Eat more vegetables to stay healthy Bazarak vetana Lapitachi bail bosin ghelli. Ghora portotana mevnim Lalita-che scooter-in aili.
Aicho bazaar barroboruch korcho mhonn dogaim manamchi ievzonn asli mista, ghorant bhitor sortata Lapitan mevnenk vicharlem, Na re my brother-in-law, Lapitachea polleak beij divn tem fuddem uloilem, mhojo bazaar sompoun ghora ievnk bhair sorlelim tedna tuji bail bosichi vatt polloit asli. Tika hanvem mhojea scooter-icher lift dili. Tuje upkar. Bosin aillem zalear apun khup tokhlam mhonn kagal (complaint) korchelem manam tem tugelem . Chear annachea bazarak bara anneache nokre tagele Hem aikun Lapitachi bail chavoli ani bazarantle tras ghovachea samkara ugtte korun mhonnlem Bazarant keddnaim tori tuvem paim ghala re? Bazarachi survat ekea zagear savn dusrea vathorar heo voznadik theleo ghevn pavtta mhollear jiv somptta. Tujea manachem aikolam nhoi? Ekdom tokhlam tem. Atam poi tache nokre. Bazaracheo theleo mhojea paim morean marleat ani kule orxe korun sofar addvem poddlam. Tannem sangchea adim tujea thaim vichartam. Thondd pievnk haddchem vo gorom coffee korunk udok chulir dovorchem? Hanvenuch freezint vhochun tan bhagoilear bori, Kuznantlea dixen vetana Lalitan mhonnlem. Bazarant kosli masli asli? Lapitan, bailek vichar kelo Pamplitam. Xembor rupian joddi. Marog mhonn ghettlim nant Mas koslem ghettlam. Pork, beef, mutton? Masui ghettlem nam Donui theleanim, kitem bhorun haddlam tor? Tazi torkari. Toklen pisoulam kitem? Aiz Sonvar . Kalchea Navhind Times disalear nodor marunk visorla astolo tum. Paperar ietleo bhatmeo mhojem pott bori nant. Bholaiki koxe toren samballchi tem vachpeank xikoita. Itli khas bholaikechi bhatmi? Kosli tor ti? Bhitorlea panar vachunk melltta. Eat more vegetables to stay healthy. Apollo Victor hospitalantle mhuki therapeutic endoscopist, Dr. Jose Filipe Alvares-an, Goemkaranim odik torkari khavnchi ani zata titlem zonovoramchem mas kavpachem unnem korchem mhonn sollo (advised) dila. Goemkaranim soro chodd promann savop (consumption) korop odik Kristi somudae modem vosta, ani diverticular rog zaun amtkodek burak poddtta mhonn, dotor baban husko porgotaila. Anink kitem sangpachem urlam? Bholaikeche voir subeij uloitele bailek, Lapitaan vicharlem. Halinch zalelea International Journal of Cardiology-chea obheasa pormonnem, Bharotant kallzachea atakan morpi choddan chodd ankddo Goenkaramcho asa khoim. Dekhunuch aiz thavn ghorant zonnovoramchim masam aschi nant. Fokot torkari ani masli. Torkari mhonnchem tuka ek vik mhonn, mhaka bhes bori khobor asa. Punn kitem korum? Ghov tum mhogelo. Vaitt-borem hanvemnuch bhogchem poddtelem, bholaikecho husko dakhoun Lapitachea bailen mhonnlem ani thoim lagsar asleleo theleo ghevn kuznant geli. Mhaka naka torkari. Tujea sangatak soptahaesh. (weekend) sarlelo zai tor tuvem kitem tori korchem poddtelem, na tor hanv .. Kitem kortolo? Hotelantlem khanna katlo nhoi? Kitlo temp khatlo? Iad na tuka? Fattlea atthvodeant Dr. Bicaji Ganecar amkam gavlolo tedna, tuji bhair sorleli dolli pollevn tannem tuka chorbichem mas, telan-tupan tollilleo vostu khavpak xiddkaillolo to? Mhojea bhair sorillea pottar vota tem bed-ir tras zatat distat tuka. Hanv ghombir uloitam. Tujem pochpochit ulovnnem naka mhaka. Lapit-achea bailen bazarant thavn haddillo vostu kuznantlea mezar pathlaileo. Vividh torechi bhaji-pallo pollevn Lapitachi tokler dhanddo marlea vorim zalem. Ekach vangdda itli sogot torkari? Jevonn-khann puxttix (nutritive) ghevnchem. Bhaji-palo khub khauncho. Hatunt satvam (vitamins) borem asta, ani nhoi zonovaramchea masanim. Hi poi tambddi-dhovi bhaji. Hatunt vitamin A ani B zalear kobi, ful kobi, mullo, beatroot, gajar, shengo, chiddki hatunt Complex C, D, E, K him mhotvachim astat. He polle taje nab . He vathkule nab 32 size koxe distat. Nab-achi akhar (shape) pollevn Lapit-an aplench sanglem Tum khoimchea sijichi gozal korta ti zanam hanv. Amchea fuddeant tuji mevnnim bosleli asa, na tor sangtelim aslim kitem tem. Kan divn aik. Vaingim, dudhi, kaakadi, gosaleanim sodium, calcium, iodine, magnesium, potassium hea torkaren chodd proman mellta ani purai kuddiche sandeachem toxench mendvachem kam bore toren zata. Aiz savn masachim nanvam tujea tonddan ghe naka Hi tuji kuznantli hukumxai mhojer thapum naka. Ago manam, phosphorus, iron osli ghottsan vo takott mettele bhende kiteak ghettle nant? Bhendde disti poddunk naslelean dhaktte bhoinin vhoddle bhoinink vichar kelo. Kiteak vikott ghevop? Tuje bhoinnink borem vitamins asa tem ghorchea bhenddeantlean mellta nhoi? Lapit-an mevnechi loz-bida dovorinastam mhonnlem. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com
