From Goa With Love - Part I
RUBBY: Aiz-kal kitem tor, ghorkarachea fattleanuch
bhonvtelem polletam hanv.
BOBBY: Prince Charles, Camilla thaim logn zaleleak
bhirantuch khoxi dislea
RUBBY: Honeymoon-ank Scottish Highlands mhonnttlelea
zagear gheleant tim.
BOBBY: Kitem tori khortelim mu go? Ponn aiz-kalche
dadle veglech toreche zaleat. Amgeleak choi.
Ponelachem ollem ajun bhes borem samballta.. Jitle
piktat titlich ghoddsan choddta mhonnttat ti kori
ghozal.
RUBBY: Ponn ek sang Bobby. Subeij ghora bhair vocho
nasleli ostori halinchea disanim ghovachi fattuch
sodhina khoxi? Piknik, outing vo dusre kosleai
mellaveank adim tuka apoilear rokhdench ubghetalem vo
nakartalem. Atam fon kelele pavtti bhurgim sangtat
mummy-daddy bhair sorlelim asat mhonn.
BOBBY: Kalchea sumanant Mapxem shopping korunk gelele
koden Ronny-chea barrobor kollejint xikteli ek ixttin
gavli ani, ti gavleleak amgeleacho sobhav dusroch koso
lagla mhaka. Hench karan tachea sangatak asunk
RUBBY: Tujo ghorkar visvaxi ani xegunim astana tujea
monant altur-faltur chintna koxim dhanvtat?
BOBBY: Adim ghorant don vo tin pavtti vaztolo fon,
atam disantlean dha-bara pavtti vazunk lagla, ani
tevui fon Mapxem bazarant gavlelea Ronny-che adle
ixttiniche.
RUBBY: Zaitea tempan mevleant nhoi? Ghoddie adle
kollejinlea ixtt-mitranchi khobor gheun humalle
bhagoita astelim tim.
BOBBY: Kal mhaka to sango, tem logn zaun dusrea
vorsakuch ticho ghorkar mottoracho obgattan sompla ani
tinnem dusrem logn zoddlench na mhonn.
RUBBY: Zalear, tujer itlo akhant kiteak?
BOBBY: Ti vidhva (widow) mevleleak ani tiche fon
aileleak Ronny-cho bodoll zalolo disla mhaka. Tika
bhurgim asat vo nam oxem vicharlele farak bhurgim nant
tankam apleachean bhurgim divnk zatat kai mhonn velean
tachea koddlean ulte vichar aikunk zai. Dis bor to
kosle tori chintnanim buskelolo asta. He ostoren
mhojea borea ghovacher koslem montr marlem tem Devak
khobor. Mhojer bextich bhirant ailea.
RUBBY: Ami baileo sodhanch oskot. Dadleanche challik
il�loso boddoll dislo zalear amchim monam soroll
dubhavachea somdirant udki ghetat.
BOBBY: Ghorcho over-time korina tea disannim to
niddonk ghelear taka kinam bhitor dollo lagtalo, ponn
hea disanim tachi zagron ani sogloch chintnachea
rannant aslelo polletam.
RUBBY: Tuvem tozvit kelea avchit ho bodoll kiteak zala
to?
BOBBY: Mhojea vicharank sarki zap melona��
(trink..trink..trink).
Rubby, fon vazta to matxe ghe. Sokall thavn ho atthvo
fon, tigelo.
RUBBY: Tuka koxem kovlem ho fon tigeloch mhonn?�. (fon
ubarun)� Hello. Konn uloita?�. Sorry, I can�t hear
you�.who�? Pamella?
BOBBY: Hoi, hoi., tench tem.
RUBBY: Ronny�.? Right now he is out of the station.
Sorry? (tonddar bot dorun) Mrs D�Sa is busy in the
kitchen. Me? D�Sa�s family friend, Rubby�Excuse
me�What�? Yes, I am listening��I understand the
problem�..When are you leaving? This evening?�..Oh
no�.Can�t help it.. Hope so..Oh sure, I�ll pass your
message to Mrs. D�Sa�Take care..hope
everything�.(Click)
BOBBY: Kitem sangtali?
