Atam Sorgarui Politik? Kuddchodde, Cacora vattarantlo Carlos Paxeiro kallzacho attak zaun somplo. Aiz atthvo dis tannem sorginchea voikunttan (paradise) mukhi darvonttantlean entry marlear. Voikuttant lhan-vhodd ozaram odik anikui darvontte asle. Prottek darvonttear dor des-antle ani Raj bhaxenlean mahiti tokte (sign board) humkailole distale. Atam sorgar vhetelea monxank thoinsorlea lagu zatolea odhikarean novo hukum ghatlolo. Zonn eklean ap-apnnale maim bhaxechea darvontteaxim nimnne zhoddtek, ollik ubem ravchem aslem. Carlos-ak, Romi lipi-n vachunk ietalem. Khoim tori KONKANI darvonto distolo, ho bhorvonxo dovorun tannem purai voikunttak bhonvanddo ghatlo, punn khoim taka Konknni ulovpeancho darvontto dislo na. Laginch aslelea SPANISH darvontteaxim gelo ani eklea thaim, Konknni uloitoleancho darvontto khoim tori pollela kai mhunn vicharlem ani tannem zap dili. "¿Qué usted está hablando? No entiendo." FRANCE darvontteaxim ek tornni ostori mevli. Tika vicharlem. Tinnem mhonnlem. Que parlez-vous ? Je ne comprends pas. PORTUGUESE darvontteaxim gelo. Somzun, 1961 vorsant Goem soddun gelle Purtugezantlo konn tori eklo Konknni somzotolo astolo, ani thoimsorui taka zap mevlli. Que você está falando? Eu não compreendo. Tegui zannachi eksarkelich Carlosak zap oxi asli what are you talking? I do not understand Bhouch niraxi zaun thoinch lagsorlea bankar boslo. Chukon tori ek Goenkar mellcho oxem taka dislem. Suknnim ani pisollim tachea khanddar bhosun khelltanam, Sanvorddem kazar kellem xezarchea Bostu-chem cheddum Dollorosa tachea dixen ietelem dislem. Taka pollevn khos zalolo khoro punn babdem sonvsarik kazari jivitachem sovuch mhoinnem sarun tem hanga pavlem mhunn, taka zobor dukhlem. Bai Dolloros, tum okosmat hangasor? Tannem vicharlem Carlos tiva, tum azun hanga kitem kortai? Tachea prosnank zap dinastana tinnem, taka vicharlem. Mhoji khobor sodd bai-e. Tuka itlea vegim hangasorli visa konnem dili? Hanv, mhoji Activa ghevn Kuddchoddem, Maruti Gadd-ar pavlelim. Scooter bazuk ubi kortana fattlean minachea ttrokan tovkor divn scooter-i soit kitlech metr xevttun poddlim khorim, punn itlea pois pavtelim mhunn hanvem chintunk na. Minachea ttrokannim Kuddchodde-Sanvorddechea borelea monxancho jiv he toren aksiddentan nattak kortat astana, Goenche cheallis choranche azun dolle kiteak ugtte zainant kai? Noxib amchem Carlos tiva. Ek sang. Tujea fattlean ailele Goenkar bhav-bhonnim hangasor disonant, punn tum ekloch . Kitem sangum bai? Carlosa-n modench zap gali. Ozar torecheo bhaxo sonvsarant asat toxem sorgar asat. Hanvem purai hea voikunttak bhonvadde ghatle punn mhaka khoisoruch KONKANI darvontto dislo na. Tin dis zale hanvuim-i tujech bhoxen bhonvadde ghaltam. Mhakai-i khoinsoruch dislo na. Carlos tiva.!!! (Uloitam-uloitam tinnem Carlosa-chea bhuzar hat marun mhonnlem) Ho to monis ievtileant ieta to amcho xezari Gurudas mu? Oi mu go!! To anik avchit? (Taka ulo korun) Arre Gurudas. Gurudas-an tankam poisuch thavn vollkilim ani aple challik anikui nett dilo ani tanchea sorxim vochun vicharlem Calos bab, Dolla bai tumi hangasor konnachi vatt polletat? Tujem kitem? Mhonnchem, koso pavlo? Tachea vicharak zap dinastana Carlosan