------------------------------------------------------------------------
* G * O * A * N * E * T **** C * L * A * S * S * I * F * I * E * D * S *
------------------------------------------------------------------------
Enjoy your holiday in Goa. Stay at THE GARCA BRANCA from November to May
There is no better, value for money, guest house.
Confirm your bookings early or miss-out
Visit http://www.garcabranca.com for details/booking/confirmation.
------------------------------------------------------------------------
Ben ani Jen hea ghov-bailechi ghozal Kazu Fenniecho VIRUS Choddta Tenna
AK hea bhagant tumi vachlea. Konnakui ho lekh chukla zalear tannim hangasor
ho link topasun vachunk ieta.
http://groups.yahoo.com/group/gulfgoans/message/3095
Tin vorsam uprant tanchi ghozal fuddem dhukoltana
Undir Mhojea Mama
Jen, khuim asa tum? Kopdde haddunk visorlo hanv Nhannient thavn aple bailek
ulo marun Ben-an sanglem.
Ti laginch asli. Tinnem aikolem. Kuddant vochun bed-ir dovorlele kopdde
hatant kaddtana, thoimsor tinnem mov sarkeli khanddar marun vhorcheli kes (soft
carrying case) polleli. Dolle motte korit, bott laun chiddun pollelem zalear,
bhitor asleli vost kodok lagli. Ghorkarak vicharlea xivai, tachea vostunk
keddnach meklli korun ti polle nasli. Kopdde vhorun tachea hatant ditana tinnem
vicharlem.
Ben, bed-ir asa tem kitem
Sorry darling. Tuka sangonk vichorlom. To zaun asa Laptop.
Laptop? Mhonnchem?
Poilim mhaka kopdde nhesun nhannientlo bhair sorum di. Uprant tuka sogllem
sangtam. Tea mhonnosor mhojo glass, soda ani kazu toiar dovor.
Ankvar astana vo Jen-a thaim kazar zaumchea adim tannem whiskey ghonttchi
asli. Kazar zalea uprant Anjuna-Kainsua vaddeantle sasu-main, iexvori toair
kellem vokhod (divine concoction) kazu feni, aplea zanvoi-nk pavtti korchi ani
te meren Ben kazu fenicho gulam zanvcho. Tannem glass-an feni votoili. Tatunt
illoso limbu ross pilllo, soda mixol kelem ani ek motto ghontt ghetlo.
Komponnichea business-a khatir hanv bhair astam tenna mhaka, amchem
komponnichem utponn (product) koslem asa ani koxem chollta tem dakhovpak, hea
laptop computer-achi ekdom goroz Sohokar korpea (co-ordinate) thaim
portean-portean fon korun hem ani tem vicharchea bodla ho laptop computer
(carrying case-sintlo bhair kaddun) mhojem kam sompem korta, ani tannem
nhidche khuddan laginch aslelea bailechea dressing table-ar Laptop dovorlo.
Itlo lhan? Bhurgim vapurtat to kompuittor kitlo vhodd ani hem kitem lhan
Disan dis electronic vostu lhan-lhan zait vetat. Poilincho landline fon ani
atancho mobile, kitlo forok? Haka mhonntat, the miracle of modern technology.
Ben-an kazu-cho dusro ghontt ghetanam adhunik tontrvidea-chi tust korun uloilo
Khoreanim Devan ghoddloleo soimbik vostu modim chomotkar asa to, monxanim
ghoddlelea vostunk na. Computer magic chollta fokot monxan aplea gineanacho
upeog kela ani tovui zalear Devache podven. Hea vixim ojap zauncho nikalus na.
Kompuittor iontrvideachi (computer engineering) hatunt physical, chemical ani
mathematical chall vapurlea mhunnonuch to ek bhou upkarnni (device) zaun
ghelam. Jen-an, apleak thoddi bhov zanvikai asa mhunn dakhol kelem.
Khorem mhollear, hanv soddanch chintalom mhoji bail only home department
(ghoracho) karbhar samballpi mhunn. Pollounk ghelear dusrea-i kamani huxar asa
mhunn aiz kollun ailem.
