SORO ANI BEBDHE. Hea vixaiea vhoir haum Inglezin bhorounk sodhi, pun halinch maka ghomon ailam kim Goem baile (Non Goans) amchea Goan Forums-am veleo bhatmeo subez vachtat mhunon, anik murgoton amkam goemkar-ank hanstat, kiteak ami amchoch respedh manh varear uboitatum dekun, teach khatir hanvem chintlam jem kitem boroun- chem assa tem amche khass Konkani bhaxen borounk karan maka naka hem mhojem tutem-futem boroup vachun porko lok amkam hanslolo.
Ixttando, aiz passun konnuch fudem soronk-nam TIATRO & SORO hea vixaiea vhoir ek tori utor borounk. Pun kall hanvem nettar vachlam tantun charcha zalea pun nhuim tiatrist-anchi, kaim nezo, tiatrist nedentle zagoutoch kon tori fudem sortolo, aiz haum jem kitem boroitam tem konnech apleak laun gheunchem nhuim, kiteak haum konna-kuch botam dakoina, hea amchea somaza vhoir thodem bhou sangonk sodtam, chod korun jeo chuki ami adartaum, zaum eta chintun vho chinti-nastanam. Amkam sogleank khobor assa kim soro mhuntat tho rochlear xenkdea-nim vorsam zalim, tech porim amchea povitr pustoka pormonem amkam gomon eta kim Jezu Christ-achi poili milagre (Miracle) passun zaun asli soreachi, pun torui thode sozmotat kim tho soro vikh khoxem. Vhoi tem ek vikh, pun ek velar tench vikh thodeank vokodh koxem zaum asta, Inglezin mhuntat Poison Kills Poison, zaum eta ami vhod zaun amche xabude bhair (Out of Senses) podleat. Ugdass korun poi, ami lhan astanam amchi xamaim amkam thondi (Cold) zalear ek khuler (spoon) bhor kazum-chi fenni (Cashew Fenni) ditali, ji gheun amchi thondi natak zatali. Haum zanna tum kitem sangonk sodtai tho, teo adleo khobro dhovor tujeo. Anik ek ami visortaum, soro pietat titlei bebdhe nhuim, bebdho taka mhuntat zho pivon rostea sidik or follien (gutter) podta poi taka, pun ek mhunis kitloi soro pielo zalear aplem ghor visronam, toxench eka bebdheak lagon soglea Tiatrist-ank bebdhe mhunop sarkem nhuim, ek mhunni assa amchea purvoz- anchi Eka patkeak lagon khuim tarum budlelem, Hauvuim ek tiatrist pun chod lhan kuliecho, hanvem azun zaitem pounchem urlam. Bebdho taka mhuno eta zho tujea khustar buch bhor pieta, nhuim zho aplea khoxtanchem pieta, ek bhurgho zolman etanch bebdho assonam, pun tachea jivitan kosli tori vaitt ghodni taka ek bebdho korun sodta, hem ami chintinaum. Assat zaite tiatrist je soro piena, tankam koslo title diupacho? Maka 6 vorsam zalim haum Goanet hache velem boroup vachtam, anik atam passun sumar 20 pautt tori TIATRO & SORO hache poile 2 vers vachleat, they are repeat shows. Aiz somplele Bab Lucasinho ani Bab Joao Agostinho jive asle tor chod khoxi zate asle, anik mhuntele asle Amkam adim titlo lokh volkonaslo, pun aiz amkam hea Internet-an famad kele, teach porim Bab Joao Agostinho vhodik khoxi zatolo aslo kiteak tachem ek utor ROSTAD hea kallar choduch porgottat mhunon. Kiteak amkam dusrea-chim utram porgottunk zai? Jhim zaun assat dusreank okmana-chim, ek velar tinch utram amchea kortubank sorr zaum eta, tednam konank xinpachem? Dusrea sobhdanim bebdho takai mhuno eta zho fokot Beer pieta, mhoje pautin haum adim soro pietalom, atam fokot Beer pietam, tor hanvuim ek bebdho zalo, oxench nhuim? Ek mhunis jivitan kednach soro pionk-nam, pun auchitt taka Kidney-chi pida zata, anik dotor taka dissak 2 Beer pivonk formaita, tor haka koslo bebdho mhunpacho? Ixttando, sogleam-che chulli fatlean gobor astach, zaite pautt amchea angnan kochro astanam ami dusreachea angnan zadhu marunk bountaum, hi chukichi gozal nhuim? Kedna passun ami Goemkar oxech Goemkar-ank patang koxe varear uboitele? Kedna tori ami xanti-en jionk xinktele? Ixttando, chukh hi sogleam thaim godta, pun amkam itlem bolh-nam kim amchean thi chukh bhogsunk zai sarki, osleach chukink lagon kitle vhod Raza (Kings) apli rajdhani zuzan harle nam zait, aiz tanchim nauvam fokot ithias-an (History book) bhoroun urleant, sounsar amkam Goemkar-ank Sonsnikai-eche Dhive mhunon pachartat, ami oxech vagoth raule zalear amkam novo title favo zatolo, mhunon, Goemkar Ujeache Ghulle (Balls of fire). Sogot ekvotan anik sosnikaien jionk vauroea. Somestank mhozo nomoskar. Tumcho khalto, Sanny Vaz Kuwait. Sanny De Quepem.
