Ho Khell Kenna Somptolo ? Jedna mhojem Maha Bharot krikett khellta tedna akkhea dhesachi porza Bharot dhes jiklear puro mhunn prathonam korta. Bharotchi loksonkhea hea krikett khellak odhik mhotv dita zalear amche krikett khellkoddi mat dhesa pasot nhoi, punn duddvam khatir khelltat kai distat.
Ani hem gelea sumanant disun ailam. Bharotacho krikett pongoddak, Videocon Kop-achea finalint New Zealand-a koddlean lojechi har kavnchi poddli tedna. Orxim mhaka krikettichem subeij somzonam tori astanam mhojo dhes krikett khellant jikche mhonn opekxa asta. Tea disa Bharotan poilem batting korunk survat keleli tedna, thoddeach overs-an khupxeo dhanvddeo kaddleo tea vellar oxem distalem Bharot khoreaninch jiktelem kai mhonn. Zori kriketti vixim mhaka thoddem somzota tori astana khellacho nikal koso lagtta to vicharunk hanv mhojea krikettichem pixem aslelea ixttank fone korun vicharttam Bharot ani New Zealand Videocon Kop-achem final khelltalem teach disa, mhonnchem Setembrachea 6ver Kuwait-chea Arab Times disalear Whats on in Kuwait hea kollomar, pan 23, ek bhouxik kollovnni (No Jose Rods Show) jahir zaleli ti, sokallich hanvem vachleli. Adlea disa, teach disalear, Setembrachea 8ver (voros divnk nam) UK, Canada, Germany ghazlolo Goencho Avaz Jose Rods Konkani Drama - astolo mhonn jahir kellem. Okosmat show na mhonn kollovnni vachun mhojem mon guspolem. Khori ghoxtt vicharunk hanvem mhojea eka ixttak mobilar fone kelo. Kosle vellar tuvem fone kelo re? Ponvotti khoimchi? Tannem mhaka soroll mhonnlem. Auchituch tachea tonddantlean him utram aikun hanv tothaklom. Boroch vell ogoch urlom. Kitem uloita tum? Hem tujea sobavak sobona, hanvem mhonnlem Tuvem fone korcho ani teach ghoddiek Dravidak zero vikett poddchi, motto hanso kaddun tannem mhonnlem. Mhonntoch offisant, internet-ar kriketticho live score polleta tor tum. Kam nam? Ragar zavchi. Moskorean mhonnttlam tuka. Sang kiteak fone kello? Aicho Arab Times vachla? Na. Jose Rodacho Goencho Avaz .. Niklausak kolloi amkam char tiketti dovorpak .Lunch break asa tedna fone kortam Hanv kitem sangunk soddtam tem aikonastanam tannem modench mhonnlem ani fone bond kelo. Krikettichem kitlem meren thoddeank somzota tem hanv sangunk xekonam. Punn thodde monis oslim ulovpam kortat khoreanich tanchem jivit krikett khellan kosmelam kai dista, punn sarlelea jivitan keddnach krikettichem bat hatant dorlelem ek nam tem nam ani krikett ball-achem vozonn 156 grms tem 163 grms. asunk zai mhonn tankam khobor pasun nam. Mhojea monant vichar gustat tednam mhaka konnem tori zap divchi ani mhojem mon tondd korchem dista. Jose Rod-cho Show Setembrache 8ver astolo mhonn Arab Times kovllovnni panar kaim dis meren to (Jose Rod, Julhaiche 6ver tem Agostache 18-ra meren) Europe Tour-ak gello astana vachunk melltali. Konnem ti paper-ar ghatleli kai? Mhoje ixtt Xaviera-chea govetant kitem tori sambaullelem astelem oxem chintun tachea mobilar fone kelo. Mhojo fone ailear soddanch poilo Nomoskar mhonnpi Xavier-an tuka hoch time aslo re? Dravid-ak vikett poddleli tedna tuvem Camilok fone kello ani atam kitem kai mhollear J.P.Yadav-ak