-------------------------------------------------------------------------- | Add your name to the CLEAN GOA INITIATIVE | | | | by visiting this link and following the instructions therein | | | | http://shire.symonds.net/pipermail/goanet/2005-October/033926.html | -------------------------------------------------------------------------- Milky (Mickky) Way...
Krixi montri, (Minister for Agriculture and Animal Husbandry) Francis Xavier alias Mickky Pacheco haka xabaski dilea viret ravunk zaina. Goa Diary dudhachem utponn (production) korta tantunt kitem tori misoll (adulterate) korcheli bhangodd tachea kanar poddona fuddem Food and Drugs Administration hanchea adharan Goa Diary-cher dhadd ghatli. Ani khorench Goa Diary-chea dudhan bhorsovnni zata vo na hea purave melllleat vo mellunk nant hi gozal vegli asa punn jontek (public) mat Mickky baban zagrut keli. Montri Mickky sarkelea dusrea Montreanim aplea poddachi favo te porim zotnai ghetleli zalear aiz amchea sobit Goeant eksarko boro kharbar chollta aslo. Bizle Montren bizlecher illexem lokx dilelem zalear, ailelea disa bizli apa-lipa khellchi nasli. Nollantlem udok zhori bhaxen vhanvtelem aslem zedna lagu zatelea Montrean kosmelilim pipam ani bogor-bogor moddun poddtele (breakdown) udkache pomp durust kellle zalear. Vahutuk (transports) Motrean Goenchea rosteacher obseagancho vhadd kiteak lagun zata tacher illoso niall kelolo tor rosteavelim mornnam thoddim zait aslim. Porioton (tourism) Montrean ek zagrutichi pasoi doria kinarevelean marleli zalear eka khallak bhangara sarkelea xant Goeant ugtto lingi bhog (sex) ascho naslo ani Goenkar AIDS piddek bolli poddche nasle. Ani her dusrim Khatim ghevn sochivaloient sust boslelea alxi Montreanim margar ievn ani goir-kharbhar chollta thoim okosmat dhadd ghalun broxttachar korteleank kast lanvchea svater amche Montri broxtarachi (corruption) kodeli ghevn bosleat. Goemchem Raj luttvaleanchea hatanim asa zalear Goenchi udorgot zateli koxi? Voili gozal AK vachpeanche nodrek haddpache kharan mhollear, mhojea mamagelea cholien poilea babuleak zolman haddillo. Tika ani tichea novea balkak bhett divnk gelle kodden Goa-Diary-che vichar aile tedna mhaka ulounk sonddh gavli. Dusre vatten lhan porank avoichea dudhachem mhotv ani kitle meren avoichem dudh bhurgeak pochta ani onn (nutrition) favta tem, mhoje sundoren aplo onnbhov mamache choliek sanglo. Goa Diary-chem dudh unchi chorbe (high fat) vinnem bazarant vikttat. Khazgi dudhache malok hydrogen peroxide osle torechem rosaimnik (chemicals) ani caustic soda dudhan misoll ugtteponnim korun dudhacho chodd kall (long life) vhoddoitat. Dudhan misoll kelllem zentamycin atkoddek vaitt korta ani khaxalponnin (particularly) lhan poram ani vhaddtelea bhurgeanchea jivacher marekar kankr piddecho porinam zaunk xoktta. Mamachi choli aplea lhan porachea thoddant dudhache xislent (feeding bottle) dudh boroitali tem pollevn hanvem tika bazarantlea dudhacho vaitt porinam sanglo. Ani hem tika sangtana tigelo ghov rumant bhitor sorlo. Taka parabens dilim ani hanvem mhonnlem Tuje bailek sanglam babuleak zata tilem tichem dudh divnk, ani .. Dudh aslear mure? Mhojem sompchea adim mamagele cholien hansunuch zap ghali. Hanv somzunk na, hanvem mhonnlem. Tum bore bhaxen zannaim, amgeleak dudha viret chav vo kofi ruchona. Goa Diary-chi bhangodd zaleleak ghorant dudh haddchelem bond kelam. Punn tachea lagim dudha viret zaina. Atam fokot fresh dudh pieta to ani tenvuim bi .. Borem tor amkam vell zata ami vhetat, tichem sompchea adinch hanvem mhonnlem ani mhoje sundorechea hatak dorun rumantlo bhair sorlom. Vatter, motorin boslele kodden sundoren mhaka vichar kele. Tuvem modench zap ghalun tika ulovpachem bond kiteak kelem? Konnui bail monxan lingi sombondi (sexual characteristics) uloilem tor mhaka bhouch loz dista Tujem cousin tem. Toslem kaim ek uloile na. Mamachi choli kitem sangunk sodtali tem tum zanai? Iad kor. Amchea vhoddlea putak tujem dudh ditana ek dis, hanv, tuka matxea lagim ailolom tedna tuvem mhaka duklunn pois kelllo. Tea uprant, dudh divnchea vellar tuvem sodanch rumachea darak bhitorlean kili ghalchi asli Ham???? Atam somzolim!!!!!!!!!! Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________ Yahoo! FareChase: Search multiple travel sites in one click. http://farechase.yahoo.com
