MONACHEA MONANTLEAN Goeant Kongres Kitlo Kall Togtolo ? Kendrant sod�deak Kongresichea fuddariponna khal UPA-cho sorkar cholta. Kendrant jea sorkarachem raj cholta teach sorkaracho pokx desantlea her rajeamnim sot�ter aslear, hea rajeak kendrachem boreponn favpachi bhouch xoketai asta. Kendrant rajki sodrer aslolo pokx rajeantui sodrer aslear rajeantlea hea pokxachea amdar - montreank kott�ttibhor rogot choddta ani teach sot�techea rogta bollar bhou thodde pavtti lokanchim kamam sadhoita ani make hay while the sun shines mhonntat te porim aplem-i sadhoun mekllo zata. Dusrea orthan, kendrant aplo sorkar asa dekhun tacho aplea motdar- songhak koso lav gheum ieta tacher to vichar korta ani khorem mhollear korunkui zai. Punn oslea sadea vicharanchi tank Goeantlea Kongres amdar-montreanchea monamnim disonam. Tea bodlek tanchi svarthi, podache ani kodeliche axechi, bhroxttachar matoupachi tank mat soglleanchech nodrent bhorta. Ani ti soglleanchech nodrent bhorta toxe te vagtat ani vavurtat. Kendrant aplo sorkar asun kivam dusrea pokxacho Goenchea Kongresvaleank tacho kosloch forok poddonam.
Churchill Alemao Luizinho Faleiro Pratapsing Rane Ravi Naik Subhash Shirodker Vavraddeancho Ixtt satolleacho ho ank uzvadda ieta mhonnosor, Goeant ritea aslelea 5 motdarsonghamnim pott-venchnnuko jahir zaum ietat. He pott-venchnnukent Kongresiche umedvar jikhche ani khub kallan Goeant Kongres Pokx porot sodrer ieuncho, oxem khubxea Goenkarank monantlena dista. Toxi tanchi opekxa-i asa. Punn sod�deak Goeantlea Kongres Pokxantlea amdaram modem zo ekamekacher dves-ragachi mati xevttun marpacho khotto khell cholta to pollelear, he Kongresvale aplench ghorchem nisontton korunk fuddem sorleat koxe distat. Mickkey Pacheco, Atanasio urf Babush Monserratte, Isidore Fernandes, Sudhin Dhalvikar hankam aplea ekvottak ghevn Kongres Pokxan Goenat sodrer aslolo Bharotio Janata Pokxacho (BJP) sorkar khala xevttilo. Uprant Moddganvchea Digambar Kamt-ak BJP-ntlo bhair kaddun Kongresan BJP-k anikui osokt kelo. Punn sod�deak hache poros odik bhirankull osoktai Kongres Pokxant dista. BJP-k olp-motant uddounche khatir Kongresan zo bhou-motacho ekvott samball�lolo taka aiz futti aileleo distat. Tanche monache futtintlean tanchea ekvottacho duspott zalolo dista. Heach tanchea duspottacher vichar korunk, Mickkey Pacheco, Babush Monserratte ani Manohar Parrikar goddie Colva-Sernabatim zomlole zait. Kidd poddlelea ambeak apunn kusla, apleak vas ieta, apnnak atam bhair udditele, hachi taka koslich khobor asonam. Punn tea ambeacher nodor poddleleak mat to ambo kusla, taka vas ieta, to bhair uddounk zai oxem dista. Hantunt il�loi dubhav nam. Goeant Kongres Pokxant asleleanchi got hich zalea. Luizinho Faleiro, Dayanand Narvenkar, Pratapsing Rane,Churchill Alemao, Ravi Naik, Subhash Shirodkar, adi. hea Kongresiche amdar atam rajki mollar aplea khottea ani bhroxttacharachea kortubamnim kusleat. Tanchea khottea rajkoronnacho vas lokanchea monanchea nakant bhorla ani tachean to sosunk zainam. Mhonnonuch aiz lok tanchim nanvam ghetlearuch �khak thu� korit thuki bhiar uddoitat. Te rajkoronnant kusun tankam bhroxttacharcho vas ieta tea khaitr tankam rajkoronnantle bhair uddoitat titlem borem, oxem Goenkaranchem mot zalam. Onnbhov ho boreantlo boro xikovpi, oxem mhonnttat. Monis onnbhovantlem jem kitem zannvota vo xikta, tea pormonnem to aple fuddle vichar, hal-chal vagnnuk ghoddoita. Punn Goeant Kongresichea vantteak kitle-i onnbhov aile zalear tea onnbhovantlean kitem tori xikpachem tankam monuch nam zalear? Rajkoronn mhollear aple mutthintlo khell, to apleak zai toso khellum ieta oxem chintun, he svarthi rajki monis rajkoronnant lokanchea boreponnacho sodduch, aplea boreponnacho khell khelltat. Oxe poristhitint rajkoronnak ani motdarank kosloch sombondh uronam. Venchnnukechea jea disa motdar aplem mot marun mekllo zata, titlearuch tachi zababdari sompta. Fuddlea panch vorsamnim vo modemkat venchnnuko zatat tedna taka ti porot labhta. Barik-sarik ievjilear, Goenchea Goenkarank rajeant Kongres Pokxacher visvas nam. Tea poros tea pokxachea amdar- montreanich to bhongoila mhonnonk zai. Aplea xrextt vavrantlean porjecho visvas koso samballcho hachem tankam matui poddlelem. Kiteak, svota tankanch tancher visvas nam. Te ratiam modem nhoi, ekech goddie bhitor, varem marta te vatten aplem sup dhorunk bhouch fixal asat. Aiz Goeant Raxttrpoti Razvott cholta. Faleam pott-venchnnuko zatoch, Kongres Pokx Goenche rajki sodrer boslear, Goenkaranchea kallzantlean suttkecho, boreponnacho, meklleponnacho ani udorgoticho svas aslolo suskar bhair sorchonam. Kiteak, BJP itloch Kongresui veglle toren khotto hachi soglleank khobor asa. V-Ixtt http://www.v-ixtt.com/lekh%20_1.html Mae mogan nomomoskar, mhojo noman. Mogachea bhava bhoinino, mhaka hea tumchea mankulea Goeant eun he misache bhettent vanto gheunk khup khushalkai bogta. (My dear brothers and sisters, I am delighted to come to your tiny Goa to participate in this Eucharistic Celebrations) +Pope John Paul II�s speech in Konkani at Campal,Goa on 6-02-1986. http://videos.phototributes.com/pellerinfh/PopeJohnPaulII_files/PopeJohnPaulII.html MAY BALL 2005 Organized by Goan Welfare Society (GWS)-Kuwait Date: 12th May 2005, Venue: Safir Palace Hotel, Riggea Band: Stepping Stones Highlights: Crowning of the MAY QUEEN 2005. Enjoy the Goan hospitality at its best. The Goan Forum http://www.yahoogroups.com/group/goa-goans/ http://www.colaco.net A quote for your thought: Jealousy is no more than feeling alone against smiling enemies. Gulf-Goans e-Newsletter http://www.yahoogroups.com/group/gulf-goans/ http://www.goa-world.com/ __________________________________ Yahoo! Mail Mobile Take Yahoo! Mail with you! Check email on your mobile phone. http://mobile.yahoo.com/learn/mail
