AMCHO LOK Jayanti-k Konknnitn PhD podvi Jayanti Naik ek boreantli bori Konknni borovpi asa ani xodh lavpachea vavrant tinnem namnna zoddlea. Jayanti mhontto, "Eke bailek monachi svotontrai mellona zalear orthik svotontrai mellon faido na. Hi svontontrai mellpak tinnem veovosthit toren xikxit zavnk zai." Konknnintlean poilich Goa Universitintlean PhD podvi mellovpacho man Jayantin zoddlo. Tichea xodhacho vixoi aslo "The image of women in Konkani folklore: A socio-cultural study", zo tinnem Dr Olivinho Gomes, adlo Goem Vidhiapitacho Vice-Chancellor, hachea margdorxonnam khal keolo. Aiz pasun tinnem 12 pustokam boroileant ani Athang pustokak tika Sahitia Akademich Award favo zalo. Lhan kotha borovpan ti ekdomuch huxar. Goenchea lokvedachem khup pixem, ani hem mhonnchem amchea samajik ani sonkskrutik prokaramnim bailancho kitloso vantto asa ticher Jayanti khup bhor ghalta. Dhalo, Dinllo, Katyo, logn-gitam ani her prokarant ostoreamnim aplem vhodd daiz dovorlam ani hakach lagon ho lokved sambhallun dovorpachi vhodd goroz asa.
Anna osli khellgoddi hea fuddem mellonk kottin Dezembrache 5ver Goenchea khellamollar ek vhodd dukhichi goddni ghoddli. Girvoddea Bardezant ravi 56 vorsanchi Anna Figueira, 56, ji Customs Khateant Superintendent asli ti sonvsarak ontorli. Dezembrache 7ver tichi kudd matiek laili, punn Annachem Goenchea khellachea itihasant sodanch bhangaracheao okxerani boroilelem astelem. Khellantlean melloilem iesantlem tinnem gorv kednanch mandlemnam, punn sodhanch khaltikain ani mogan heram khellgoddeam thaim vagli. Hacho ugddas korunk aiz passun tiche boroborchim dukachem suskar kaddttat. Xallent tem kolejint pasun tinnem apli kopxi dakhoili ani man zoddit ravli. Ti Bharatachea Hoki pongddak khell'li ani xekim 1975 vorsa tika Goem serkarachem Jivbadada Bakshi Bahaddar pod favo zalem. Uprant zantteanchea khellamnim ti ontor'raxttrik namna zoddunk pavli. Prabhuk Kullagar Puroskar Moddgonvchem Kullagar Prakaxonn vorsachea vorsa Konknnichem soglleant borem korpeank aplo puroskar bhettoita. Hea vorsacho Kullagar Literary Puroskar Dezembracher 18ver 12.30 vorancher K Gokuldas Prabhu hankam ditelet Gokuldas Prabhu, on December 18, at a special function at Institute Menezes Braganza, Panaji, at 12.30 pm. Hi ek khas kariavoll asteli, oxem Kullagar Prokaxonnacho Satyawan Kunde sangta. Hea 50,000 rupianchea puroskara borobor ek citation ani memento asa, zo Prabhun Konknni bhas, literature ani sonkrutichea vavrantlean melloila. Konknni Machier Tiatr: Sakrament Sambhall Borovpi-Digdorspi: Mini Mario Vantto ghetat: Joana, Sonia, Mario de Vasco, Lawrie, Agostinho, etc. Mini Mariochea Sakrament Sambhall tiatrachi bhonvddi sompot aili, punn Konknnint mhonntat nhoi? "Samar somplear kitem zalem, tache potiecho pomoll azun vochonk na". Mini Marion hache poilim zaite non-stop show boroileat. Tannem rochlelim gitam ruchik ani tallo rosall. He khepe tannem aplea penacho tiatr machier haddunk panvl marlem zalear vhoddlemxem nhoi. Tiatr vixim ulovn sorgest Pri Freddy J D'Costa sodanch mhunttalo, "Tiatr mhunnlear Goenkaranchem ek unique entertainment sadon. Tantuntle mukhi kannie xivai ani kitlexech vixoi side-show vo bhazucheam gitamnim aikunk melltat." Mariochea tiatran kaim kantaram choltana porddeacher chitram distat. Victor Jezucher ek kantar gaita tedna porddeer dista Jezuchi kudd, chabkanim fafxitat ti, tache toklek kantteanche mukutt khenchoitat, khandar khuris gevun Jezu, adi. "Reddeancheo Dhirio" kantaran monzaticher koso zulum zata tache dekhavo porddear distat. "Tsunami" kantarakui Indonesiacher ailolo aikantacho vellacher niall kela. Heam kantaram modhem chodd avddichim laglim tim Lawrychem Mumboint Buddtti ani Sonaiachem Vhann. Tiatrachi kotha porompore pormonnem ghorabean ghoddta toslea samajik proxnnacher adharlea. Kolejik vochpi tornattim kuddintlea rogtachea bollar, to cheddo konn, khuinchea ghoranneantlo hacher vichar korinastana, tachea rupak ani bhopkeak bhultat ani osleam vatt-chuklealeam vattsurancho xevott bholtoch zata tem nazuk toren chitrailam. Dor eka kolakaran ap-apli bhumika bhov huxarkaient kelea punn tanchea modhem Willy Silveiran hea tiatrak kherituch rong haddla, hem soglleanchem mot. HANKAM OLLKHOTAI? - 2 Khailea chitrar dog famad tiatrist distat. Tanchi tumim navam sangchim, ani D'PIETRO PUBLICATIONS, Anjuna, hannim dovorlelem inam jikchem. Zabab hea pot'tear dhaddcho: Diamond Publications, Miriam Bldg, Rua de Natal, Fontainhas, Ponnje, Goem. Nimnni tarik: ------------- 2005. Jikpeachem nanv fuddlea ankar vachunk melltelem. Gele pavttichea chitrailea dogaim tiaristanchim nanvam divn chitti aileat tanchim navam oxi asa -------------------------------------------------------------------------- | Goa - 2005 Santosh Trophy Champions | | | | Support Soccer Activities at the grassroots in our villages | | Vacationing in Goa this year-end - Carry and distribute Soccer Balls | --------------------------------------------------------------------------
