Ho lekh email korun porxim amkam amchea Linobab Douradon (Utordacho pun sod'dhea Kuwaitant nokri korta) daddun dila. Tanchea upkaran ami to lekh assa toxoch hanga vachpeanche nodre mukhar haddtaum. Sodhea kal thaun 16.04.05 tarkecho V. Ixtt Kuwaitak vikrek mellunk laglo.
A. Veronica Fernandes, Kuwait.
From : Lino Dourado <[EMAIL PROTECTED]>
Sent : Saturday, April 16, 2005 5:53 AM To : [EMAIL PROTECTED] Subject : V. Ixtt dated April 16, 2005
| | | Inbox
Mhoji Kuveittche Bhonvddi Oxi Zali
Bonaventure D�Pietro
Konkani Heritage Kuwait hi Kuveittant asleli Goenkaranchi sonstha, aplo vors-avollicho, Musical Show vorsachea-vorsa machier had-dta. Tea somoiar, Goeant Konknnicho kivam sonskrutik mollar moladik vavr kela toslea mon�xak, he KHK sonstheche karbhari Kuveitt vhortat ani tacho bhovman kortat. Hea vorsa tea karbhareamnim mhaka Kuveittant vhorun mhozo thoimsor bhouman kelo. Bonaventure D�Pietro KHK-cho odheokx Fidelis Fernandes-achea hatantlean bhouman svikartana dista.Moddganvche Jet Airways kocherint mhoji visa ani tikett aili. Visa ani tikett hatamnim poddtoch mhoje dolle dukhamnim bhorlelea porim zale. Khoxechim dukham tim! Kiteak, 30-25 vorsam adim thavn osli visa-tikett mhojea hatamnim polleunk hanv khup axetalom. Chakri korpache axen khuinchea-i Arbi desant vochunk tedna mhoji itxa asli. Punn ti xarti pavonk na.
Janerache 7 tarkher, sanje vellar Dabolim vimanatollarthavn hanvem mhoji iatra suru keli. Ani khuincheanuch 4 horamnim Kuveittchea Ontor�raxttrik vimantollar utorlom. Mhojea sangata Mhapxemcho Bond Braganza ani tachi torni-dhaktti, sundor rupachi, toxich sallorechea tallean gitam gavpi dhuv, bai Veeama aslem. Bai Veeamak, tea show-ak hajir zaunk khas Goeam thavn thoim vhelelem. Bai Veeaman aplea childish sobhava sangata, aplea gitamnim tea disa to show pollevpeanchim kallzam jikhlim.
Vimantollar, KHK-cho odheokx bab Fidelis Fernandes ani tacho ixtt, bab Lawrie Pinto, amkam vhorunk aile. Vimantollavele bhair sortoch, haddam legit tondd-paroz korpi Kuveittant vostele thonddaiecho ami poilech pavtt onnbhov chaktaleanv. Vimantollavele bhair sortoch, amkam bhailea-bhair Hawally vattarant aslelea �Hawally A.C. Hall� vosreant vhele. Hea vosrerant Janerache14ver zauncho aslo tea show-achi prekttis chalu asli. Tantunt vantto ghevpi tea xarant chakreo korpi amche Goenkar tornatte kolakar ani songitkar ektthovlele asle.
Ami amchea desa pasun hozar kos pois asleanv khore, punn vosreant bhitor sortoch ami Goeantuch aslelea porim amkam bhoglem. Sogllinch Konknni uloitalim. Poilich amkam amchi machie kolakarn, bai Querobin dislem. Amkam polleun tem pixem koxem amchea fuddeant dhanvun ailem ani amkam mogachi veng marli. Thoinch mhaka amchem, Vagatorchem, 3 vorsam adim mhojea nachpi pongddant nachpi bai Marian mell�lem. Uprant, KHK-cho khoddegant vavurpi bab Rosary Ferns ani chittnnis bab Antonio Veronica Fernandes mell�le. Hannim soglleamnim amkam vhodda ievkaran ghetle. Songitkar hajir asle te thoim vavurpi soglle Goenkar tornatte: Trompet vazoupi aslo Favostino, (Divar-cho), organ vazoupi Philip, (Kolvencho), 2nd organ vazoupi Allen (Salvador Mundo-cho, Rhythm guitar vazoupi Denise, (Mazodd�decho), Bass guitar vazoupi Socorro, (Ponnjecho) ddrom vazoupi Rodney, (Mungllurcho, punn Goeam, Bardezchea Nagoa-acho zanvoim). Prekttis somptoch, amchim ravnnim tharail�lim tea-tea ghoramnim amkam vhele. Mhojem ravnnem A. Veronica-chea ghorant tharailelem. Anik 3 disam uprant Prince Jacob, Komedian Humbert, Lawry Travaso, ani Peter-Roshan hanga pavtoch, timvui heach ghorant ravtalim.
Hea ghorant hanvem 14 dis sarle. Hea kalla pottim bab Veronica ani tachea putan Ashton-an, mhoji ji seva keli, ti tanchi hospitality hanv kednach visorchonam. Sokallim utt�tthoch �ratik nhid koxi poddli?� sanje kamacho ghora portolea uprant, �dis koso gelo?� he vichar tor Veronica-bab eka-i disa vicharunk visrunk nam. Ani itlench nhoi, te aplea kamar astana, don�parchea vellar fon korun, hanv kitem korta, koso asa, te vixim khobor ghevop hem tanchem sodanchem karia zaun gelelem. Xevttim Goeam thavn Prince Jacob, Komedian Humbert, Lawrie Travasso ani Peter-Roshan Kuveittant pavlim. Tevui te sanje vosreant prekttis chalu astana pavlele mhunnttoch, tankam-i bhailea-bhair vosreant vhele. Tankam polleun tea vellar thoim hajir asleleanchim kallzam dhadoslim. Komedian Humbert machier toso machie sokolui fokandder dekhun, bhitor sortanch tannem aplim fokannam suru korun, soglle-anchea tondd-antlean hanxeacho khollkholl bhair kaddlo.
