thonddi, Sonsunk zaina zaun rosto dhorlo fuddlo� Miami, Amerikecho ganv to Doriaxim soglleamnim vell, Moujen tuim sarpacho�. Las Vegas, Casinos Zhago to noxib tuka aslear, Ekech ratri tum Raza nam tor bhikari zaupacho�. Uruguayak, Montevideo ganvant Poilench football world cup 1930, Angasor zalelem mhunon bailek anvem sanglem� Brazilak, Pelek meutoch Rio De Janeiro Carnivalak, Lokhamchi mouza poun kalliz dhadoslem� Buenos Aires niraxi ami zalim Maradona Argentinank nam, Cuba assa mhunon amkam ghomlem� Anik tuimsor chod vell sarunk nam Vegimnuch Europak, Vospachem ami chintlem�. Eiffel Tower, tea sobit anik nanvostik Fashion ghoramnim bhorlelea, Paris, Fransachea ganvant�. Englandak, London Eye Toxench sounsarache soglle famad munis ekuch kodden, Madame Tussaudachea gharant�. Greessachea sundor anik nitoll vellamcher Chiddun, muddun, mog tacho kelo, Gheun taka ghot mhojea gopant� Nimnim, kazari amchea jivitacher bessanv ghal mhun Pap Saibak mellunk ami ghelim, Italiachea Vatican xharant� Triinng�triinng�triinng Mhottean avaz zalo, Alaram guddiel mhojem vazlem� Chintnamnim aum guspolom Sirvisek vospacho vell zalo mhunon, Uprant mhaka ghomlem� Honeymoon nam anik baillui nam Khattiruch nidhon WORLD TOUR kelo, Kalliz mhojem tuttlem� 7 horam nidhent bhoglelem sukh Zago zaun ekuch minutan, Sukhachem sopon mhojem somplem� HAPPY VALENTINES DAY TO MY DREAMGIRL..... Boroupi/written by: Cajetan Godinho - soccer legend at Soor grounds, Kuwait Email: [EMAIL PROTECTED] www.goa-world.com/goa/tiatr/cajetansartwork.htm (c) All rights reserved www.goa-world.com __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com
