Dar Tujem Ugtem Dovor Ietlo Gara .anik ek aik. Donk-kapeo cheddeo (narrow waistband) haddinaka. Cheddvam vaddtat. Donkeancheo (hip shorties) ge. Kuwait nokri kortolea ghorkara thaim, Ana Francisca telefonar uloitali. Ticho ghorkar Duming, Goeam suttean ienvcho aslo. Shopping korchea adim tannem, bailek kitem zai vo naka tem vicharchem aslem. Kosleo cheddeo tuka zai tem mhaka somzona. Venociana kumarik vicharun polletam. Cheddvam-bailancheo bhitorleo mustakichem shopping korunk noko aslolo Duming-an aple bailek sanglem. Tuka kiteim-i sanglear kumarik vicharun polletam mhunntai. Tum oxem kor. Tikach ghevn Goeam ieo. Hangasorui ti, tuje gorjek upkarteli. Tuka koxem kolllem? Tivu-i Goeam ieta mhunn? Punn hanv Mumbai-chean ietam. Indian Airline vo Air India direct flight-ir ailear hanv Goem pavtolom ani mhoji baggage hangach urteli. Fuddlea mhoineant thavn Kuwait-Goa Air Lanka suru zata mhunn aikolam. Hea fuddem Kuwait-Goenkar-anche tras unnem zatele Mumbai-chean ieta tem borem asa. Chodd whiskey pienaka. Punn tunvem mhaka khoimchea flight-ir ietlo ani Dabolim vimantollar khoimchea vellar pavtolo hi khobor dili na. Kuwait-Mumbai Jazeera ani Mumbai-Goa Kingfisher.. Wow.. Kitem? Tuka marog poddtelem mure. Dusrem mhollear tuka sapuch upkarona. Mhaka faido zata tea hixeoban hanvem vimanacheo tiketti kaddleat. Atam, Kuwait-Goenkar-anim Indian Airline ani Air India hankam bhudd xikounk zai. Sumanank don pavtti direct Kuwait-Cochin via Goa vetelea Kerela-chea provasank Indian Airline boreo sovloti ditat. Kiteak tanche somudaeche (community) fuddari ekdom ghott asat. Samonachem koslech tras tankam zainant ani ojun meren zale nant khuim. Punn Goenkar provaxeanim khub pavtti baggage-ik lagun tras sonsleat. Holu-holu korun dusrea komponicheo odik direct flights hanga sakun Dhabolim udna korteleo. Goenkanim IA ani AI hancher bohixkar (boycott) ghalunkuch zai. Gorzo ani bolleponn polevpak Kuwait-an, Goenkarancho Ekvott mhunn ek sonstha asa. Ti kitem polleta tor Soddeak kolmben kosmelea Mhaka tujem kainch aikopachem na. Mumbai-chean ievnchem nhoi mhunn tuka xiddkaitam. Kumar Venociana ieta tech direct flight-ir ieo. Landing gear matxe zorlem zalear horkot na punn tujeo fuel tanks piddear zalear mhojo sonvsar koddu. Tujem kainch somzunk iena mhaka. Polle Duming. Dog sobit dhuvancho bapui tum. Tamkam, tujea mogachi ani apurbaechi goroz. Ghelea vorsa tujea rogtachi topasni keleli tedna tuka soro bilkull upkarona mhunn voizanchea vakear vo report-ar asa. Tujeo kidney oskot asat ani soreak ievkar divnk upkaronant. Tum Kuwait asa mhunn borem. Devak argam!! Thoimsor soro mellona. In flight complimentary drinks, funkea whiskey tunvem borich ghonttchi asta. Dabolim vimantollar pavta mhollear tum sarkoch zur zata. Ani atam Kuwait-Mumbai Zeera-chem ani Mumbai-Goa Kingfisher beer mhollear tuka sarkench mix zaun tujeo kidney . (roddta) Hello Ana. Toxem nhoi. Ago toxem nhoi tem aik... Hello hello .. Lino B. Dourado
http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _______________________________________________ Goanet mailing list [email protected] http://lists.goanet.org/listinfo.cgi/goanet-goanet.org