vikett poddtanch, mhaka fone? Aiz ponvotti gheun asa mure tum? Vichnni somitti (selection committee) eka disachea krikett khell khellumcho onnbhov naslele nalaiak (unfit) khellkoddeank vichttat ani khell jikpacho bhorvonso asta to sapuch ibadttat, ani uprant Xavier-a sarkele krikett pixe konnacherui thapttat. Mhonnttoch, tuka Camillan fone kello tor? Hanvem vicharlem. Taka kobor nasli Jose-cho Arab Times paper-ar anus ietalo to bonavott monxeanim toear kelolo mhunn. Camillo, tujea thaim uloilea uprant tannem mhaka fone kelo ani hanvem sot aslem titlench taka sanglam. Hea toren lokachea monan ghondoll kortoleank kosli khuxealkai mellta kai? Saddeaponnan taka mhonnlem, Tem sangunk hanv xekona, punn dusreachem vaitt chinteleak/chinteleank vaittuch melltta mhonn tea monxeanim visrunk favonam. Hanvem aikolam, kollovnni konnem ghatleli ti chovkoxi korunk bab Jose Arab Times sompaddpeachea kocherint pavlolo mhonn. Fuddarak Goenkar somudaek (Goans Community) funkott anus bond zait mhunn bhirant asa. Mhaka ek paddeli sonvoim asa. Je meren mhojea pronsnank dadhos zabab mellonam te meren hanv ogo bosonam. Ponn teduscho dis mhojea vatten naslo. Jea vellar hanv fone kortam teach vellar viketti poddlear hanv ponvotti zatam? Ho chukicho somoz korun kiteak ghevop? Hem mhojea monant ghoddoutanam mhoji budh (mon) thoddea vellak khoim tori zabab soddunk xennli. Voili gozal, mhonnchem Kuwait-chea disaleancher bonavott tiatramche anus porgott khorchelem hem poilem khepek nhoi. Hea adim khub tiatr digdorspeache nanvan fottkirio kollovnni kallzan kuslelea monxeanim porgott keleat. Kuwait-an, Goenkaramche dusre klub ani sonstha asat. Natalank/Paskamchea somoiear dans ani dusreo karriavolli dovortat. Goa day monoitat. May Queen vichun kaddttat. Khella mollar ani dusrea kormonnunk karriavollimche anus Kuwaitchea disaleancher porgott zatat te sarke thirtat vo astat. Punn fokot, tiatrist somazant eka-mekacher vikh vokun internet-ar kobro visraitat ani paperacher fottkire anus kortat tem vachun bhouch mansugechea Goeankarachem mhattem korzunk laglam ani mon vittelam mhunn dukhin sangtana ek vichar korcho poddtta. Ho khell kenna somptolo? Hangasor hanv sogtteank Judas-achea tagdden ghalinam, punn thoddeank lagon sogtteamchem nanv piddear zata tacho husko dakhoitam. Niallachea somdirant guspololo astanna donparcho vell sorun sanj aili. Khellacho nikall kitem tharla tem vicharunk ixtt Inas-ak fone ghunvoilo. Tache bailen fone utthailo. Tancho so vorsancho por roddtalo tem fonavelean aikunk ietalem. Hi Gillu. Baba kiteak roddta? hanvem vicharlem. Donparam jevnnank khup tras kortam mhonn hanvem don-tin tacher chodoilim. Krikett khell cholltanam TV modekat apli karandai kortalo mhonn Inas-an tachem bonk thaptaile. Hanvuim martam ani Papa-i marta mhonn Indie-chea krikett ttimi sangatak ravunk vhetam mhonn atam mhojea lagim jith korta. Atamchim sogllim bhurgim, India-che krikett ttimi sangatak ravunk kiteak soddtat? Kiteak, Indie-chi krikett ttim konnank marinam khoim. Final konn jiklo? Vicharpachi goroz poddli nam. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com
