------------------------------------------------------------------------
* G * O * A * N * E * T **** C * L * A * S * S * I * F * I * E * D * S *
------------------------------------------------------------------------
Enjoy your holiday in Goa. Stay at THE GARCA BRANCA from November to May
There is no better, value for money, guest house.
Confirm your bookings early or miss-out
Visit http://www.garcabranca.com for details/booking/confirmation.
------------------------------------------------------------------------
Amchea Modem Jielo.
Avoi-bapaichea fattlean malgoddo put ghoracho voddil
zata. Xistin (discipline) vaddlelea ghorabean
avoi-bapai-chea mornnam uprant vhoddlea bhav-ak,
kuttumbantle dusre vangddi bapaichea zagaear bapui ani
tachea ghorkarnnink avoichea zagear avoi hea natean
vengoitat. Oslo ek vexei gheun Amchea Modem Jielo
tiatr boroupean vhodd xiddukaien, bhavanchea mogacho
teag dakoupacho proitn kela ani xevott meren
suspense chaddoran ghuttlaun dovorla.
Tiatrachi khota teg bhavancher atapleli asta.
Vhoddlo bhav Winston (Donald Colaco) ani tachi
ghorkarn (Antonetta de Calangute) dusrea
bhav/dherachem kazar sompoun, hollant sakun ghorant
bhitor sortat. Tanchea fattlean novich kazari joddi
Rainer (Joseph Rodrigues) ani Joela (Olga Vaz)
ghorachea umbrear ubim zatat. Rainer, aple potinnink,
bapaichea ghorant eke sunneche natean tichea uzvea
paimeanchi poili chant marunk vinonti korta tedna,
vhoddlea bhavachi bail vokoll Joela-k ghorant paim
ghalinaka mhunn khorkhos tallean apli hukumxai
dakhoita. Vonniechea ragist sobhavak fuddo korchea
adim, Rainer, aplea vhoddlea bhava thaim auchit
bodollelea vattoranachem kharan vicharta. Apli
ghorkarn ek home minister ani ticho hukum ek kaido
zata, hi zap taka vhoddlea bhava koddlean mellta.
Poilech kazari ratrik kaxea avoi-bapaichea ghorant
aple potinnink bhitor sorunk vhoddlea bhav/vonniechi
addkholl polloun, thoimsorlo niraxi zaun koddsorta.
Tirso tarvotti bhav Gordon (Xavier Furtado)
bhav-bhavanchem tuttunt vetlem ekvottachem natem
samballcho iotn kortana eka nivrrut (retired) Afrikar
Gilbert Almeida (Cajetan de Savordem) hache sobit
dhuv, Cynora (Ryana Azavedo) hichea mogan poddun kazar
zata. Gordon, vonnie ani bhavachi khupuch apurbai
korta khoro, punn tanchea-i kazara ratri Rainer ani
Joela-k vagnnunk mellleli toslench nirmonn (destiny)
tankai favo zata.
Avoi-bapaichea Gireskaiecho ekloch herderi zaunk
sodta mhunn, Rainer ani Gordon-achea mostokarn
rag-tiddkechem agttem pettta. Vhoddlea bhavak ani
vonnienk bhudd xikounk nirnoi ghetat, ani hea kamant,
tancheo ghorkarnni tankam adar ditat.
Punn khorench daktte bhav vhoddlea bhavachem ani
vonniechem vigans ghetat kai? Ani koxem? Okosmat
ekvottan ani mogan cholltele bhavam modim dusmankaechi
rompi koxi ani kiteak kirlovta? Tanchea modem konn
khorelea mogan ani ekvottan jieta? Hem zannam zaunk ho
tiatr chukoileleanim, muzrot VCD-ir pollouncho mhunn
digdorspi Joe Ferreira hea borovpeak kolit kelam.
Dor ek kolakaran aplea okhondd obhinoiea vorvim
prekxakanchim kallzam jikhunn ghetat ani vixex korun
Donald vhoddlea bhavachea bhumikent ani Antonnet de
Calangute vonnie-chea korkhos bhumika kortana tiatr
pollennarank rag haddta zalear mogache ghorkannicho
obhinoi kortana teach lokachea dolleanim dukham
ubzoita. Chodd ulovpi vo boddboddpi (Afrikar) Cajetan
de Savordem aple bhumiken machiek odik rongar haddta
zalear bai Olga Vaz, Xavier, Joseph favo te porim
tenko ditat. Punn sogtteankuch dhipkaun udoile ani tem
mhollear poilech khepek Konknni machier introducing
kelli noti bai Ryana Azavedo hinnem. Machiecho bhouch
onnbhov aslelea porim bai Ryana-n aplo patt eka
vesaiek ektressa (professional actress) porim kela.
Tika, Konknni machier boro fuddar asa mhunn siddh
kortana, hangasorlea digdorspeank Goeam thavn soirea
kolakarn vo ektress soddun haddcheli goroz na mhunn
spoxtt sangun dista.
Comedian Agostinho ani Ambe vinod korun prekxokank
umedir dovortat. Kantoristanim aplea kantaranim lokak
boro sondex dila. Marcus Vaz, Michael DSilva,
Ignatius de Xelvon-Olga Vaz, Katty de Navelim, Cajetan
de Sanvordem-Mario de Majorda hanchim kantaram
orthabhorit aslim. Bab Pallen-an aplea kantarak abru
zoddun gheta punn Bai Sucorrina-chea kantaranim titli
urbha disona.
Songit favo purtem aslem. Rong-machi bori nettoilea.
Bizlecho vapor boro zala. Don dekhave dakhoilele te
mat channnn asle mhunn prekxakancheo talleo
gomoitaleo. Menino de Ribandar ani Simon Gonsalves
hannim, ikmottint toiar keleat. Tanchi kolla vankandpa
sarki mhunn sangunk ottitai (exergeration) zaunchem
nam!
Kochro, Patang, Amcho Dispotto Amkam Di, ani Bharat
voznaddik segid ek anki nattkulim, United Club of
Utorda-Kuwait hanche vorsavolichea ek ankhi Sporden
dakhoilea uprant Bab Joe Ferrreira-cho Amchea Modem
Jielo vesaiek mollar ho poilo tiatr ghelea Sunkrarak,
Setebrache 15ver 2006 Kuwait-Hawally A/c hollant
machier haddlo. Ani ek khaxallponn digdorspea koddlean
dista tem Bab Joe Ferreira ek okhondd partist astana-i
bhi tannem hea tiatran kosloch obhinoiant bhag ghevnk
na. Digdorsponnacher aplem sogllem dhean dovorlem
mhonnonuch tacho tiart iesvontt zala. Amchim porbim
bab Joe Ferreira-k
Lino B. Dourado
http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
_______________________________________________
Goanet mailing list
Goanet@lists.goanet.org
http://lists.goanet.org/listinfo.cgi/goanet-goanet.org
