Mog Khorcho, Punn Samballun Khorcho Sokoll asleli gozal tum vachtolo. Vachlea uprant tunvem ogeponn samballchem nhoi mhunn hanv, tujea thaim nomrutaien magttam. Dusreank zagrut kor. Dezembrache 1ler 'World AIDS Day' palltat. Dharun piddecher zagrutai korchelo dis. Tumchea somor ho e-mail ugto kortanam ek sangun dista. Kaim mudde zoxem porim boroupeachem nanv, ganv ani vachpa sarkelem naslelem, hanvem lipoun dovorpachi tozvit kelea . Mogall Lino bab, Dor Aitarak tujeo Aitaracheo Kaskutleo vachtam. Mhojea nanv XXX ani ganv YYY. Hanv Dubai deshant lhanso dondho choloitam. Hanv auto-technician. Mhoji sovtachi (own) mottorachi garage asa, ani char kamdar mhojea hata khala asat. Duddu mhoje thaim disasantlean bhorbur ieta ani veta. Hanv kazari ani mhaka dog bhurgim asat, cheddum ani cheddo. Tim Gõyant xiktat ani mhoji ghorkarn bhurgeam sangata. Mhojem kam mhojo dhorm zala. Duddu komovpak mhojeo nakxeo zoroileat ani zoroitam. Mhoji garage, mhoje kamdar ienvchea adim sokollchea sov vaztam ugti kortam ani ekttoch ratchea ikra vo bara horamcher bond kortam. Mhoje garegik tekunuch mhojem ek bed room-achem flat asa. Mhoji familik iskolachea suttechea disanim, tankam mhojea sorxim haddtam. Orxim hanv ektoch ravtam mhojea flat-an. Ratchea vellar don vo tin whiskey-che peg xekoitam. Dusrem kainch dans, tiatr, piknik ani heir poddun ghelem nam. Fokot online Gõychim potram vachunk internet polletam Ghelea vorsant Kuwait sakun ek mhojo mogacho ixtt hangasor Dubai pavon sorlolo. To rautelea hotel-ant vochun taka mhojea sorxim haddlolo. Adle ixtt mhonntoch khub-khubuch umollxeken uloile, hansle ani piele. Oxem amchem cholltana mhojea ixttan hagasorle night-club koxe kat cholltat tem pollovpak vinonti keli. Itlim vorsam hanv hangasor mhojo dondho choloitam punn kennach oslea night-club-ank bhett divnk nam. Hea kaman mhojo virodh punn ixttak vaitt disot mhonn taka eka klub-an velo zalear, thoim mhaka mhojea sagata kollejint xikteli ek ixttin gavli Ti ekttich .ticho vaur divertiment dinvcho sorea noxar astana hanvem tika mhojem business card dilem ani dusrea disa ti mhojea flat-an pavli . Ani hanv mhoje ghorkanink be-visvaxi ghorkar zaun tichea thaim dor sumanank mog kortalom. Poir mhaka gomun ailem tika ani tichea thaim lingi mog korteleank Acquired Immune Deficiency Syndrome (AIDS) pidda eka mheka koddsun porsoli mhunn. Choddan chodd bhailea deshant rabito (tikhan) korun aslelea Bharotachea nagrik AIDS piddek boli (victim) poddtat mhonn Bharotachea sorkarak atam kollun ailam ani hech khatir kazara adim Human Immuno-Virus (HIV) pidde vixim mandatory/voluntarily test korpak novo kaido veherant ghalchele asat mhunn aikolam. Hanv, tujea thaim upkar magttam.. Tujea Aitarachea boroupan amchea Gõykar bhav-bhoinnanim kaidea bhair mog kortanam kallzi gheunchi mhunn xiddkaunnim divnchi Tujea visvaxan XXX
Hanvem taka ek vichar korun e-mail pattoulo Mogal XXX, Punn tunvem mhaka ugteponnim sanglem nam, tuka-i bhi hi HIV pidda tujea ixttinni lagchean favli zalear. Ani tannem mhaka soroll zap dili. NA!!! Hanv condom-acho upeog kortalom Lino B. Dourado ` http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Do you Yahoo!? Everyone is raving about the all-new Yahoo! Mail beta. http://new.mail.yahoo.com ------------------------------------------------------------------------ Goanet supports BMX, the alumni network of Britto's, St Mary's and Xavier's -- three prominent institutions in Mapusa, Goa. Events scheduled from Dec 16 to 21, 2006 For more details visit http://www.bmxgoa.com ------------------------------------------------------------------------