RUBBY: (chintnanim bhorun) Kainch nhi.
BOBBY: Vis minutam odik tumchem bhaxon chol�lam.
RUBBY: Hea disani tujo ghorkar �pertube�-ad (disturb)
kiteak asai tem zanai tum?
BOBBY: Taka vicharleruch dolle motte korta.
RUBBY: Bos ani bore baxen aik. Pamella tujea ghorkara
lagim kitem magtta tem zanai��.?
BOBBY: Oh my God. Mhaka divorce di mhonn sangta kitem
go?
RUBBY: Tea vorn odik molladik vost magtta.
BOBBY: Molladik? Kosli vost tor ti?
RUBBY: Tumchea tisrea char vorsanchea put Savio-k.
BOBBY: Kitem? Tem toklen frak (loose) zalam kitem? Aiz
putak magtta faleam ghovakui magtolem. Ani mhaka,
Princess Diana baxen mottoracho obseag (accident)
korun martelim.
RUBBY: Just shut your big mouth Bobby. Zomin ani
mollob khoim? Sangpachem mhonnttlear, Goemkaram modem
zat-katichi forok nasleli zalear Ronny tuka mellcho
naslo. To Pamella-cho ghorkar asta aslo
BOBBY: Hem kitem uloita tum?
RUBBY: Tancho kolenjintlo mog Pamellachea kuttumbak
manddunk na kiteak, Pamellachi famil zatin bambon ani
tujo ghov chadd�ddi mhonnttlele zaticho aslo dekhun.
BOBBY: Poile pavtt tuje koddlean aikotam zat�katichi
ghozal
RUBBY: Tichea somplelea ghorkarachea ghor-bhattachim
kagddam kaiddean nitaer ghalpak, Pamella fokot don
sumanank Goeam ailelem. Goenkaranchi susegad poddot
aslelean tichem kam� purem zaunk ek mhoinnom odik
zalo. Fattlea jivitacher visor poddchea khatir tinnem
aplo rabito (residence) Portugalak kelolo asa. Okosmat
tea disa tumchi bhett zavnchi ani tiche peklele gaie
(wounds) porot ugte zavnche. Forsan toddun kaddlele
rompeche dhatu (roots) zomnink urle zalear chukun udok
mellta tedna noveo ankrieo fulltat. Adlea mogeak vo
Ronny-k polletoch tichem unchaboll mon vorixtt
lharamcher vochon xirkovlem ponn tuka ani tumchea
porank polletoch varoulelea dudhak roddche bolldek
tujea ghovacho rupkar koso aplea samkara dovorchea
khatir Pamellan, Ronny-k vinonti keleli khoim tumchea
dhakttea porak apleak divpak. Tichem ekmullem
eksurponnachem jivit , tumchea putak samballun, tachem
xikxonn purem zai meren aplea fuddem dovorcheak tichi
itsa asli. Ponn tujea ghorkarak naka aslem tujea
dukhanim somdir zalolo kiteak, tujo mog tujea bhurgeam
sovem mondirant puja kortelea murti vorn odik mhonn.
Hea disanim Ronny akhach lagon bejear asa. Atam tori
tum somzolem to tujer kiteak chavotalo to?
BOBBY: Kitlo mahan mhojo ghorkar
RUBBY: Anik ek. Pamellan, sumar 800 sq.metr, don
bongle bandpa sarkelo ek vhodd plot tumchea dakhttea
putachea navar kela ani aiz sanjer so vaztam ti porot
Portugalak vochunk bhair sorta. Tika khuxi asli tuka
mellunk. Tuka poratta zalear tuvem tichea hotelar
vochun mellchem. Borem tor mhojo vell zalo hanv vetam.
Ugddasan, Charles-Camilla-n kitem tori barik motem
kelem aslear soroll khobor divnk visronaka.
BOBBY: Tea mattrutak onkare ail�le mhonnttoch
ghomtelem.
C H O L L T A....(To be continued....)
Lino B. Dourado
http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado
__________________________________
Do you Yahoo!?
Yahoo! Small Business - Try our new resources site!
http://smallbusiness.yahoo.com/resources/