Janeracho 14vo dis udelo. Dis Sukrar. Kuveittant suttiecho dis. Te sokallim Lawrie Pinto-chea fuddariponna khal, Youth Recreation Centre-achea �Rising Star Club� hannim ghoddun haddlolo Swoor moidanar xevottacho khell zavpacho aslo. Tea khellant Goencho AVC ani Kerollche �Kerala Challengers� pongodd khelltale. Jacob hea khellak Manacho Soiro hajir aslo. Kerollchea pongddan Goenchea pongddacher 2-0 golamnim zoit vhelem. Jacoban zoitivont pongddachea hatamnim ttrofi ghatli ani uprant Inglezintlean bhaxonn kelem. Modem-modem aplim sodanchim fokannam korun hajir asleleank hansoile. Harovlelea amchea Goenchea pongddak kopam bhettoupachem bhag mhaka favo zalem. Survatek bai Roshanan sogleank fulanche ture bhettoile. Oxe toren to sokallcho ades hurben sarlo.
Sanje amcho show aslo taka vosreantleo sumar sadde-paimxim boska bhorleleo.
Show suru zaunche adim, karbhareanchea kanar ek vaitt khobor poddli: Rhythm guitar vazoupi, bab Denisache gaddiek obsoeg zalo. Tachim sogllim ghorchim te gaddient aslim. Punn Devachea vizmitan tankam titlem vhoddlem vaitt zaunk pavunk naslem. Show suru zavpacho vell lagim pavot ailolo. Denisacho pot�toch nam to polleun karbhareanchim kallzam paka-puku zaunk laglim. Punn Denis koso-i korun vellar vosreant pavlo.
Hea show-ant bhag ghetloleamnim ap-aple tanki pormonnem gitam gailim, HANTURN POLLEUN PAIM SODD, hea Rosary Ferns-achea 3-anki nattkuleantlea kolakaramnim bori bhumika keli. Bai Querobin ani bai Roshan-acho kherit ul�lekh korunk favo. Lawrichim kantaram, Jacob-Humbert-ache comedy side-shows, Roshan-Peter-achim kantaram ani khas Kuveittkar kolakar, Rosary Ferns, bab Agnel, Sanny de Quepem, Marcus, Domnic, hannim ap-aplea kantaramnim ho show polleupeank hurbher dovorle. Punn poilech pavtt Kuveittant vochpi bai Veeama-an mat aplea kantaramnim polleupeank sarkech dipkaile. Show ekdom� boro zalo oxe kitlech dis porian lok uloitalo tem aikonk ietalem.
Show-achea modlea vellar mhojea hatant fulancho turo diun mhozo bhovman kelo. KHK sonsthecho odheokx bab Fidelis-achea hatantlean Kuwait Liberation Tower-chea rupkarachi ek sundor tosrip mhaka bhettoili. Tanche abhar mandtana, Kuveittantle Goenkar bhav-bhoinni Goeant ghoddpi koslea-i borea kama khatir aplo adhar diunk sodanch poilim, oxea utramnim hanvem tanchi toknnai keli. Mhoji upkarachi bhett koxi, tankam bhettounk Goeam thavn hanvem ek ghumott vhelelem. Punn durdoivan tem poilench futton tacho churo zalo. Hanvem Alto Sax ani Soprano Sax vhelele. Hea donui vazontorancher hanvem Goenchem kaim songit vazoun dakhoilem.
Bai Marian ani bab Rosary Ferns hannim kherit ani venchik utramnim show-achem sutrsonchalon kelem.
Kuveittantlo bhair sorchea adlea disa, bab A.Veronica-chea ghorant mhozo anik ek pavtt sotkar kelo. Hea vellar KHK-chea mukhel vangddeam xivai, �Kuwait Konknni Kendr�-acho Odheokx bab Elvino Rodrigues, Chittnnis bab Luis Cardozo, bhanddari bab Mario Rebelo, Navelim Youth Centre-acho bab Norman, bai Querobin ani dusre nanvoste Goenkar aplea kuttumba sangata hajir asle. Zaiteach moladik denneamnim ani bhettamnim tannim mhaka bhorlo. Bab A. Veronican venchik utramnim hea suvalleachem sutrsonchalon kelem ani xevttak bab Rosary Ferns-an abhar mandle.
Dusrea disa bab Luis Cardozan apli khas gaddi gheun, bab Rosary ani bab A. Veronicak sangata ghevn mhaka vimantollar pavoilo ani hanv vimanant choddum porian ravle. Ani xevttim, sogllea Kuveittkar bhavam-bhoinnamnim mhoje thaim dakhoilelea mogachem ani moipasachem chitr ghott mhojea kallzache gantthik marun, dusrea disa hanv Dabole vimantollar utorlom.
_________________________________________________________________
Don't just search. Find. Check out the new MSN Search! http://search.msn.click-url.com/go/onm00200636ave/direct/01/
