--------------------------------------------------------------------------
| Add your name to the CLEAN GOA INITIATIVE |
| |
| by visiting this link and following the instructions therein |
| |
| http://shire.symonds.net/pipermail/goanet/2005-October/033926.html |
--------------------------------------------------------------------------
KHUIM MEVOTH MHOJEM BHURGUEPONN?..... Adlean Chalu.... (Bhag VI)
NOTE: This topic is based on the Ward Community union activities then and
now, and how they used to work out things for the welfare of the community,
also the harsh punishment which was rarely implemented on individuals for
wrong doings, which would effect their children and families, how they used
to solve disputes among neighbours, and finally a moral not do disrupt
unity.
Vadeantli Confre (Ward Community Union)
Amchea Goem atanch nhuim pun adim passun dhor gaum-chea vadea vadeanim ek
confre mhunon asli anik azunuim assa, jeo amchea purvoz-anim ghodun
hadleleo, hie confri-chi dhor eka gaum-chea mhunxeak goroz asta, zaum tum
nento vho zanto, lhan bhurguem zolmotoch, taka baltim dhiun zalea uprant hie
gaumche confrin tachem naum registar korun taka ek membre kortat, anik tho
moro sor tie confri-cho membre asta, zaite pautt kaim karan-ank lagon
(Specially for bad deeds) konnuim mhunxeak hie confrintlo bhair udoitat
tachea vaitt kortub-ank lagon, pun tea adim gaum-cho lok zomath (meeting)
gheun taka sobe-mazar xidkaunim ditat tachem kortub sudraunk, anik jednam
tho apleak zai toxem korta tednam taka gaum-chea ekvott-antlo bhair udoitat,
bhair udoitoch tachea ghoran kosleim fugsaum (function) passun aslear
gaum-cho konnuch tachea dharar vochonam, hi sojea (punishment) tanchea
bhurgueam-kui bhogchi podta, amchea adleam-chi ek mhunni assa Eve-n kelem
pap anik sonsoth dita zap tim bhurguim kitlem unneponn bhoghinam zait aplea
vangdeam sangata?
Hie confrin konnuim gaum-cho melo (dead) mhuntoch korlam mhunon bhortat,
dhor membran omkech poixe bhorche podtat, hie poixe jie ektaitat tie konnuim
gaum-an melo mhuntoch tache familik omkech poixe bokxis (Prize) khoxe ditat,
jie zaite pautt eka gorib-ak tachea interak (funeral ceremony) gorjek
podtale anik azunuim podtat. Tech porim hie confri-chi ek vinchun (selected)
kadleli comity asta, zantun ek President, Cashier, Clerk adi
astat je hie
gaum-che confri-cho karbar poitat, zaite pautt konam-cheim kestaum (dispute)
aslear tachem sobe-mazar rezaum (judgment) kortat, anik tem kestaum thuinch
paloun vortat, osleo confri amchea goem-ch nhuim pun Indie-chea dhor eka
ghanvan assa. Tantlea eka gaum-chi khori ghodleli ghodni tumkam sangon
ditam.
Mullgaum mhuntat tea gaum-an ek novoch mhunis ravonk ailo, anik tho aple
famili sangata thuim ravonk laglo, tacho lhan karbar aslo anik borea zoran
choltalo, tho thuim ravonk laglear khub kall zalo, gaum-cho dhor ek mhunis
taka volkotalo, tho gaumchea soglea kariavolinim dusream sangata bhag
ghetalo, tache xim konnuim ghorjevont pavon sorlo zalear tachi modhot-ui
kortalo, dusrea dondekar-ank zaite pautt tho ghorjek pavtalo, gaum-che lhan
thoxe vhod taka respedh ditale, gaum-an sogleam thaim tho khalti-kaien
choltalo, tuzo sobau boro zait tor tuka ixtt kednach unem asche-nam, oslea
mhunxea-cho konnuim dusman assa mhunon chintunk passun augodh, oxem tuka
dissonam?
