ROMIVADEANCHI LODDAI.
Sumar dedxem vorsam fattim Karl Marx hanne aplo communistponnacho Manifesto
Das Kapital boroilolo tedna tanne oxem boroilolem: porjechem zoit zaunkuch
zai ani tem zatolem, pun kedna? Tem aiz zait na tor faleam zait, faleam na
tor porvam, porvam na tor yervam, yervam na tor tervam pun zatelench ani
xekim 1917 vorsa porjechem zoit zalench. Russiak Czaristancher har poddli
ani porjek zai aslolem communistpon poilech pavt sounsaant ailem. Hech
porim maka atam oxem sangunk xem dista ki Romivadeanchem zoit zaunkuch zai
ani tem zatelench, pun kedna? Tem aiz zait na tor faleam zait, faleam na
tor porvam, porvam na tor yervam, yervam na tor tervam pun zatelench ani tem
zaunchea margar assam mhonn gomta karann amche dusman Nagrivadi atam sarke
kampleat tantun gomta. Te eke vatten kampleat amche bollaek polloun ani
amchi Rimivadeanchi boddai atam sarkich choddlea ti konnacheanuch sokol
kaddunk anink zaunchina. Amche boddaexim team tinchear boddkancho mhonnche
Kelekarancho, Bhembreamcho, Ximbreancho, Shivdasancho, Naikancho, Mauzeancho
ani herancho ixopuch na. Amche boddae pormonne amkam zai tench zatelem.
Konknnicho poramos kela ami Romivadeanim. Konknnichi rakhonn kelea ami
Christavanim ani hi bhas zika amcheam vhoddilani ani zantteleani pacharlea
mhonnon 'Konkani bhas mhon Devamgeli' ti bhas jivi dhovorlea ami Romivadi
Christavani. Nagrivadeank hi bhas devamgeli nhoi, tanche dev-dhut and
dhev-bogt ti bhas uloinant. Amcheam Santani ani Bogtamni ti uloilea and
vapurlea. Nagrivadeanchea Swamini ani Bhottani ti bhas aplo dhorom
porgottunk vaprunk na. Nagribvadeank Devak ulo markap Konknni nakam, amkam
Konkani zai Devalaguim sombond zoddpak, Devak ulo marpak. Ti jivi uronk zai
mhonn amchea bhavani Romivadi Christanvani martirpon bhoglem ani zache
vorvim Konknnichem zoit zalem. Nagrivadeank Konknni zai forkot duddu korpak
ani Serkarache vhoddle puroskar zoddpak. Tankam he puroskarar apleam athani
ghetana loz passun dissona, Konknnichea fustar duddu komaitat tedna tankam
mat tori lhanvikai passun bhogona, tanchea konsiensak bilkul haddkoll zaina,
Konknnichea fustar apleak souloti melltat teo eka Gida porim gilltat. Konne
eka tori Nagrivadean Konknnichea fustar dudvancho lab mella tacho illo tori
vantto Florian Vaz zo zaun also poilo martir Konknnicho hachea kuttumbak
dila? Urloleam sou martirancheam ghorib kuttumbank kitem tori dudvancho
adhar divpak kon eklea tori Nagrivadean fuddakar ghetla? Ami Kuwaitkarani
Kuwait thaun amche kuveti pormonne amcheam koxttanchem ful na tor pakli tori
team martirancheam kuttumbank diloli assa. Nagrivadi fokot udhar fottaxi
marunk urlet.