Ek sang. Ghorant asa tea PC (Personal Computer) ani hea laptop-a modim kosli
ontor? Jen-an prosn kelo.
Jedna kompuitter itihaskarank (computer historians) pustoka sarkelea laptop
ghorantle/offisantle PC bhoxen kam choloitolo vo na choloitolo ho prons
aillo. Punn khorem mhollear vhodd ani lhan hanchea modim ontor dovri nastana,
monis pranni, aple mander (laps) dovorun akkho sonvsar choloitoli mhunn hi
khatri tankam asli. Ontor itlich, laptop computer, tujean zai thoimsor vhorunk
zata ani bizli nasun battery pack-ar chollounk-ui zata. Hi ek itihas
.
Borem baba. Tujo itihas-bitihas mhollear vell zatlo. Laptop koso cholta tem
sang?
Tum mhoje bazun vo 45 degree angle ubem ravlear LCD-cher nitoll dischi na.
LCD mhonnchem Liquid Crystal Display. Ghorant asa taka Monitor mhonntat. Hi
tuka khobor asa. Mhonntoch odik borem tunvem mhoje mander boslear. Kiteak
nanvuch suchoita nhoi? Laptop? Thodde pavtti Jen-ank osle lag vo mirovnneo
zai astat. Vhodd khuxen Ben-achea zangddar bostana Jen-an vicharta.
Ben, undir khuim asa re? Mouse ani mouse pad diso naslelean Jen-an auchit
vichar kelo.
Jen, be serious. Moskoreo nakat. Urdir aplea zagear asa. Tacho vell pavlo
mhonntoch to bhair ietlo. Sodeak tachea suvater hem touch pad toiar kelam.
Hangasor tujem bott dovor ani susegad feather touch bhoxen voir sokoll voch ani
tuka zai thoim click kor. Undrachem kam atam touch pad korta
Ani mhojem hoddddem, tujem touch pad zalam kitem? Ben-acho dhavea hatachim
bottam tichea chater choltalim tem polloun Jen-an vichar kelo
Somzaitam tuka feather touch mhonntat tem kitem poi tem. Ho mouse nhoi.
Touch pad. Zata titli zotnai ghevnk zai. Oxech toren tuka, gelea pavtti
kompuitter xikoitalom. Punn tujem dhean xikpacher nhoi punn hanv kitem kortam
tacher vheta.
Sodeak tum mhojo xikxok vo teacher. Ani hanv tujem student. Xikxokanim apli
rit-mansugi xikpeam thaim samballchi asta. Xikxokan choli vidhearticher
vonoibhong (molestation) ani be-vagnnunk (misbehavior) kortat mhunn dispotim
newspaper-ar khobro vachunk melltat.
Punn, hanv tujo ghov.
Ti khobor asa mhaka. Punn, eka innocent bhurgea porim mander bosoun laptop
computer xikoitana, hanv tujem student oxem tunvem somzun
.Ben!!! Bhievkutem
(nervous) zaun Ben-achea zangddar boslele kodden, Jen-an aple kulle voir kaddle.
Kitem zalem?
Laptop computer-ak khoreanich mouse na?
Sanglam nhoi? Tache zagear touch pad bottan cholovnchem asta mhunn?
Hum!! Atam somzolim. Kedov tunvem mhonnlelem, vell pavtoch undir bhair ietlo
mhunn. Dista mhaka undracho vell pavloso, ani Jen ekuch zottkean Ben-achea
zangddavelem uttha ani fuddem mhonnta. A teacher should not suppose to do
this. Either you take care of your exposed mouse or postpone this lesson for
the next supercomputer. Ani tem chollot bhitor vheta.
Lino B. Dourado
http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado
---------------------------------
Stay in the know. Pulse on the new Yahoo.com. Check it out.
-------------- next part --------------
An HTML attachment was scrubbed...
URL:
http://lists.goanet.org/pipermail/goanet-goanet.org/attachments/20060930/8f502042/attachment.html
_______________________________________________
Goanet mailing list
Goanet@lists.goanet.org
http://lists.goanet.org/listinfo.cgi/goanet-goanet.org