prosn kelo. Sokallim, amchea vaddeantlea Rohidasak sagillem, bazarantlean ietna Rogulea dukhonar vochun magelem ghoddiell sarkem kellem asa tem matxe haddpak. Rostearuch saikoll thamboun tannem mhaka ulo marlo. Dogui ami uloitona, khoinchanuch minacho ttrok rostin ienv amcher aptolo. Mhonntoch tukai-i Dollorosa porim mina ttrokan lift dili. Oxe toren minam ttrokannim Kuddchodde-Sanvorddem lokachea jiva kodden khelllear thoddea kalla modem thoimchea rostear monis nhoi fokot ttrokuch distele. Carlosa-n husko dakoun mhonnlem. Ek sangat. Tumi dogaim hangsor ubim kiteak? Bhitor kiteak vochonant? Gurudas-an vicharlem. Vhetelim koxim? Kedov meren dadleam modim cholltelem bhaxon monneaponnan aikotelem Dollorosa-n zap ghatli. Amkam Konkani nanvanchi gate mellona. Kitem? Gate mellona? Ago tumi Konknni gate-xim ubim asat. Hem poi vach Devnogrint boroilam KONKNNI Gurudas bab, mhoje familik ghevn hanvem, Jerusalem Povitr Nogrant (Holy Land) bhett dileli. Jezu Krist-an xikoilelem magnnem Amchea Bapa thoinsorlea eka mondirant Romi lipien boroilelem vachunk mellta. Ani hanga sorgar..? Carlos bab, Goenchi Konknni Raj bhas Devonagrin lipi-n. Zalear hangasorle mahiti tokte Romi-n koxe astele? Tem asum. Darvonttear tori marun pollum-iea mu? Tegaim KONKNNI darvontteaxim ubim. Tokh-tokh korun darvontto dodhailo. Cinemachea poddear dakhoitat te bhoxen slow motion-an ievkarachea fullancho pavs zhoddunk laglo. Soukas darvontto ugtto zalo ani Goenchea Mhojea Goenkamrano git vazlem. Kupantlean konn tori bosun ietale. Ek brown katicho zalear dusro ghoro punn khadd piklolo. Ghoro katicho mukhar ievn koddelir boslo ani ulo marlo Manohar Oui Seigneur, tannem French bhaxen Saiba mhunn zap dili Qui est Romi et qui est-il Devnogri ? (Konn Romi vale ani konn Devnogri?) Carlos et Dollarosa sont Romi. Mon Seigneur.( Mhojea Saiba. Carlos ani Dollorosa Romivalim) Tatt-tatt korit kompuittorache key board-ar bottam dodoilim ani bott dakhoun Carlos ani Dolorosa-k oxir vatteantlean cholunk sanglem. Ani Gurudasak, ek gobbi (ghoddeanchi gaddi) aili, taka bosoilo ani ti nanch zali. Carlos tiva, oxir rostea velean chollun vetana Dolorosan zap keli Sang bai-e, aikotam. To dusro monis konn? Taka, tunvem vollkunk nai bai-e? Tumchi chuk na. Tumi vaddleant Inglezichea varean. Sonvsarant astana to monis zaun aslo ek Mahan Konknni Sahitikar ani lok-kovi Punn to fokot France uloita mhu? Tannem French sahitichi podvi ghetleli ani xikxokui mhunn kam kori. Atam goddie to voikuttant interpreter vo Konknnileant onnkarpi astolo. Oxir darvonttantlean chollun vetana tannim ani ek modur surantlean git Goenkaramno Zait Zage tanchea kanar poddunk laglem. Punn hanga-thoim utrancho (lyrics) bodoll distalo. Aikota bai? Aikotam tiva. Henvuim-i ek git lok-kovi-n boroilelem. Atam tori Goenkar zagrut zalear puro. Sorgarui politik chollta mhunn susegad Goenkarank konn sangtolo? Lino B. Dourado
http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Everyone is raving about the all-new Yahoo! Mail (http://advision.webevents.yahoo.com/mailbeta/) _______________________________________________ Goanet mailing list Goanet@lists.goanet.org http://lists.goanet.org/listinfo.cgi/goanet-goanet.org