--------------------------------------------------------------------------
| |
| Goanetters annual meet in Goa is scheduled for Dec 27, 2005 @ 4pm |
| |
|The Riviera Opposite Hotel Mandovi, Panjim (near Ferry Jetty/Riverfront)|
| Attending.......drop a line to [EMAIL PROTECTED] |
--------------------------------------------------------------------------
Novea Vorsak Novem Korchem
Krist Jayanti disa, eka fattlean ek, Natalam-chim
porbim divn mhojea mobilar SMS sondhex ietit ravle.
Thodde thollave (local) zalear thodde doriapelean
(overseas) thavn ailele.
Doriapelean ailele sondhex, somzun ghetle. Punn,
hanngasoruch (Kuwait-an) aslelea soiream-ixttchem mat,
mhaka vichitr dislem. SMS sondhexea bodla ekach
minutacho fon khorun Natalamche bore anvdde divnk
ietale....Punn
Mobile fon, bazarant pavchea adim landline fonacho
boro upeog zatalo. Kristachi zolm porob khuxealkaen
monoitana, soirim-ixtt fonavelean porbim ditalim ani
barrabor bholaikechi khobor ghetalim tedna, porbek
anikui rong ietalo. Punn atam mobile fonachi SMS
poddot bhitor sorun amchi soirigott vo ixttagott lagim
zaunchea suvater ti poisapak laglea. Oxem tumkam
disonam?
Pattoilelea sondhexank zap divnk zai asli. Doriapele
sondhex hixeobak dorinastanam, thollave sondhex sotra
aslele. Tankam ekuch zap divn dislem ani ti oxi dili.
"Aiche vhodd porbe somoiar tuvem lhan monxachi iad
keli. Tujem oprub dislem. Punn toch sondhex fonavelean
dillo zalear aichi porob odik rongar ietli asli.
Kitem-i zaum. Tuka-i khuxealbhorit Natalam anvddetam"
Thodde sekend (seconds) sortam mhollear ekar-ek korun
sondhex pavttoilelea soirea-ixttanim, mhojo fon
kitloch vell ghazoilo.
Tumkam lagim aslelea mogachea monxank SMS sondhex
pattoun, posainakat.
Lino B. Dourado
http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado
__________________________________________
Yahoo! DSL Something to write home about.
Just $16.99/mo. or less.
dsl.yahoo.com
--------------------------------------------------------------------------
| Goa - 2005 Santosh Trophy Champions |
| |
| Support Soccer Activities at the grassroots in our villages |
| Vacationing in Goa this year-end - Carry and distribute Soccer Balls |
--------------------------------------------------------------------------
