KONKANI ARTICLE by Daniel F. De Souza. "Christians insulted in Hindi
Films".
The following Konkani article written by the well known English/Konkani
journalist from Vasco, Daniel F. De Souza and published in V. Ixtt on 29th
April 2006 is reproduced herebelow. Since I find it interesting, I feel Goan
Christians should know by reading this article how they are treated in Hindi
Films. Daniel is an Editor of Potr Trust Magazine in Goa where he is
employed. He regularly contributes to Goan Observer and also to other
Englsih Newspapers besides regularly contributing to Konkani monthly Gulab &
V. Ixtt. I hope Konkani Romi readers will like this article.
A. Veronica Fernandes,
Kuwait.
Abril 29vi 2006
Ami kitlo kall legun ogi ravtoleanv?
Daniel F. de Souza
Halinch hanvem ek Hindi cholchitr pollelem. Cholchitrachem nanv Malamaal
Weekly . Hea cholchitrak veche adim, hem ek khub vinodhi cholchitr mhunn
hanvem aikolelem. Orxim mhaka Hindi cholchitram pollev-pak vhoddlixi avodd
nam.
Cholchitrachi kotha vinodhi vixoiacher bosoi-lea. Survat tem xevott meren
hea cholchitrant boro vinodh dista. Paresh Rawal, vinodhi kolakar Asrani,
ani Om Puri he kolakar hantunt mukhel bhumika kortat ani aple soimbik
bhumikentlean khorench pollevpeanchim kallzam jikhtat. Cholchi-trachi kotha
eka lhan ganvant ghoddta. Xet-kamot kortolea thoddeach sadea-bholea
lokancher ti attaplea. Paresh Rawal tea ganvant ek xikxit monis asunui taka
favo ti nokri mellona. Dekhun to ganvant bhonvun sorti vikpacho dhondo
apnnaun aplo ghor sonvsar choloita. To heram modem xikxit dekhun ganvcho lok
taka khub manta. Ek dis tannem ganvant viklole sortik ek krutt rupianchem
inam' laglam mhunn taka kollta tedna tea ganvant tem inam' jikhpi sort
viklolea mon'xak to soddun kaddunk koxi toren manddni kaddta ani xevttak to
monis konn to gomun ietoch fuddem kitem zata tacheruch hem purai cholchitr
cholta ani xevottak pavta.
Hea cholchitra vixim ekuch sangchem mhonn-lear tea cholchitrant bhumika asat
teo soglleo hindu ani gorib xetkamot korpi ganvchea lokancheo. Punn sort
lagta to monis mat ek kristanv dhormacho ani tachem nanv Joseph Anthony
Fernandes. Taka sogott Anthony' hea nanvant pachartat ani ollkhotat. Ho
Anthony xrimont mhunn gomta karonn tachem ghor khub vhoddlem, ghorant TV ani
telefone asa. Ani to soglleak sutt marun bhonvta. Tachea gomtteant ek
vhoddlo khuris lambta. Punn ho Anthony ek as'sol Bebdo' to disachi survat
sorean korta, soreache paintt bolsant gheunuch soglleak bhonvta. Chaie-chea
dukonar vochun khali glas magun tantunt aplem soreachem paintt otoun soro
pieta ani aplem akh'khem jivit sorea fattlean ibaddta. To ankvar, ani taka
ek Mary nanvachi kazari bhoinn asa. Taka ek kruttachi sort laglea hem TV
khobram vorvim gomtoch to ietolo khoxen bhorta ki to he khoxecho shok gheun
bosla thoinch morta. Punn apleak hi sort laglea ti mat khoxechi khobor to
goroz tea mon'xank telfone korun gomoita.
Tachea mornna uprant tachea moddeache bara berestar ani tera sukrar kortat
hi ek dusri goxtt. Punn tachem moddem kaxavant igorjent nimnnea sonskarak
haddtat ani thoim igorjent bhitor tomaxa dakoila to mat vichar korpa sarko.
Amchea Kristi dhormant mel'le kuddik vhoddantlo vhoddlo respet-man ami
ditanv ani favo te ritin tiche nimnne sonskar kortanv, zanv magir to gorib
vo xrimont. Dusrem mhonn-lear eka gavant zoim soglle okristi monis jietat
thoim tankam ho bebdeacho patr korpak ek kristanvuch dhormacho monis kiteak
zai aslo tor? To bebdo monis ek okristi ani dusrea dhormacho monis kiteak
dakhounk zainaslo?? Hench mhoje somzonnek iena! Hem bebdeachem patr ek
kristi dhormachea monxak dakhoun tea filmacho producer Priyandarshan' kitem
dakhol korunk sodta kai? Kai kristanv lok soglle bebde ani tovnaxi mhunn?
Oxem to producer chinta zalear to khub chukta ani aple zannvaiechi goribkai
dakholl korta. Oslo obhinoi tannem eka ganvant dakhoun minority' porjek
vhodd okman kela. Ani hem amchean ogeponnim koxem sonsunk zait?
Hea adim hindi cholchitramni amcho mhonnlear kristi porjecho hea hindi
cholchitramni zaito goir-faido ghetla ani amkam sabar cholchi-tramni unnea
dorjeachim nagrikam koxim dakhoi-leant. Chodd korun kristanv ani Goenkar
bebde, kirmidor, ani bhikari mhunn pasun dakhounk tankam koslich oddchonn
disunk na. Dekhik, Amar Akbar, Anthony, Khamoxi, Ram-Balram, adi.
cholchitram. Tor hem kitlo kall legun oxem choltelem kai? Mhojea chintpa ani
tea cholchitrachi kotha manddlea tea promo-nnem, tea bebdea mon'xacho
obhinoi ek okristi mon'xachean korunk kainch oddchonn ani attvench naslem.
Punn toch bebdeacho patr ek kristi dhormachea mon'xak dakhoila dekhun hem
soglem vichitruch dista ani te kothek bilkul sobona.
Kristanvamni, kristi sonvsthamni, Catholic minority cell ani heramni hacher
koddok nixed marpachi goroz asa. Amcho khasdar Churchill Alemao ani Margaret
Alva hankam mhojem ekuch magnnem. Tannim hem cholchitr khud polleun-chem ani
hacher amche Sonsodent koddok avaz ubarun tea cholchitrachea producer -ak
koslich ott nastana kristi porje kodde mafi magunk lavchi. Oxem kelearuch
fuddarak tanche dolle ugoddtole, na zalear amkam sodanch unne-ponn bhogchem
podd-tolem.
Daniel F. de Souza
Konkani Writer & Freelance Journalist
C/3, IInd Floor, Elvira Apts.
Near St. Andrew's Church
Vasco - Goa 403 802
INDIA. Tel: + 91-832-2510714
Mob: 9822163329
e-mail :[EMAIL PROTECTED]
:[EMAIL PROTECTED]
" GOD DID NOT MAKE MEN PERFECT, HE MADE THEM PILGRIMS AFTER PERFECTION."
***********************************************
_________________________________________________________________
Express yourself instantly with MSN Messenger! Download today it's FREE!
http://messenger.msn.click-url.com/go/onm00200471ave/direct/01/
_____________________________________________
Do not post admin requests to the list.
Goanet mailing list ([email protected])
