------------------------------------------------------------------------
* G * O * A * N * E * T **** C * L * A * S * S * I * F * I * E * D * S *
------------------------------------------------------------------------
Enjoy your holiday in Goa. Stay at THE GARCA BRANCA from November to May
There is no better, value for money, guest house.
Confirm your bookings early or miss-out
Visit http://www.garcabranca.com for details/booking/confirmation.
------------------------------------------------------------------------
Tujem Nanv Vhodd Zaum
Kosle tori eka kama khatir hanv Ponnje pavun sorlom.
Mhojem bharim mhoji sundori asli. Ponnje tor vetanch.
Mhonntoch, Goa-Kuwait return tikett re-confirm korche
khatir Indian Airline offisant-ui vochpachem
tharailelem. IA offisant pavtoch mhaka 69 token
number meulo
Rikami aslelea bosker amche kulle tenkoile. Mhoji
sundori mhojea dhavea bazuk bosleli. Tika tekun ek
modlea piraiechi ostori bosun asli. Tea somoiar
IA-cher provas (journey) kortelea passenger-ache 56,
57, 58 token ankdde display board-ar distale. Indian
Airline offisant bhitor sorlolo te meren, mhoje
sundoreche bazuk bosun asleli ostori mhakach pollet
asli.
Tea disacho Gomantak Times mhojea hatant aslolo.
Amche ixtt, Cecil Pinto babacho vinhodi lekh
Gomantak-acher aillo to hanv ruchin vachtalom. Tin
pavtti tori bagun (bend) mhojea islean nodor te
osteren firaileli. Mhaka polloun ti kosli tori iad
korunk kottpott korta oxem tichea mukhamolla velean
gomun ietalem. On-ollkhi (stranger) ostorechi
porot-porot mhojea islean nodor mhollear mhoje
sundorechea xanticho kantto ragachea koplar pavlolo.
Sundoren, mhoje dhavea hatak aplea uzvea hatan ghott
dorun odik mhaka chittkun bosli. Toxem chittkon bosun
tinnem, te on-ollkhi ostorek sondhex dilo. Hea dadlea
xim tenkun ievnchem monantlem pois dovorchem..
Eksarke ankdde 61, 62, 63 display boader zollkole.
Mhojea bazuk boson aslolo dadlo monis, mhaka pollet
asteli on-ollkhi ostori ani ek tornnati choli, counter
2, 3, 4 provanxanchi tikett topasnnim kortelea
offisara sorxim vochun, tanchea fuddean aslele kodelir
boslim.
Baizuan khoinchem. Kedov meren tonddan damun
dovorlolo tiddkecho sobd sundoreachea sound
box-aleant luhan bhair sorlo.
Toxem ulovchem nhoi. Ti mhaka khuim tori ollkota
asteli. Ghoddie tika iad iena zait. Hea khatir ti
mhaka pollet asli.
Tum kitem vhodd cinemacho nott? Hrittik Roshan?
Salman Khan? Aamir Khan, Sanjay Dutt, dolle
kaddinastana pollounk?
Ogi rav. Hi poi ti, amchea islean ieta. Sundorek
sanglem.
Passport, vimanachi tikett aplea hand bag-an lottit,
ti on-ollkhi ostori mhojea sorxim ievn, rikami svat
aslele bosker bosun soroll mhonnlem.
Mhaka dista hanvem khuim tori tuka pollela, punn
ugddas iena. Kedov meren iotn kortam tuji ani mhoji
bhett hea adim khuim tori zalea mhunn Tinnnem mhojea
dolleant aple dolle mello-it hanstea rupan mhonnlem.
Ticho sobit hanso khoinchai dadleak pisat (crazy)
korpa sarkelo aslo. Ti hansli tedna tiche dhove-dhove
dant disle. Somzunk zatalem ti aplea dantanchi bori
kalzi gheta mhunn. Tichea onttar lipstick-icho rong
justuch tinnem nheslelea polkear (blouse) bostalo.
