Legal Notice To .. Aiche ratri tum ievnchem nam mhunn konnamchean katri divnk zata? Bizlea Khateak bhorem magtam. Aizui, sodham porim bizlen sutti ghetlea. Bhailean pavsachi xirxiri zhoddta. Pois mollbar zhoglavnneancho uzvadd dista. Thambun, thambun goddgoddeacho avaz ieta. Pavsachea thondd vareak lagun zonel ugttem dovorlam. Mhonnttoch, tuka bhitor sorunk tras poddchenant.
Mhoje jivitachi vatt mokli uronk hanvem khup toreche upai ghetlele, punn te soglle omtea kollxear udok zale. Tum mhojea tornnea jinnen bhitor sorlelem tem aiz meren toxench chitkon vik zaun boslam. Kitlo kal mhonn mhaka sottaun mhojo ros piet astelem? Mhojea goleak tum poddlam mhonn hanv konnankuch xinno nam, punn tuka zolman haddteleak mat xinntam. Mhojea rogtacher jievpa sarkeli rochnna devan kiteakuch rochli kai? Tuje familin kitlea zannacho fuddar vibadla ti ekteach devak khobor. Kaideachim daram hanvem kottkottailim. Lagu zatelea sorkari odhikareank tujea voir kagal (complaint) dilim, punn mhojo avaz oronantlo sad zala. Atam, kaido mhojea hatant gheun, khoimchea-i vellar tujo khunn korunk fuddem sorlam. Dekhunnuch hi legal notice boroun dovortam. Aiche ratrik mhojean zagron korunk zavnchi nam.. Kazu fenniche panch peg pottan jiroileat. Pavsachea thondd varean mhaka rokddich nhid ietli. Hanv subeij piela ti sondi ghevn mhoje ugtte kuddir tum zai toren nachtelem. Tuvem dilelea chumbamchi nixanni sokallim zag zatoch govai diteli. Aichea ratik mhaka tujem poddun gele nam. Tuka zai tem kor. Punn ek xiddkavnni ditam. Sodham porim mhojo sonvsar dampunk nam. Ugtto soddla. Somzota thoimsor mat pavchem nam mhonn. Borem tor, hanv nidhunk vetam. Nidhchea adim tujem nanv mhojea ixttank kolit kortam. Ghoddie tuje noste piddent hanv sompun ghelom zalear tannim mhojo legal notice fuddem vorcho. Oh no..!! Kolvontacho ugddas kortam thoinch asam. Aili pidda!!! KIMOS (zollar) Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com