Toslich goth zali hea porachi, ek diss tachea ixtt-ani taka sanglem tum
amchea guam-che confrin membre zau mhunon, tho rajhi zalo chintun apleak
gaum-cho odhikar/dhiret favo zatolo dekun, gaum-an jia dissa confri-chi
zomath bhorli tea dissa tachea ixtt-ani gaum-chea vhodil-ank hi khobor
gomoili, gaum-che sogot chod khoxi zale hi khobor aikon, pun dusre dhondekar
je asle tanim sanglem tho amche confrin naka mhunon, anik naka zalelim false
karan-am dhilim, Confri-chea Mukadam-ank (Vhodil) khub khoxi asli taka
membre korunk, anik tanem zaiti sozmone-chi bhass-a-bass keli, pun soglem
omtea kolxear udok zalem, kiteak tea gaum-chea mukhi (main) dhondekar-an
tacher aplo virodh mandlo. Tachea dusrea sangati dhondekar-ank hem khub
vaitt dislem, tantun dakte dakte gadekar tacher chod zoltale anik mhuntale
kim tho kall poir dhondo korun amchea fuddem pavlo. Bhikareak khuim nosai
bhikarea-chi, osli goth zalea hea gadekar-anchi.
Kosloi dhondo kortolo zalear duddu chod ghorjeche nhuim, pun ginean chod
ghorjechem, kolea-chi bhud vaprun mukhi dhondekar-an tea gadekar-ank aplea
tabean damun dhorleat, takach lagon te tachea kumpassar nachtat, pun kitlo
kall passun he gadekar puppets khoxe nachtele? Tem sogleank distelem.
Heo confri Bombay amchea gaum-chea kudani (Club) passun assat, adim anik
ataim konnuim gaum-cho bhurgho noukrek lagon Bombay vetat tednam poile hea
gaum-chea kudan membre zatat, kudan membre zata tednam tuka ek fiador
(guarantor) mhunon assonk zai, membre zaum-chea adim tunvem kudache sogle
kaide zano zaunk zai anik te palumkui zai, kudache kaide palinam zalear tuka
bell marun dha zana mukar ubo kortat, anik tuje chuki pormonem tuka formon
(punishment) asta, hech kaide amchea gaumchea confri-ni astat. Ami atam
passun Bombay vetat tednam sothen kudan vetat, zoxe ami amchea ghoran bitor
sortaum. Amchea purvoz-ank ami borem magom-ea tanim amkam itlem borem korun
dovorlam dekun, aiz Bombay xharan goem-chea dhor eka gaum-cho kudd assa, te
kudd assat fokot amchea zanar purvoz-ani ghodlele mhunon gaum-chem borem
chintun.
Amchea purvoz-ani heo confri ghodun hadleleo gaum-chea borea passot, pun
zaitea-nim hea confri-nim zati-katim-cho bhed bau korun gaum-che vante kele,
sezareank dusman korun sodle, pun xekim hie vaitt mhunis melea uprant poroth
tea gaum-cho ekvott zaunk paulo kiteak sogleank gomon ailem vikalo sorop kon
poi tho. Sogleam thaim mhojem ekuch magnem gaum-cho ekvott kednach thodun
diumnakat, kiteak tujea vaitt boreak tuka poilo pauta tho zaun assa tuzo
sezari, tum melea uprant tujim soirim hevun fokot dukam goloitat, tum duvent
asta tednam tujea akantak dhor ek gaum-cho mhunis tuka pauta, tor vho
veglozar kiteak? Ixttamdo urlelem fudle pautt poloum-chem heach zagear.
Somestank mhozo maie mogacho nomoskar.
Sanny Vaz Kuwait.
Sanny De Quepem.
_________________________________________________________________
Express yourself instantly with MSN Messenger! Download today it's FREE!
http://messenger.msn.click-url.com/go/onm00200471ave/direct/01/
--------------------------------------------------------------------------
| 1st Young Goans International Essay contest 2005 |
| |
| Theme: WHAT CAN I DO FOR GOA |
| More details at |
| http://shire.symonds.net/pipermail/goanet/2005-October/034190.html |
--------------------------------------------------------------------------