Kanank tin-tin kanantlim doslelim. Dhavea hatachea
panchui botank bhangaracheo mudio. Hatunt ti kazari vo
ankvar tem somzunk kothin
Mhoje osle kodddde sonvsarache khoimchai konxeak
distele. Hanvem moskoreanim mhonnlem.
Sonvsarachea konxeak mhollear tunvem mhoji iad
tazi keli. Tum Kuwait astai nhoi?
Tunvem vicharlam tem sarkem asa.
Toxem tor mhojo thir sarko asa. Tujea hatantlean
hanvem ek inam ghetlolo asa. Ani to ghetana famad
photographer Riwon Gomes-an, amcho fottu kaddlolo to
hanvem gulf-goans web site-r pollelolo. Mhojem nanv
Monica. Tinnem apli ollokh korun dili.
Koslo inam? Ani khuimsor? Hanvem vicharlem.
Utorda Lourdes Boys one act play
..
Utorda Lourdes Boys nhoi. United Club of Utorda.
Tichi chuk suddravnni korchea khatir hanvem modench
tondd ghatlem. UCU-Kuwait hanchea vorsavollichea ek
ankhi sporden khas Amche Vichar Tumchi Zap
karriavoll asta. Hea karriavollint Goem ani Goemcher
attaplele sabar vixei gheun, hanv vichar ghaltam ani
sarki zap diteleank inam ditam. Hatuntli hi ek ostori
inam jikpi zait. Sogtti iad urpak hea idadir hea
komputterak titli memory na nhoi?
Atam hanvem, tuka samko ollkolo. Tujem nanv Lino
Dourado. Dor Aitarak tum internet- ar Kaskutleo
boroita. Mhoji ixttin, chukoi nastana tujim borovpam
print vo kopi kaddun mhaka vachunk dita. Upkar zait
tunvem (bag-anlem ek daktulench pustok kaddun) hacher
tuji autograph dilear. Mhoje ixttinink khorench tum
mhaka bhetlo mhunn puravo divnk zai.
Borovpachi tokhnnai ani autograph ghevop, khuimchea
lekhokachea xiranim dhedd xer rogot choddchem na kai?
Mhojea oslea lhan Konknni boroinarank ho lamb-rund
sonvsar ollkolunk sodta zalear dusre mahan ani famad
lekhok, tanchem kitem kai? Tankam kitlo obhimannan
vachpi lok polleta ani vakhantta asot? Punn kaim
borovpeanim tanchea borovpan dhormik ani somajik
vad-vivad kelelean, tankam vaitt nodren pollounche
polloun jivech fugar korun marunk sodinant kai? The
Da Vinci Code Inglez kadambori (novel) borovpeak Dan
Brawn, hannem, Jezu Kristachi nida (blasphemy)
kelelean Kristi somudai taka vittelea. Salman Rusdhie
Satanic Versus Musolman provadea vixim nida kelelean
taka jivoch marpachi, dhormik monxancho ugtteaponnim
porvongi asa. Khub asat dusre. Kadambori pustokam
velean tannim krutani duddu zomoila asot. Punn aplea
borovpanim dusmankaeche rukh rompleat ani khuimchai
vellar te katrun ujeak ghalpache poristithir asat.
Amchea modim noikari (negative) boroupi khubuch
melltat. Tanchi borpavoll fokot destructive keddnach
constructive mhunn asonant Film kolakaranchi kritika
marpi film masikar ollbeam porim fulltat.
Tiatristanchi kritika porddea fattlea ravun martat.
Internet-ar aplem nanv dinastana borea monxachim
nanvam lojechea khilleak humkolloitat. Tankam ami LRNB
(Lipun Ravpi Netar Borovpi) hea nanvan ollkotat.
Khorem sot tujea borovpan asa zalear nanv diunk bhieta
kiteak? Tum ek borovpi mhunn tujem nanv vhodd zaunk
naka?
Lino B. Dourado
http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
_______________________________________________
Goanet mailing list
[email protected]
http://lists.goanet.org/listinfo.cgi/goanet-goanet.org