Atam amcho Romivadeancho vell pavla sogleani ekvottan ravon Nagrivadeancher
ek loddai marpak. Poili vhodd loddai mhonnta ti potrakarani ani boroinnari
marunk survat kelea ti fuddem voronk zai. Dekhik: Godfrey Gonsalves ani
Dalgado Konkani Academy. Dusri loddai mhonnchem padrini igorzani sermanv
sangon lokank zagoupak survat korunk zai. Amkam communal mhontlear zata,
ami atam communaluch zaunk zai na tor amche dusman Nagrivadi amkam kobar
kortelet. Tantun vhodd communal RSS and BJP che patlaudar assat. Ami
communal zaunk zai mhonntta tedna oxem somzonk zai ki amchi rakhonn korpak
amich vavronk zai, jedna amcher akromonn zata tedna aminch amchea
dusmanacher hadd zogddonk zai amkam zoit mello passun. Amche dusman vhoddle
communal tea passot te RSS and BJP osleam communal pokxani rig gheun assat,
heam munxeani Konknni bhas boixttailea ani communal kelea, orxim Konkani
bhas communal nhoi, ti secular bhas ani ti bhas apnaita to apun secular
mhonn dakoita. Tisri loddai mhonnchem Tiatristani apleam tiatrani ani
ghitani Romi Konknnichi nibran zagruttai korunk zai. Tiatristani zaitem
korunk zata ani adleam tiatristani tiatrancho vapor korun Goyam ani Konkani
passot unch vavr kela. Team adleam tiatirstani unch vavr kela tantuntle
kaim tori zann palkacho vapor azunui kortat ani tantuntle dog zann mhonntat
te Anthony DSouza zo zaun assa ek vangddi somploleam Conception ani Nelson
hancho ani dusro mhontlear Jr. Rod put somplolea Minguel Rod hacho. Heam
dogui tiatristani Goycho ani Konkanicho bavtto unch ubharpak khup thokos
ghetla. Kaim vorsam fattim Jr. Rod Kuwait ailolo astana Kuwait Konknni
Kendran tanne Konknni passot kelolea vavrak lagon kherit ek mellavo ghoddun
tacho bhovmhan kelolo ani hangachea donui Inglez potrancher vhodda akharan
tache fottu xapun haddlole, hacho vachpeank zerul ugddas astolo. Sodheache
pillgeche tiatrist chodd se duddvank bhullele distat. Anthony DSouza jedna
poiloch palkar ailolo tedna to revolutionary ghitam ghaitalo,
bhattkarxahicher had vavurtalo, Portuguezancho kall also to. Somplolea
Alexinho de Candolim hanne taka poiloch palkar haddlolo mhonn khud Anthonyn
ek solo ghit mhonnon Alexinho de Candolim hanche upkar hattoilolet
Alexinho de Candolim mortoch. Amche laguim gozal kortana ek dis Alexinho de
Candolim hannem Anthonychi khup vhoddvik keloli karann Bhattkarank zupatti
diun to ghitam ghaitalo tim ghitam Alexinho de Candolim haka khup
avoddtalint zache vorvim bhattkarxahi khup nittaer etali. Oslench ek duet
Anthony DSouzan Nelson Afonso hacho sangat gheun 1959 vorsa ghailolem
tantun to oxem mhonnta:
Anthony Mundkar: Te xekdde sompon kobar zalet ghoribank korit tim kettam
Bhattacho valor kitlo to sang hangach ravon
ghetam
Nelson Cheddvachea rupan: Tuzo pai amguer zou foddunk eta tedna taka kitem
tem dakoitam
Anthony: Pai tujer kuradd marun, cabeco tujem aktak korta tata.
He porim ostad ghitam zaun aslint Anthonychim Portuguezanchea kallar.
Amchem sobit Goem Bharat deshan forsan aplea tabeant kortoch Anthony xekim
Conception ani Nelsonak bhorti zalo ani tanni ek okond trio ghoddlo jea
trion palkacho vapor korun Goyenchem and Konkanichem jitlem borepon rakhlam
titlem khuincheach her tiatirstan korunk nam. Osleam tiatristanchi aiz
khup goroz public opinion utpon korpak Nagrivadeancheam beimanponnacher
ani Romivadeancheam innocentponnacher.
Karl Marxan aplea Das Kapital Manifesto hantun xetkarank ani zotkarank
osso ulo marlolo ani tea uleak pall diun Bolshevikani xekim Czaristancher
har dili ani communistpon poilech pavt sousarant ghoddun haddlem ani tem
mhontlear Russia deshant. Karl Marxacho ulo oxo also:
Xetkarani Zotkarani, gheiat tumcheo Koiteo ani lagat tumi zogddonk (had
Czaristancher)
Zogoddtana tumkam kainch zaunchena luskonn,
Zalear fokot zatelem Koiteanchem luskonn,
Karann zogoddtana gheli zalear gheli hatintli Koiti sutton
Pun ailem zalear mas ailem zoit lotton
Voilea uleacher hadarun aum hanga aniek ulo martam ani to mhontler osso:
Konknnivadeani, Romivadeani, gheiat tumche zannvaechem boll
Ani vavrat tumi tumche zannvaen Nagrivadeancher hadd zogddonk,
Zogoddtana tumkam kainch zaunchena luskonn,
Karann gelo zalear ghelo tumche sorxillo Nagri beiman sutton
Pun ailem zalear mas ailem Romi Konknnichem zoit lotton.
A. Veronica Fernandes,
Kuwait.
_________________________________________________________________
Express yourself instantly with MSN Messenger! Download today it's FREE!
http://messenger.msn.click-url.com/go/onm00200471ave/direct/01/
