Dog bhavanchea koxttancho A.P. ROJOLS CENTRE - Raia-Goa Aiz bhav-bhavanche sombondh tunttleat.Tigun urpak kotthinn. Konn konnachench tondd polleunk sodina. Rag-tiddok haddpi, huske-khonti divpi dusmankai ghevn bhonvtat. Thoddea bhavanchem natem rogta poros datt ani khoddpam porosui mozbut. Ekamekak samballpi. Eklo dusreak hat divn voir kaddpi. Sukh- dukh vanttun khoxalkaien jieupi.
Luis ani Joaquim Quadros. Dog bhav. Raiche. Rafael Quadros ani Amaldina P. Pereira-che put. Hea dogui bhavanchi eklich Esperanca nanvachi bhoinn.Rosario Vaz-a thaim kazar zalea. Luis ani Joaquim, hea dogui bhavanchea monant ek lamb- rund ievzonn asli. Vegllich ievzonn. Purvozancho aslolo zago vosounk zai. Dogui bhavank dislem. Ho tancho zago Santemoll chear roste zaleat thoimsorlea rosteache kuxik aslo.Thoim kitem tori ubarchem. Koslo-i dhondo korpak boreak poddta toslo zago. Dogui bhav eka monan chintit ravle. Bhasabhas korit ravle. Hanga chear rosteam kodden chaiechim, soreachim dukonam asat. Posre-i asat. Anikui lhanache lhan choltele dhonde-i asat. Oslem kaim naka. Mhonntoch, konnem ubarunk na, toslem ubarpachem. Ani dhondo fulovpacho. Luis ani Joaquimchea monant gollonk laglem. Xekim dogui bhavanchem ek mot zalem. Family Restaurant ghalpak. Familimnim ektthaim ievn hanga visov ghevcho.Goenkaranche soglle toreche jevnnache prat. Bhov korun doriantle nusteache prat. Ani thondd-gorom pivonn diunchem. Dhondo ubo korpak hoch tankam boro upai dislo. Tannim nirnnoi ghetlo. Hea nirnnoiacher te thamble. He toren dogui bhavamnim Luis ani Joaquim-n ekvottan vavrun A. P. Rojols Centre ugoddlo.Family Restaurant. Sobit- nazuk dista oso. Fuddlean bori meklli svat dovrun. Dhondo chalik lailo. Goa Shipyard -ant elekttrixian mhonn kam korpi Luisan A.P.Rojols Centre-acho karbhar aplea hatant ghetla.Ratchi kallokhi rat foddit. Rokddich dusre sokallim, vell ogddainastana uttttha. Soddeak Joaquim Gulf-ant operator mhunn kam korta. Gulfant ravun dhondeachi vaspus korta. A. P. Rojols Centre-ant soglle mellun dha zann kam kortat mhonn Luis sangta. 12 Abril 1959 vorsa Luis-acho zolm zalo. Joaquim-cho zolm 31 Otubr, 1967 vorsa zolma ailo. Dogaimnim dhavi kelea. ITI kelea. Luisan elekttrixian mhonn. Joaquim-n plumbering kelam. Dogui toklen bhouch huxar. Business minded. Menotin ani zotnaien kam korpi. Osle aichea somazan eka monache ek motan dhondo ubartele bhav zai. Adim asle. Atam mellpak kotthin. WWW.V-IXTT.COM __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com
