Landline Phone v/s Mobile Phone To dar ugddun bhitor sorlo. Honey, I am home Bolsantlo mobile fon kaddlo ani mezar aslelea landline fona lagsoruch battery charger-ak lailo. Landline fon-an aplo boncho vankddo korun dusre vatten tondd ghunvdailem. MOBILE: Pidda laglelea porim ekuch zagear boson asta. Mhaka polle. Hanv sonvsar bovon ietam. Kurnatkhai tuka. Mhojo patranv mhaka sodanch bhair bovonk vorta mhunn tujem tondd vankdem zata tujem. LANDLINE: Bolsantlo kaddun mhoje bazuk dorvorla tuka. Dadlea monxean aplea kolsanvanchea bolsant dis bhor fon dovorlear koslo vas ietlo? Cheracho? Dekhunuch dusre vatten mhojem tondd kelam. MOBILE: Puro, puro. Mhaka, apurbaien hoddddear laun, bolsant ghalun bhountat mhunn tujea pottant chappta. Bhair bovon somazachem chitr polletam. Khuinsor ani kosli sudharnnni zata tem dixtta mhaka. Ghorant boson tuka kitem kollta? LANDLINE: Mhaka bhair vhechi goroz na. Mhoji madam ek khobrachem potruch mhollear zata. Orxim konnachea thaim uloina punn fonacher dis bhor zoroita. Khobrachem potr amgeruch chapptolea porim tigelem ulovop. Suknnem uddun ghelear viman gelem mhonn sangpi ti. Khuim tori ek khunn zala. Kuddicher 27 ghave surien keleat khuim. Punn madam konnank sangtali tache 27 kuddke korun bhangar chorlem mhunn. MOBILE: Aikolem mhu? Fottingponnacho pavs? Ghorantle bhair sorlear ekdom sottacho khobro dolleannim polloupak ani kanannim aikunk melltat. Ghorant boson acheo-tacheo gozali aikopi tum ani tuji madam Mhojo patranv toslo nhoi. Fotti mhonnttleli to kednach uloina. (Itlean, some where my love hea ring tone-ar mobile vazlo) Sweat heart, your mobile is ringing Bhitorlean eke ostorecho avaz To ailo. Mobile-acher dixtt ghali. Tachem tondd ambot zalem. Hello Bonnie. Koso asai? Mhoji iad keli! Na, na. Sodeak hanv ghorant na.. .. Sangunk ienam kitlea vellar pavtolo poi to ..Amgelem ? Bhair sortelem mhunn sango .Borem .faleam jerul mellchem . LANDLINE: Kitem mhonnttlelem tuvem? Patranv fotti uloina? Adim, mhojo upeog kortalo tedna hanvem kednach aikunk na to fotti uloilolo. Tuka lagon borele monis fotting zaleat. MOBILE:: Patranvancho mevnno to. Horanchim horam, aikunk naka tosleo khobro sangun patravancho moladik vell piddear kortolo. Ani itlench nhoi, nak- soikoilem ghonttlea xivai vochpachi gozal korchona. Bonnie oslea monxeak nittaer ghalunk hanv gojecho zalo na? (Hea pavtti: Trink trink trink korun landline fon vazta) Love, please answer the phone Portun ostorecho avaz To ailo. Receiver ukhollo ani hello mhonnlem. Dusre vatten konnuch zap korina zalo. Tannem fon bond kelo MOBILE: Tallo boro lago na kitem? Hem poile pavtti nhoi fon kortolo vo kortelem patranvancho avaz aikotoch bond korpak. Tujea lagim sovlotti na fon kortoleachi ollokh divpak. Lipun kiteak uloichem? Mhaka polle. Ugtte sadhon mhojem. Chuklelim vo missed calls ietat tim dakhoun ditam. Tea khatir, bazarant mhoji apurbai chodd. LANDLINE: Dekhunuch tum konnacheach hatant poddta. Dulent, matient khoinsoruch soddun ditat. Soimbachi goroz korunk gelear thoimsorui tuka vhortat. Xi ollxig. Mhaka mansugecho zago ghorant dovorla. Mhoje viret Internet chollona. Kitli bodai mhoji. Zon ekleak, ap-aplem kam dilelem asta. Apleachean itlem-titlem korpachi tank asa mhonn poki bodai marchi nhoi. Tum ek iontr. Jitlem charge zata titlench ulovchem asta. Mhoje vixim toxem ghoddona Mobile portean vazta. Fon kortoleak to ollkota ani khos zata. Fon ukholta ani bhitorlea vatten vheta. To bhitorlean gelolo pollevn ti bhair salant ieta. Landline fonache ankdde damun Hello Totu? Khuim go tum kal pasun? Amgelo asa go boro. London sakun Babitt-acho mobile-ar fon aila. Sodeak toilet-in boslolo asa. I am very very sorry go. Poir tedus tuka sanglolem, Peddnem ganvantle Prakash Talavnekar-ache 27 kuddke keleat mhunn. Khorem mhonnlear 27 pavtti suren toplo ani tachea angar asleleo bhangaracheo panch sorpoli, 8 mudio ani nogot duddu 35 hozar rupia chorun veleat khuim .Kitem..? Vachtam go newspaper dispottim .punn choddxe mornnache anus ietat tench pan polletam. Kiteak kai mhonntai? Aiz-kal aksident zaun tornno lok subej morta nhoi go? Kitem? Lok melear mhaka koslo faido? Kazari ostoreo somplear tanche tornne ghov free urtat nhoi? Portun toch vichar. Mhaka koslo faido? Tum mhojem soglem zanai. Mhojem kazar dusreponniche zaun asa mhunn. Amgelo asa to matxe korcheta. Mhonntoch tum somzolem mhoji nodor obituaries page-r kiteak poili danvtta ti. Hem tuka somzochem na bhai-e. Tuje vele pavsale khobar zaleat. Uprant uloitam. Toilet-intlo bhair sorlo mista mhataro. Fon dovortam ham!!! To ailo. Mobile mezar dovorlo. Landline fonan aplea nakak dorun tu-tu-tu korit aplem tondd zata titlem pois vhelem. Tachi hi vagnnuk mobile fon somzolo. Apleacho upeog khoreanich ollxig zagear kortat mhunn taka loz zali. Ani tokli kala ghalun ogoch bizlecho xavot (electric power) khaunk boslo Lino B. Dourado
http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________ Do not post admin requests to the list. Goanet mailing list ([email protected])
