KHODDDDEANCHI NOVI SONSTHA? Khoddddeanchi sonstha ghoddun haddpak hanvem nirnnoi ghetla. Hea kamant hanv kitlo meren iexvont (successful) zatlo ti mhaka zanvi na kori, punn konnem tori fuddem panvl marchem oxem mhaka ievjolem ani hanvem fuddarkar (leadership) gheun-cho kela. Ani dubhav na. Sonstha ghoddun haddtam mhonntoch poilo odhex hanvuch thirtolom. Eke zagear 150-200 khoddddeancho zomo ekvottlo zalear thoimsorlem poroivotonn (environment) nallachea paddeak bhouch nall zomoilelea porim distelem nhoi? Khoddddeanchea sonsthen bhitor sorunk proves fi na, (no entry fee) punn fokot tin kaide astele. Poilo, tum khoddddo asunk zai ani dusro kaido sodanch tujea kalsanvamchea bolsan dantonni (comb) asunk ekdom gorjechem. Khoddddean, bolsan dantonni dovorchi kiteak? Ho vichar tumkam hanspa sarkelo? Voi? Khoddddo monis bosichi vatt polloit bos sttend-ar ubho astana, matheak datt-datt kens aslele tornatte aple kens ievttin-tevttin korun khoddddea lagsor ievn oxe toren moskoreo kortat. Uncle, dantonni asa zalear matxe di. Tedna tuvem gorib gorjevontank pavunk zai. Ani tisro kaido mhollear, tuje matheavele kens zoddunk kharan kitem? Mhoje porim he toren ugtem kumsar korunk nibel gorjechem. Ek ankhi nattkuleanchi sporda ti. Mhaka tor illexem punn Bharot deshacho bapuji-che sovong (performance) korchelem aslem. Hanvem tor 1970 doskenle Beatles style-che mhoje kens katrun bapuji style-i sarkelo khoddddo korunk zai aslo. Kens katrunk mhaka khub dukh zalelem Dor Sonvar/Aitar Goenchea sabar klub/sonsthani ghoddun haddlelea ek ankhi nattkuleanche spordhen ami bhag ghetale. Vheta thoim amchea MAHAN nattkuleak poilem inam favtalem. Ganvche desh bhogtti nagrik, suttke zuzari nattkulem somplea uprant mhaka mellunk ietale. Mhoji zobordost bhumika tankam dipkaitali. Mhoji thoknnai korun thodde potrakar mhoji mulakhat ghevn fottu soit paper-ar boroitale ani oxea toren hanvuim-i famad ani nattkuleakui boro prochar (publicity) melltalo. Mhojea rupa vonn (orxim mhaka titlem rup na) mhojo khoddddo shine zaunk laglolo ani hakach lagon MAHAN nattkuleak demand zalolo. Tornattim cheddvam olli (line) korun khorea Bapuji-chi ghetele porim mhoji autograph ghevn laglelim ani hem mat mhoje ixttinn-ink posond lago naslem ji mhoje bharim vheta thoim astali kiteak ti mhoji bail asli. Khorea jivitan nhoi re papia! Punn nattkuleant Kasturba Gandhi (Babuji-chi bail) bhumika kortali. 25 odik MAHAN nattkuleanche proig (show) zalele. Amchea nattkuleak demand vhaddot aslo. Toxoch mhojea khoddddeak. Nattkuleacho digdorspi mhojea khoddddeache kens disonant toxe aspak suchoitalo. Nattkuleacho proig machier haddchea adim Mazodddde railway station lagsor aslele Gurudas Hair Saloon-an mhojo khoddddo tasunk hanv vhetalom. Oxea toren dor satoleak khoddddo tasunk laglear mhoji khoddddik (skull) mar bostolo mhonn hair stylish Gurudas bab, mhaka xiddkaitalo. Tachi xiddkavnni, oxoch nattkuleacho ek proig somplea uprant mini bus-intlea nimnnea bosker bosun ghora ievpache vatter astana, kallokacho faido ghevn nattkuleantli Kasturba mhojo khoddddo poxetali tedna, tika hanvem sanglelem. Dusrea disa tinnem, tarvotti bapain tichea avoik haddleli shampoo bottle (?) lip choriam haddun mhojea hatant ghali. Otumbrachea mhoineant mid-term exams suru zaleleo. Hea khatir pondra dis voir ami MAHAN nattkuleak break dilolo. Fuddlo proig Ponnjechea Kala Akademikent aslo. 20 disa modim mhoje kens tokler disunk lagle. Digdorspean mhaka iad keli. Nattkuleachi porot ekdam talim (rehearsal) nettan chalu zalem. Koxei toren Kala Akademiche Nattkulea Sporden amkam poilo inam jikunk zai aslo. Hanv nhannient astana mhojea guttachi ixttinn Aida ghorant pavon sorlem. Jitle pavtt nattkuleak lagon hanv ratcho bhair urtalom titlech pavtti tannem mhoje eksure avoik ratcho sangatt divncho aslo. Mhaka oputt maia Aida-chi asli. Ani hea khatir Kala Akademiche Nattkulea Spordhen taka hajir zavnk mhojem khas amontronn dilelem. Spordhe-chi tarik vicharunk, tem amgher pavonn sorlelem. Nhanient, nattkuleantle Kasturba ixttinnin dilolo shampoo poilech pavtt toklek zoran ghostilo. Thoddo vell ravlom. Mathear hat voddlo. Purai kens hatar aile. Ani ek pavtt shampoo ghostilo. Ullele kens vochun khoddddo adlea vonn nisor zalo. Atam mhaka Gurudas Hair Saloon-achi goroz poddchi nasli Upkar Kasturba baie-che Nhanientlo bhair ailom. Aida-n mhojea kodddear nodor ghali ani vicharlem. Lino, tuje kens? Hanvem nhannient dovorlolo shampoo haddlo ani tichea hatant dilo. Saiba bhogos!! Hem tuka konnem dilam? Mottean arddun tinnem vicharlem. Bapuji-chi bhumika hanv kortelean, hanvem mhoje kens dor sumanank tasunk poddtat. Hem mhojea khoddddek borem nhoi mhonn Gurudas-an sangtokoch, mhoje Kasturba ixttinn ho shampoo dila. Kosli-i vost vapurchea adim ti vost kosli ani khoim ani koxe toren ti vapurchi tem boroilelem mellta. Ho shampoo nhoi papia, punn One Touch hair remover lotion. So what? Better than shaving Xikonn ananddi zai naka. Hem vach. Removes unwanted hair. For use on arms, legs and bikini line. ANI NIMNNEM Eka kallar mhojea oddecho vo artificial khoddddeak demand aslolo. Atam kitem kai mholllear natural khoddddo pollevn boreleo ixtinnim pois zaleat. Lino B Dourado
http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _______________________________________________ Goanet mailing list [email protected] http://lists.goanet.org/listinfo.cgi/goanet-goanet.org
