Kellem Kaunk Sal Kaddchich Poddta. Polle te suriak. Somdirachea pottant rigta. Tacho rong, tambddo-tambddo zait veta. Dis bor tannem sonvsarachi seva kelea. Monis zatik toxench zonovorank, rukh-zhaddank aplea uzvaddik kirnnamni togpachi xokti dilea. Hech toren tujo vixall mog mhojea sovem fuddarachi divli petoita ani tichea uzvaddan, kallokacher zoit vorunk, hanvem khub, khubuch cholchem asa Eka cheddvacho avaz. Varear mekleaponnan jivit sartelim suknnim, aplea tokhlelea jivak vixranti divnk khuim tori zhaddar bostelim na tor ghuntterant rigtelim. Mhojea jivitacho rukh tum. Tuje mogache savllen hanvem visov ghevncho asa. Punn vareachea nettan jedna panam sokoll poddun rukhache khandde nagdde zatat te toren tujo mog mhoje sovem unno zait mhunn bhietam. Eka cheddeacho avaz Utodddeche doria kinarer dogham mog kornaram tinsanim vellar dhove renver bosun mogachea umalleanim uloitanim. Anink thoddea vellan, kallokan sonvsaracher chador ghalchem aslem. Kinarer xitoll varem khaunk ailolo lok, ganvant portotalo, punn mogacheo gozali korpi love birds, eka-mekak chittkunn apleo gozali odikuch rongar haddtalim. Mollbar, tore-torechim noketram chokchoktat. Thoddim lhan thoddim vhodd asat. Dor ek monis hea jogant zolm geta titlleach hixeoban akaxar novem noketr udeta. Polle, polle. Hem poi polle! Taka tutitlem noketr vo falling star mhonntat. Khuim tori dogam mog kornanranchim kallzam tutleant. Ani hea porim, ek noketr kallokant xennlam. Oxem toren mhojem noketr akaxavele keddnach pallchem nhoi mhonn tujea mogachi bhik magttam. Cheddvacho avaz Renver don kallzam chitraun Hanv tujo jivit bhor mog kortelim him utram tunvem boroilelim. Amchea dollea samkara churchure korinastanam, chitrailelim don kallzam udkachea lharanim, utram soit pusun velim. Polle thoim. Koslich khunna na. Oxech toren amchea vaddtolea mogar, tufan ievn amcho nirmoll mog nopoit zait mhunn hanv bhietam. Cheddeacho avaz. Itlo niraxi zavnchi goroz na. Tujem omor nanv mhojea kallzacher pintarlelem asa. Tem mat konnachenuch pusun vo kaddunk zavnchena. Cheddvacho avaz. Amcho mog fuddem vorunk, tujim utram dir ani adar kortat. Polle! Ami, kinarer bhitor sorlim tedna somidirachea udkak sukti asli. Atam bhorti ievn udok amchea painchim pavot ailem. Amcho mog eke-mhekachea upott mogan bhorun votta. Tuje modur ontt Cheddean, cheddvachea onttar kis dilo ani to kitloch vell urlo. Tim dogaim laginch aslele ramponnkaranchea vhoddem (boat) sorxim ghelim Dusrea sokallim . CHEDDO: Hello. Ojun nhidlelem asa tum? Hanv trasant poddlam. CHEDDUM: Koslea? CHEDDO: Mhoji avoi CHEDDUM: Oi! Hanv zannanch aslim. Tuji avoi amcho mog svikar korchim na mhunn. CHEDDO: Kaddli jib laili talleak. Poilem sarkem aik. CHEDDUM: Sang. Aikotam . CHEDDO: Mhoji avoi ekdom ragan bhorlea. Sogllich challvolun ti mhaka vicharta, ratim hanv khuim aslo kai mhunn. CHEDDUM: Sot asa tem sangchem. CHEDDO: Tum toklen pixem bha zaunk na mhu? Kal sanjer doriak vochunk nheslele kopdde dhuvpak mhunn, ti bhaincher geleli. Tika khoim, mhojea kalsanvamche bolsan, naka zaleli vost mevlea. CHEDDUM: Hummm! Atam ghomlem. CHEDDO: Kitem? CHEDDUM: Hanvum-i ratr bhor chintalim. Doriar vechea adim, bhitorleo sogleo mustaki hanv nheslelim mhunn. Ghora ietoch mhaka ghomlem mhoji chedddi khoim tori . CHEDDO: Oh no . Lino B. Dourado
http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _______________________________________________ Goanet mailing list [email protected] http://lists.goanet.org/listinfo.cgi/goanet-goanet.org
